响点评度睇度体育东开左分店，于是马上拖埋阿妈一齐去试~
间铺有D难稳啵，于是我地第一次去探路失败左——稳唔到铺头结果去左对面新开既一级棒。。。翻归路上见度对面马路有个牌白底红字写住ラーメン，系距啦，稳得我地禁辛苦。。。下次啦唉。。。
今日中午终于成功到达福福，比我想象中细间，不过我觉得几warm，老板超级热情，不停同我地推介距地滴野食~
点左个招牌拉面（17元），咦个味好似我地响札幌拉面横町果间华龙食到个味，只溏心蛋好好味，半生熟蛋我最爱啊，不过猪骨汤一向都唔系我杯茶，感觉好似寡滴，同埋d面好似唔多够韧，系米我开动之前发左轮短信耽误左既原因呢？
地域拉面小辣（18元），开始觉得唔多够地域，食落发觉都几辣啵，ok~
饺子（7元），四只都几大只下，果然系招牌，馅料充足，皮薄，新鲜食仲脆脆地，值得回头
什锦天妇罗（25元），good~我好耐无食过禁好食既天妇罗啦，D粉落得适中，虾有3只好爽口，最重要系酱汁系热上，禁先合格家嘛，依家好多店都系冻冰冰禁上，no~ 如果多撮海盐就更好啦。。。
玉子烧（5元），我一向中意玉子烧，呢度个价钱同分量都仲算合理，不过我中意再干身小小有d蛋糕feel，呢度煎蛋味重d。。。
点评卡送可乐两只，再用优惠券平左5蚊，埋单67大洋~ 满60蚊送左套郭富城公仔，我中意茄子多滴罗。。。
饱塞~呢餐都几满足~
临走果阵老板同滴伙计研究紧新菜，希望距可以做耐滴啦，呢间我地会回头家~
最后再提提大家，系六运二马路30号隔离条路，有个灯箱白底红字写住ラーメン，就系距啦~

推荐菜: 糖心蛋  天妇罗  饺子  玉子烧