行經朗豪坊，留意到呢間走田園風格西餐廳，充滿綠油油花花🌷&植物☘️，睇餐牌食物種類都幾多，而且價錢合理。
✿ 青咖哩雞肉意大利飯🍚 $98
整個飯好香椰漿味🥥，味道唔辣，食唔到辣嘅朋友都啱食。雞肉用黃薑粉醃製而成，唔會過咸。
✿ 泰式烤黃油雞🐔(半隻) $175
烤雞做得皮脆肉嫩，食落啖啖肉好滋味😋。另外配搭泰式醬汁，酸酸哋，仲有菠蘿🍍伴碟，整體味道好夾。
✿ 小食拼盤 $128
拼盤有泰式蜜糖辣肉腸、馬蘇里拼芝士條、辣脆雞翼、泰式辣肉墨西哥脆脆，相當豐富。值得一讚辣肉腸係冬蔭公味，好特別，辣得過癮。
✿ THE PONT 田園蛋糕 $79
甜品外型仿效盆栽🪴，好啱打卡💕。上層係Tiramisu，而下層有杏仁脆脆，兩樣食物搭配一齊食，好味又美觀。
✿ 宇治抹茶白朱古力牛角窩夫配雪糕 $78
牛角窩夫🥐🧇整得酥脆，好香牛油味🧈，沾上宇治抹茶🍵白朱古力cream，甜度適中。
總結🫦
甜品設計精緻，主食味道唔錯，餐廳仲有唔少打卡位，坐得舒適，想食嘅朋友最好預先訂定位☎️。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
THE PONT
旺角亞皆老街8號朗豪坊2樓32、33、35-37號舖
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
「THE PONT(旺角)」
#餐厅拍照 #我的美食日记 #美食系列全测评 #生活美食探索记 #香港美食 #香港探店 #香港好去處 #香港全攻略 #香港美心会吃攻略 #吃在香港 #再遇心动香港 #香港下午茶好去处 #香港打卡 #朗豪坊 #旺角美食 #旺角
