贡献值:190
社区级别:六年级
所有荣誉>>
点评:110
商户:5
图片:4
用户信息:20
其他:51
1
12
3
0
我地都係冒名而来，不过係失望而归......环境比较“一般”，好在都仲有冷气...我地喺西门口地铁站行过去，行餐死嘅，老实讲，到街口已经闻到香味，可以话熟悉嘅香味（以前一直有帮衬开第间），满心欢喜地行过去，一入门觉得卫生认真差啰。我点咗个牛三星，LG点咗牛羊杂、牛骨髓。第一感觉，味道啱；第二感觉，咁贵嘅；第三感觉，太多韭菜啦...第四感觉，酸萝卜如果可以放喺外面，等客人自己加会好D。最搞笑係，我LG食咗碗骨髓，饱咗成日，“抵到烂啦”，同埋应试放好多味精，食完口好干嘅。哎，老板都太现实啦，一有报道或者名人话好食，即刻升价，但係卖咁贵，其他设施又跟唔上，食水太深啦......
推荐菜: 牛三星
标签: 休闲小憩 随便吃吃
去过3次，今次係最失望、感觉最差嘅。之前两次都係冬天去，有一次仲係包房添，都觉得唔错嘎，出品都几好，滴珠豆浆好味，蛋散都好正，其他点心味道都好好。但今次係夏天去，问题就大啰......喺门口等咗耐就唔在话啦（我都唔明，已经唔係周五六日啦，D人唔驶上班嘅咩，咁鬼多人嘅！！！）坐底后，发现问题仲大...冷气唔够大，我全程都揸住把折扇，之后望下周围，原来我都唔算好怪，差唔多围围枱都有至少一到两个人係泼紧扇嘅，跟住我LG就话啦，你睇D服务员着果件马骝衣仲厚过我件T，仲要行嚟行去、斟茶递水，加埋冷气唔够，D人唔热嘅咩......一阵后，上点心啦，哎...惨啰，有味嘅~~~好在係服务员身发出嘅......以后都係冬天先去啦......
推荐菜: 滴珠豆浆 蛋散
标签: 朋友聚餐 家庭聚会 商务宴请 休闲小憩
哈哈，终于可以揾到个可以第一个评嘎啦......今次係D同学知道我中意食日餐，就介绍我去嘅，到咗发现间铺好的色，大概只得二十五六个位左右，窄窄长长，但地方好骨止，因为食日本餐卫生係十分重要嘅，入门已经附合标准啦...不过，我估人多果时可能转身都有D难吧......坐底后，侍应生就上茶同菜谱，其实铺头人唔多，寿司师傅2个，侍应2个，收银1个，哈哈，仲有1个应该就係老板娘啦。我地都有几个，样样点D都基本上可以试匀晒啦。要逐个讲添，唔好睇佢地细细间，出品又真係唔差啵。我地去嘅时候唔多人，仲同老板娘倾咗几句添，原来铺头刺身类嘅入货都係由老板娘亲自搞掂嘅，又因为铺头细，库存唔需要太多，所以D材料都可以保证足够嘅新鲜......烧三文鱼腩寿司够肥美，只係嘞嘞表面，比普通嘅三文鱼腩寿司更香；鳗鱼寿司就可以要求师傅再烧烧表面，同样更美味....其他寿司都十分新鲜，即点即做。另外，老板娘仲叫我地试下垫底或者装饰用嘅萝卜丝，真係有唔同，外面大部分铺头嘅都带辛辣味，而佢地嘅就十分甘甜，老板娘话係全人手切嘅，之后唔知再做点样简单处理就可以咁啦。睇得出人地真係好有心做啰。因为唔係我埋单，所以唔知我地食咗几钱，依稀记得烧三文腩寿司係RMB22，脆瓜香芒军舰係RMB12，我觉得唔算贵啰，俾咁嘅钱一定超值啰。
推荐菜: 烧三文鱼腩寿司 鳗鱼寿司 脆瓜香芒军舰
标签: 情侣约会 朋友聚餐 休闲小憩 随便吃吃 可送外卖
2图片
其实我地去心鱼都係为咗食和牛，但今次有D失望啰...先讲好嘅：鱼子酱海胆炭烧石蚝做得相当好，蚝烧得啱啱好，紧紧熟，入口好滑，加上个酱汁味道都调得啱啱好，甜酸适中，先食上面嘅鱼子海胆，再食蚝就可以盖到嘴里面嘅腥味。法国鹅肝铁板薄烧唔错，但鹅肝几乎睇唔到（可以话食唔出），虽然咁，但味道都相当唔错，而且，一位着便服嘅阿叔同我地上菜时，仲叮嘱我地第一旧建议唔点酱，试过，真係唔同，不过，见到隔离枱唔係阿叔上菜，服务员就冇同佢地讲啦（不过，唔知会唔会係人地成日去，D人都认得，唔驶讲呢）至于其他菜都算唔错，味道都几好，我地3个人中午去，以98元/位点咗皇室套装3位，全程食落嚟，都几饱嘅，不过，唔知係我地食得快，每食完一份都要等好耐先上第二个，而且上餐嘅顺序一D乱，有D应该后尾食嘅一早就上咗。原本想加个好多人话好食嘅鳗鱼PIZZA嘅，LG话我奇怪，去日本餐食PIZZA唔啱；最后又想加个一口牛，征询过后，个个都有D饱，就选下次先嘞。以下就讲下内心深处嘅个人感受啦......个人认为优惠价98的套装还可以接受啦，但如果以咁嘅质素卖238嘅，我一定唔会试，唔值！我觉得商家有好重广告成份，开大个价，再减价促销，等消费者以为自己赚咗好多咁......另外，当我点餐时同其中一个短头发嘅黑衫部长出示我地有短讯优惠券时，佢原先果个勉强可以接受嘅面口马上拉长、黑晒...俾人觉得我地係成班穷人嚟揾着数嘅，好似呢D生意仔做唔做都罢咁！哎，我话，心鱼个老板不如换过D制服啦，套衫已经够黑啦，D面口仲咁黑，D客容乜易眼前一黑嘎！！！另外，其他服务员嘅素质都参次，同装修风格完全唔夹，作风一D都唔严谨，行路仲踢踭嘅，而且冇咩礼貌，最好係果位便服阿叔，我地估佢就算唔係老细都应该话得事嘅；嘻嘻，另外有一位哥哥仔好得意，上朱古力因为两粒放埋同一碟，我地3个人，应该係两碟3粒，但佢捧住碟碟都係2粒，就细细声同我地讲：算啦，俾多粒你地啦...
推荐菜: 鱼子酱海胆炭烧石蚝 法国鹅肝铁板薄烧
标签: 情侣约会 朋友聚餐 休闲小憩 可以刷卡 免费停车
环境好好，不过，俾人好贵嘅感觉，虽然食得起有余，不过，我地係流动人口，一年先返一次，又冇车，总係觉得呢D地方要有车先嚟得......（死党聚会去嘅，其他同学都係揸车去嘅）里面环境都好得，BOOK咗一间要同人孖房嘅房，不过好在，后尾都冇人嚟，间房好宽落。我地一共有4个细路，跑嚟跑去都可以。豆角同上汤苋菜唔错，可能係天气热，都想食得清淡D，都係双上嘅。炸鬼同炸牛奶都係双上，细路仔中意食香口嘢，其实大人都中意食；仲点咗D火锅料，例如鸡、粉肠、肉丸等，OK啦，又可能係天气热对火锅冇乜兴趣，但又讲返转头，如果个粥底冇嘢放落去滚过，应该就冇咁鲜味，所以应该冬天果时再去过。加返米落去滚返个粥，放少少盐吊味，真係好鬼正，我好饱都食咗两碗呀，可惜，到最后都冇食晒，哎，浪费呀......炒陈村粉同鸡油饭都好好，所以总体嚟讲，好唔错啦。五大四细，埋单500几，细路都有5-10岁（食得嘎），我觉得价钱抵啦，不过，呢D地方人多真係好点餸。最搞笑係，我地几个死党好耐冇见，见番实係鸡啄唔断嘎啦，埋单之后就一路係咁倾，后来发现点解越坐越热嘅，原来人地要打烊，就关冷气啦，但都冇人嚟催我地走啵。哈哈，呢招绝呀：我关冷气！热死你！睇你班嘢走唔走！！！
推荐菜: 毋米粥 油炸鬼 陈村粉 贵妃蚌 炒陈村粉 鸡油饭 豆角
标签: 朋友聚餐 家庭聚会 商务宴请 免费停车