卡乐B

排序:鲜花数点评(191 )

新明记黄鳝仔

广州天河区龙口西路577号(近天隆花苑)

• 卡乐B
• 口味:2
• 环境:1
• 服务:2
• 人均:￥50

2008.11.11
寻晚再次到黄鳝世家食饭，今次带多两个老友兼情侣，决定要试下嘅个白肺汤~
我地7点几到步，一楼大堂已经满座了，我地就到二楼上面，BF话环境无一楼好，我都有D同感嘅~但服务都好到位，几好~
杏汁炖白肺（48）——我早就想试下，一个紫砂煲上，打开盖奶白色嘅汤，几满下，服务员帮我地盛汤，我赶快试下，哄到嘴边，一股香浓嘅杏仁味扑鼻而来，再饮啖...哇~好正，好似饮牛奶咁（希望唔系添加三聚氰胺奶，嘻嘻），我两个老友可能对杏仁味唔系咁喜爱，所以距地就比我地少喝D，但距地醉翁之意不在汤，我老友好钟意食骨，刚好D汤渣嘅骨又煲得几淋，简直啱晒我老友胃口，我同BF每人都饮左4碗~我地计过一煲大概有13碗到~
黄鳝饭（一斤米一斤鳝58）我地都觉得黄鳝少D，可能系切丝嘅关系，看上去就无一斤，但每人都有两碗到~最后我自己都食唔晒D饭，因为太饱了~
烧鹅（一例18）我地都觉得几正，老友食落口话D酸梅酱系致美斋出品，我同BF都无研究但就觉得好好味，又唔系好肥，有多肉~
铁板虾酱啫粉丝通菜梗（28）呢个系我地点嘅全部菜中最唔好嘅，因为太干，好似煎面咁，最后我地剩底呢个好多~
中山菠萝包（12半打）我地见到门口做广告加上部长话系即整嘅仲话里面系有菠萝做馅所以点嚟试下，上台好快我地D野先嚟左1个，包就跟住上啦（即整？有嫌疑！），其实D馅就系菠萝酱，我同BF都食左两个，先食到一粒好细嘅果肉~哎~被骗啊！~
饭后有碟果盘送，另外满一百有10消费券~我地四个都食得好饱啊，好在呢度离车站都有段距离，赶快散散步消化下~！
2008.08.15
又到小周末~想见下BF，同距周围饮饮食食，罗左几家距公司附近嘅店进行选择，最后拣左呢家~
呢家店藏系龙口西D小区屋苑林立嘅地方，系天桥脚，听讲对面系广工校区~人唔系好多，我地挑左张对住电视嘅台（可以睇奥运，嘻嘻）~
嚟呢度梗系要点黄鳝饭啦~半斤鳝半斤饭，一例烧鹅，沙姜炒猪脷，木耳支竹肉丝煲~
上菜速度都几快，服务态度还好~我地都觉得味道唔错~价钱唔会好贵~下次嚟要叫多几个F先得，要试下个白肺汤~
食鳝唔一定要去新泰乐嘅~嚟呢度都唔错啊~

推荐菜: 黄鳝饭  沙姜猪脷  杏汁炖白肺  烧鹅

标签: 朋友聚餐  粤菜

• 08-08-15  更新于08-11-12 10:49
• |
• 5回应
• |
• 送鲜花(7)

康师傅私房牛肉面(东方宝泰广场店)

广州天河区林和中路63号东方宝泰购物广场1楼010铺(近广州火车东站)

• 卡乐B
• 口味:2
• 环境:2
• 服务:2

同BF行宜家行到攰攰地~见到呢间野几火爆~D面又好似几大碗，咁就入嚟试下“即食面”啦~
人太多，有D要搭台，好彩我地稳到两人位坐~睇个菜牌，选择唔多~有面有饭，嚟到呢处就梗系食面啦，红烧半筋半肉牛肉面（20），茄红慢煨半筋半肉牛肉面（22），个名真系长....再要两个小菜——花生腐乳裙带菜（8），精卤牛三宝（18)，最后整个甜品芒果刨冰(15)~
两个面嘅味道都唔错，汤有点辣，肉入口即溶~个裙带菜其实就系即食面里面嘅紫菜，牛三宝我地要大嘅，但都系得几块肉，有被骗的感觉~最后个甜品...哎~好唔掂啊~我同我BF都好钟意食芒果类甜品噶，真系太失望啦，芒果好酸啊，酸到我眼耳口鼻都喇埋一住，汁又少喔，所以D冰好淡，直到E家林起个味道，我眉头都皱埋一齐，又贵又唔好食~强烈建议大家唔好系果度食E个甜品！！！

推荐菜: 半肉半筋面  牛肉面

标签: 面食  小吃  休闲

交通停车: 火车东站

• 08-07-19 23:49
• |
• 3回应
• |
• 送鲜花(6)

心点港式茶楼

广州海珠区江南西108号2-3楼(近广百新一城)

• 卡乐B
• 口味:2
• 环境:1
• 服务:1
• 人均:￥33

礼拜一同BF行江南西嘅时候见到派传单，原来同文德路嘅心喜点系同一家，加上呢度新开逢礼拜一至五点心6.8折，我地两个就已经心郁郁噶啦~
今晚我地就约嚟呢度饮茶食点心，间店系I.O.U.隔离，我地7点到，里面唔系好多人，台与台之间都几逼下~
呢度都系饮功夫茶3蚊位，点心基本都系同心喜点一样，但有好多点心系下昼5点就唔再卖，都几失望下~
我地食左八款点心，我觉得最好嘅系泰式腐皮卷，脆脆地，再点埋D酸辣酱，好好食~
我点左个生菜肚丝粥，我同BF share，我果碗食到一半，竟然有条成3厘米长嘅鱼骨！！好彩无啃亲，当时我好傻咁林，只猪系米食鱼嚟，BF话猪唔食鱼，哈哈~但家子林起都有D打冷震，真系卑个粥雷到了~~~
最后呢度嘅服务唔到位，可能服务员唔够，成日都唔见人咁，又无交带~地点个肠粉食，无得卖又唔出声，就系张单度写无得卖咁，如果我唔睇下张点单都唔知道无得卖~
价钱方面，打6.8折，66蚊~真系好抵~我问果部长优惠到几时，距话未知道，想去食平价点心又无咩高要求就行快步啦~

推荐菜: 泰式腐皮卷  虾饺

标签: 朋友聚餐  点心  情侣约会  粤菜

3图片

• 08-12-03 22:41
• |
• 2回应
• |
• 送鲜花(5)

福福日式拉面屋

广州越秀区淘金北路19号A(近好又多)

• 卡乐B
• 口味:3
• 环境:2
• 服务:3
• 人均:￥30

今日中午同表妹过嚟呢边办D事，记得呢边有间拉面馆有溏心蛋就特登稳上门~
店仔细细，好在果阵人都唔多~服务员热情地招呼我地，两杯香香嘅大麦茶随即奉上~菜牌基本都系拉面，都有定食，小食就系另一个菜牌~
我要左个长崎海鲜拉面，个菜牌下面写住加叉烧同加溏心蛋就分别3蚊，两种都系店嘅招牌，我实在太贪心啦，我要一次过满足两个愿望，所以我两种都加，哈哈~
表妹就要左个地狱拉面中辣另加一份叉烧~我地仲叫蟹柳菠菜同煎饺~
D拉面真系好好味啊，汤底我果个系猪骨浓汤，表妹果个中辣汤底对于我嚟讲都已经系劲辣，但真系好过瘾~叉烧虽然得两块，但咬落好有嚼头，味道好~溏心蛋我觉得就无想象中咁好~
煎饺只只D馅都好饱满，涨卜卜~个菠菜就得两旧，食落...哇~！好吭~原来距有wasabi，但果D豉油几好味~
虽然D菜上台嘅时候，我心林D碟头咁细，够唔够饱噶？！但食完之后，我同我表妹饱到咩咁~
哎~好满足啊~！
P.S.我竟然唔记得用点评卡啊~~~少左两支cola添~

推荐菜: 煎饺  地狱拉面  海鲜拉面

标签: 日式拉面  朋友聚餐

3图片

• 08-11-28  更新于08-11-30 09:30
• |
• 回应
• |
• 送鲜花(5)

嘉油站西餐厅

广州海珠区江南大道中255号之13(近广州美院)

• 卡乐B
• 口味:1
• 环境:0
• 服务:1
• 人均:￥18

成日都系朋友圈中听到呢间店几便几抵食~寻晚去过后，我林以后都唔会嚟帮衬！！！！
寻晚我老友系呢度订左位，距之前同距BF嚟过话只鸡几好食，咁我地两对人就决定系呢度聚会~我同BF先到，林住订左就唔使等，结果个服务姐姐话订左只不过系优先嗟，就话下个就到噶啦~咁我地就系外边等叫啦，一小时过去.....我地足足等左一粒钟，如果距唔系话下个到，我地真系唔等，其实餐厅里面嘅人有D都系系度打牌嘅，真系唔知道商家点林，系饭市咁旺嘅时候都唔会赶距地~算了，林住苦候咁耐，如果D野又便又好味咁就算啦~
其实呢度嘅环境比较嘈杂，位置亦都几逼下~我地点左两个E餐（扒餐）一个C餐（泰国餐）一杯奶茶（镇店之宝之一）最后一个夏威夷PIZZA（呢个系重点）~我地想点嘅蒜香鸡已经沽清（失望）
个奶茶我觉得甜D，我老友同距honey就食牛扒话都几好，我就食鸡扒都几嫩口，BF嘅泰皇炒饭我就觉得一般了~扒餐附带嘅白饭系我地食完件扒先上嚟，仲系要我地去催~！
好啦！重头戏啊~pizza上台了，距系无预先切开一份份嘅，咁唯有自己动手吧，在分开过程中馅料同饼皮已经分离，我地都觉得唔多掂，都无所谓~我地几个依然有说有笑继续食野，此时我食嘅pizza中有粒硬物系口中，我第一个感觉系鸡骨，好自然就吐出嚟，一粒银色嘅钉就系我眼前出现，OMG！！
我地几条友都愕然，即刻停止食用，并立即叫服务员前嚟，我亦都系果段时间用手机影底罪证~我问个服务员点解有粒钉系D馅料度？我话如果系钢丝球D钢丝我都可以理解系洗碗过程会残留系度，我地要距立即解释~距话厨房解释话D馅料系炒嘅，唔系同个饼一齐焗，所以D馅同个饼系分离嘅，系炒嘅过程中个镬铲有粒钉松左跌左落去~跟住转身就离开，对唔住都无句，接着有另一个服务员过嚟就话帮我地取消个pizza，并且好快手就收起左个pizza同粒钉~我地梗系唔满意啦，但系亦都再唔服务员行过嚟，我地都唔见到餐厅经理出现过，最后我地自行到收银台同个服务员“讲数”~距话打个折卑我地，我老友就话都唔系打折嘅问题，但系知道嘈都无用，最后九折收场~
我第一次嚟，亦将会系最后一次~可能大家觉得我地大惊小怪，但呢粒钉已经严重影响左我对呢间餐厅嘅睇法，最后我上传左张罪证~！
by the way~我晚上仲要肚痛，好彩无屙咋~

1图片

• 08-11-02 11:11
• |
• 4回应
• |
• 送鲜花(5)

农家特色吊烧鸡

广州番禺区大岗镇自来水厂侧(镇政府斜对面)

• 卡乐B
• 口味:3
• 环境:1
• 服务:3
• 人均:￥39

上礼拜睇左广州日报嘅报道，抽起条筋，今日就同BF嚟踩点下次就同班朋友嚟试下~
上午10点多，我地搭地铁去到市桥站，再市桥汽车站坐往大岗镇嘅公交车，市桥到大岗镇要5.5元/人，坐大约半个小时嘅车程，落车后又左问问右问问再行多约15分钟嘅路程，终于系个十字路口见到大大只字“农家特色吊烧鸡”，我地行左咁耐，真系人最多嘅就系呢个路口，路边仲停左好多私家车~
我地到步已经十二点几，呢度其实系路边嘅大排档，店里面嘅墙壁仲有大大幅日报写呢间店嘅报道，所以嚟呢度基本上必点烧鸡~我地坐底，有个阿姨就行埋嚟点菜，态度几好，有耐性，唔似得外面果D大排档好似生意唔优做就粗声粗气，呢度大到老板细到工仔都好好笑容~
烧鸡￥35只 唔同出面嘅烧鸡，呢度唔会烧到干晒，外面嘅皮稍稍干身，撕开层皮，仲有好多肉汁流出嚟，好入味，而且都几大只下~
炭烧猪颈肉￥20 有好多块，而且食得出真系炭烧，外层脆脆，肉都几爽口~
椒丝腐乳通菜￥10 好大碟啊~味道也拿捏得几好，唔会太咸~
饺子￥10 煮法有蒸有煎，我地拣左蒸，有12只，配碟辣椒酱，玉米马蹄木耳猪肉做馅料，饺子皮系黄色果种，我地觉得都应该系煎好D，睇见人地枱果D煎地好靓，蒸嘅食落口，D皮就会硬D，馅都唔错~
另外我地见D客人点炒米粉，好大碟，堆得好高，价钱都好似系10蚊，真系好抵食~
我地埋单果阵顺便问十八罗汉山森林公园点去，个老细都好热情咁同我地讲，但最后我地都系稳唔到，唯有下次再去啦~

推荐菜: 烧鸡  饺子  炭烧猪颈肉

标签: 粤菜  朋友聚餐

1图片

• 09-03-22 00:18
• |
• 9回应
• |
• 送鲜花(4)

欧吉比萨店(惠福东路店)

广州越秀区惠福东路548号至552号1楼(光明广场对面)

• 卡乐B
• 口味:2
• 环境:3
• 服务:3
• 人均:￥70

我同BF今晚嚟左OGGI食饭~经过大头虾见好多人排队，我地林可能OGGI都无位，但入到去，都仲有好多位置，我地拣系窗边嘅座位，呢度环境几好，好有FEEL~
吞拿鱼三文治（25）不过不失~
帕马火腿哈密瓜卷（18）4件，唔好食，见距上台嘅时候觉得件肉系生肉，问个服务员系米生肉，距就话生又食得，熟又食得，哎~距等于无答过我~味道好似怪怪地，D肉有D咬唔烂我地都吐出嚟，唔~打个冷震!
牛尾浓汤（20）我食过后爱上呢个汤!~
葡国椰香鸡饭（28）BF话今晚点呢个饭有D簁，因为食左D包又食PIZZA，结果食唔完呢个饭，呢个饭D咖喱汁辣D，汁几浓，D鸡系两只鸡亦斩件，煎一煎再煮咖喱嘅~
山人比萨M（56）呢个pizza连BF都赞，平时距都唔觉得pizza好食，但呢个距真系觉得好好味，好浓嘅芝士香味，食完觉得个口仲留有余香~
呢度嘅服务算系几好，好多餐厅加水都要叫，呢度都加得好频密下啦~

推荐菜: 牛尾汤  山人pizza

标签: 情侣约会

2图片

• 09-02-25 22:56
• |
• 回应
• |
• 送鲜花(4)

丽影盛会KTV

广州海珠区新港中路356号丽影广场C区4-5楼(近珠江电影厂)

• 卡乐B
• 总分:2
• 环境:3
• 服务:2
• 人均:￥0

09.01.10
今晚食完晚饭后，K瘾大发，立即订呢度嘅场，BOOK7点半但后来去到睇见8点开始买3送2，咁我地几个人就等等啦，细房68个钟，几抵~房唔算细，但张茶几好大，搞到好逼咁，连点歌嘅位置都无咁，又无遥控器，呢点店家真系要改进下~
08.11.24
同事发现珠影果度开左间K场，特登几个约去果度，仲系订位果阵叫店家update下D歌 :-P~
我地4个人去，到果度发觉店家卑我地嘅房好小，叫距卑另外嘅房我地，服务员都算好，立刻就同我地换左间中房~我地拣自由人17点到20点~38蚊位另加每位2元嘅一次性消耗品费，包自助餐~
歌都几新，但有D想唱嘅歌又唔算新嘅就无，可以讲歌曲唔全面，音效还好，唔会有吱吱声，隔音还可以~
食物方面都算系咁噶啦，有D食物要用币，我地几乎用晒D币啰三文鱼刺身，哈哈~
有机会要再嚟欢唱~

标签: KTV  自助餐

交通停车: 地铁客村站

• 08-11-24  更新于09-01-12 21:45
• |
• 回应
• |
• 送鲜花(4)

御前寿司

广州海珠区江南西路118-124号(近新一城)

• 卡乐B
• 口味:2
• 环境:3
• 服务:2
• 人均:￥61

寻日对于我同BF嚟讲系个开心嘅日子，BF系香港出差翻嚟，又系距牛一，咁岩我又休息，实在太好了，我地梗要庆祝一番啦~我地选择嚟江南西嘅御前食饭~
我地晚上7点到达寿司屋，人唔多~比起隔条街嘅成田，呢度真系算静~
我地坐卡座，一个男服务员过嚟，无咩情绪咁就讲左一大串餐厅现在推出嘅优惠等等~卑我感觉好似set 好嘅录音机 :-p
菜牌上嘅寿司都几多新颖嘅款式，价格最贵20元碟，E家食两碟12蚊或以上嘅送一碟8蚊，我地就叫左3碟试下，朝鲜荣螺，元贝鱼翅，吞沙~寿司嘅紫菜脆卜卜，材料都几新鲜~
最新三文鱼刺身全天特价43，D刺身摆得几赏心悦目，其它寿司店就会用萝卜丝，呢度用红色嘅海藻做伴碟，几爽口，刺身都好甜，wasabi同八千代有得比，同样咁劲~
软壳蟹沙律18 D酱汁好味加埋香口嘅软壳蟹，嗯~~~~正~！
墨鱼汁意粉配明太子白汁28  原本想要自家制墨鱼汁炒饭结果无，我就点左呢样，其实食意粉都系西餐，但结果要用筷子食，餐厅无叉！食落口，BF就觉得好似黑色嘅桂林米粉，D明太子就系用虾子同蟹子连同D白汁一齐，最后粉食晒仲留底好多虾子同蟹子，因为真系夹唔到啊~
埋单要自行到收银台结账，果度有个牌可以用银联，我BF就用光大卡，但收银话只能刷四大银行同浦发嘅，我BF就话，银联都不能用，这么烂！？跟住收银笑住话，真的很烂~！^_^
我地加左6蚊买左张会员卡，其实总体都OK嘅，有机会嘅话再嚟过~

推荐菜: 三文鱼刺身  软壳蟹沙律

标签: 情侣约会

• 08-12-02 12:11
• |
• 回应
• |
• 送鲜花(4)

玫瑰甜品店

广州越秀区文明路218号(近中山图书馆)

• 卡乐B
• 口味:4
• 环境:1
• 服务:4
• 人均:￥6

几日前同两个同学食晚特登摸上去想食有芒果嘅甜品，晚上10点几，铺头里里外外都仲坐满人，我地都唔知道食咩好，几位老板都几热情，同我地介绍距地嘅特色甜品，我就听距讲叫左个杏仁豆腐芒果（冻），我心里抱不大希望，因为广州已经冻左好耐啦~真系想食热野，但见距服务几好，所以就试下啦~
     结果比我想象嘅出奇咁好味，虽然冻食，但豆腐好滑，连我唔系咁钟意食嘅杏仁，都觉得个味道唔会太浓，加埋D芒果，简直有10分满分~连我两个同学都话要下次试下~当然距地叫嘅甜品都同样咁好味啦~
     反之我觉得隔离嘅百花甜品就差D啦~虽然都仲系咁多人啊~但今时今日咁嘅服务态度就唔多掂啦~味道仲要太甜啦~!

推荐菜: 芒果杏仁豆腐  芝麻糊  红枣奶糊

标签: 甜品  小吃

交通停车: 近公交车站

• 08-02-15 15:02
• |
• 回应
• |
• 送鲜花(4)