児

排序:鲜花数点评(124 )

冰林城下

广州越秀区文明路68号

• 児
• 口味:2
• 环境:1
• 服务:3

D环境就麻麻了..吸烟区D空调就劲,,但我就唔中意D烟味,就上咗楼上,,点知就局到死,,热到傻吖....个所谓的香熏区,我就唔多问到有香味了.而且都喺好热
不过D服务态度就几好的..果日我哋坐喺一楼.就坐喺整饮品的隔离..咁我就要咗个饭..D汁就好少..不过我就无同D服务员讲...咁吃吃下,就有个服务员问个饭D汁喺米少得制..我话喺,,咁佢之后就送咗个水果沙律比我哋了..真喺细心..
果阵应该喺有个话得事的睇到,所以先叫服务员来问的...呢点几好.
另外,呢度嘅XX吹雪波波都几好饮的.

推荐菜: 吹波波

标签: 休闲  朋友聚餐

• 06-10-24 23:57
• |
• 4回应
• |
• 送鲜花(4)

菲越新马泰

广州越秀区中山三路33号中华广场7楼(近地铁烈士陵园站)

• 児
• 口味:3
• 环境:2
• 服务:1

味道好得。服务麻麻。
某D服务员系度不停咁推销会员卡，系要存钱入张卡度的。
讲野口水花喷喷，姿势又不雅，一只手撑系张台，企系度讲野。就呢个姿势就唔想听佢讲野拉。
个红咖喱牛腩真系好好吃。推荐～！！！D咖喱好香～牛腩入味～红薯够香甜～～！！个设计都好得意的。系好似个壶咁，可以倒D汁来捞饭。
金枕头都好正，入面的料好够味，个包又正～！推荐～～！
反而个冰花金玉露就觉得麻麻。无咩特别
肉骨茶味道几香。但少肉。
泰印炒饭唔推荐。宁愿点个白饭稳咖喱汁捞仲好。

推荐菜: 金枕头  薯仔红咖喱牛腩

• 07-10-08 16:09
• |
• 回应
• |
• 送鲜花(3)

大头虾越式风味(惠福东路店)

广州越秀区惠福东路548号(近北京路)

• 児
• 口味:2
• 环境:1
• 服务:1

吃过好多次，但前几日去吃就有D失望。
之前出品唔错。虽然唔知系米正宗越菜。
呢度的蟹又贵又唔好吃，同上次系澳门吃的无得比。
香茅豆腐系必点的。但今次做得好差。炸浆太多，搞到好似无晒豆腐咁。
香茅好少。所以成盘野吃落去就＝系吃炸浆。差～！！
酸菜牛肉味道OK，但分量少。
椒盐虾几好味，不过好似凡系椒盐都系呢个味，所以见唔到真功夫
酸甜鱿鱼，D鱿鱼真系少得可怜。5个人，1人都吃唔到2件。而且个芡勾得太杰了。一PAIR野咁。
榄菜肉碎四季豆，D豆煮的时间唔够，而且旁边D丝无撕干净。口感唔好。榄菜又少。更唔好讲D肉碎了。。
鹅肝酱焖牛腩煲系见人推荐先点的。但D牛腩一D都唔淋。又起喳。唔好吃的。

推荐菜: 越式香茅豆腐  香茅猪扒

标签: 实在是太吵了！  朋友聚餐

交通停车: 路边

• 07-10-08 16:00
• |
• 回应
• |
• 送鲜花(3)

明月馆

广州越秀区建设四马路17-29号天伦花园4楼

• 児
• 口味:3
• 环境:3
• 服务:1

呢度的出品唔错。
炒年糕好弹牙，味道有正，就算唔吃得辣的我，都忍唔住要吃多几淡。
烤猪颈肉和五花肉都好好味。
牛肉汤都OK.其他小菜都可以
但呢度的服务真系有待改善了。
我地5个人坐一张长台，个服务员居然将D小菜放晒系张台的一边，等我地仲以为1人就有6碟小菜咁丰富。
然后叫佢应该放系中间，佢又唔理，好似借左聋耳陈只耳咁，真系吹涨。
另外，烤肉的时候，明明人地吃紧野。个服务员就失惊无神夹够肉落你只碟到。比佢吓亲。究竟呢度D人有无经过培训嘎。
唉～

推荐菜: 泡菜豆腐  烤五花肉  炒年糕

• 07-10-08 15:36
• |
• 回应
• |
• 送鲜花(3)

食字路口

广州荔湾区宝华路133号恒宝广场3楼13铺(近长寿路地铁站)

• 児
• 口味:2
• 环境:1
• 服务:2
• 人均:￥35

我反而唔推荐个棺材板窝。觉得无我之前喺其他地方吃的好。
个三杯鸡做得唔错，28蚊，分量唔大，但D鸡就几大件下，好野味。
果度嘅XXX特色石头饭唔喺就一般，唔够代官山屋好。
个炸牛蒡都几好味，盐酥鸡的味咁上下。 不过就喺牛蒡唔喺鸡。

推荐菜: 三杯鸡

• 06-12-16 15:51
• |
• 2回应
• |
• 送鲜花(2)

堂会自助餐(缤缤店)

广州越秀区起义路1号海印缤纷广场9楼(近海珠广场)

• 児
• 口味:1
• 环境:2
• 服务:0

真好Q烦D服务员，顶佢个肺成日系度出出入入，发神经啊。无D礼貌。（有个别都好D，入来或者出去都会鞠个躬。）
自助餐系例牌的唔好吃。人又多。
歌都算新，价钱唔算贵。
不过地方唔好。LIFT太少，所以我地通常都会行楼梯。

标签: 唱歌

• 07-10-08 16:21
• |
• 回应
• |
• 送鲜花(2)

中森名菜

广州天河区天河北路358-378号都市华庭2楼(近体育东路)

• 児
• 口味:3
• 环境:2
• 服务:1

环境就唔多讲了。
呢度的三文鱼同北极贝好好味。
霸王粥无之前咁足料，而且稀左。
寿司好多款。有D好出色。
其他菜就不失不过。
价钱比之前贵左唔少。而且要收服务费。
但服务又唔见得好好窝。比都比得唔舒服
虽然系咁。但某D用料仲系系水准之上。所以都会继续捧场。

推荐菜: 三文鱼刺身  明星鱼生饭

交通停车: 有

• 07-10-08 15:46
• |
• 回应
• |
• 送鲜花(2)

天富河港式火锅城

广州天河区体育西路38号

• 児
• 口味:3
• 环境:2
• 服务:2

开头对呢间野都有少少保留，2个人点左个套餐38文同其他散点。
个套餐一上就觉得掂啊。就算唔打得都睇得。
因为分量好大。感觉上好抵。就算散点都唔贵。
如果2个人点2个套餐真系会饱到上心口。
呢度的汤底都OK。
椰清汤底会系你面前即倒入去。唔会厄你。又可以叫佢比埋D椰肉。
将D椰肉放埋落去一起滚。开头椰子味唔重的。但滚耐左，D汤越滚越清甜。
个套餐咩都会比D你，可以试到各式蔬菜，肉丸，菇类。
PS.呢度的牛肉丸好好味，爽口，弹牙。
所以呢间野真系得～！

推荐菜: 肥牛

标签: 火锅

• 07-10-08 15:29
• |
• 回应
• |
• 送鲜花(2)

大渔日式铁板烧(海珠店)

广州海珠区滨江东路795号新珠江大酒店1楼(近中大北门)

• 児
• 口味:3
• 环境:2
• 服务:2

虽然自助餐的性价比唔算高。
但刺身好新鲜，品种够多。
我地坐左系房，所以欣赏唔到铁板烧的表演，静系听到出边D人系到“哇哇”声，又拍晒手咁—_—||..
可惜甜虾叫左一轮就话沽清了，有D愕然
总的来讲，出品系唔错的～！

• 07-10-08 16:37
• |
• 回应
• |
• 送鲜花(2)

妙趣咖啡厅

广州海珠区会展东路1号香格里拉大酒店1楼(近琶州会展中心)

• 児
• 口味:3
• 环境:3
• 服务:3

哈哈,我都喺去试吃的.所以喺FREE的.
1杯鲜渣橙汁40蚊,但好鬼大杯的..
因为未正式开业,,(听个)所以得6成食物.

个蟹脚好好味,几鲜甜,海水味稍重.
D刺身几好味,不过个三文鱼喺最逊色的1个..唔够肥美.
个北极贝同甜虾都好正.
另外,手卷都唔错.不过一定要佢现做的先得.咪先D紫菜会淋

呢度D甜品好出色..尤其喺个芝士蛋糕..好香芝士味..而且入口即溶.同
天使简约果D无得比的.明显高几十个LEVEL...另外试咗个巧克力蛋糕&
炖蛋&一个唔知叫乜名的甜品,都好正.

雪糕都好味..cappuccino味的雪糕我觉得最好吃..好香咖啡味...
朱古力雪糕就好朱古力咯...香橙雪糕入边有1粒粒的嘢.

pancake有好多酱,而且睇落去好似好好味咁.但因为太饱了.所以无试到.

D strawberry 好靓，好香，不过就唔喺特别甜。
哈密瓜就麻麻

D热菜就一般咯..个牛仔骨韧咗D咯.唔知喺咪因为迟去啦, D嘢唔喺好热.

另外个沙拉吧有几种CHEESE比你选择..又有几款包咁咯。仲有好多冷盘嘅

D服务员好热情，服务态度好好。

＝三月份开业后就会再去的。哈哈

推荐菜: 芝士蛋糕  蟹脚  雪糕

• 07-01-20 21:03
• |
• 4回应
• |
• 送鲜花(2)