-
The Laksa Club 🍜
位於灣仔有間新開主打東南亞經典菜餚The Laksa Club
由精通經典法式菜餚的新加坡籍主廚Edward Voon主理
他以自身家鄉美食為伴既成長歲月作為靈感
炮製出多款正宗又經典新加坡菜餚
不過留意番既係 新加坡菜只設午市供應
✨ Lunch Set 2 courses ($228)
- main + one side or dessert + non-alcohol drink
OR 3 courses ($288)
- main + two sides or dessert + non-alcohol drink
🐣蝦醬雞翼（$68）
以蝦醬預先醃製雞翼再裹以薄薄麵衣炸至酥脆
食落蝦醬味香濃 唔怕過鹹 而且香脆可口 唔會好油膩
🥩五香肉卷（$58）
選用優質本地豬肉 以豆腐皮包住混合爽口荸薺
同五香調味料既飽滿肉餡再油炸 肉卷表面金黃酥脆
內餡鮮嫩多汁 配搭泰式辣醬更是酸甜
🥗鮑魚沙律（$88）
鮑魚片質感爽口鮮嫰 配搭芝麻薑醋汁 味道輕盈開胃呢～
🥩伊比利亞黑毛豬肉串（$78）
以蕃茄及洋蔥沙沙醬配搭豬肉串 香口得黎別具風味
肉質香嫩多汁 成為當既其中一道個人幾中意既菜式
🍜 新加坡喇沙（$150）
食新加坡菜又點少得最知名 + 最受歡迎經典菜餚之一
主廚巧妙地平衡傳統風味同現代烹飪技藝 先用上摻摻
將口感紮實福建麵和米粉混合 並熬煮超過六小時以上
製成香濃湯頭 有別於平時椰奶味重既喇湯湯底
呢度湯底特色係萃取左鮮蝦同香料既鮮甜濃郁風味
配以豆卜 + 魚蛋 + 鮮蝦等足料食材 口感相當豐富
🍰斑蘭芝士蛋糕 ($58)
將充滿新加坡風味 - 斑蘭味加入日式芝士蛋糕 幾有創意
個人幾中意呢個組合 質感香濃軟綿得黎 不失傳統味道
芝士味雖然濃郁但食落清香 再配上椰子雪糕 更為清涼
-
📍The Laksa Club (灣仔)
灣仔告士打道88號其昌中心4樓
-
#lamchelin
#lamchelin_singaporean
#lamchelin_wanchai
#美食摄影 #灣仔美食
