贡献值:149
社区级别:学龄前
点评:66
商户:20
图片:3
用户信息:15
其他:45
3
4
2
0
1
上个星期六同老公去吃晚饭，原本订左露天座位噶，但系落雨，就唯有坐里面喇。不过我行出去睇左吓D露天位，其实视野唔算好好，因为刚好有条桥挡住左。里面噶环境都一般般啦，我地坐卡座都仲好D，可能因为呢度比较旺吧，多人就容易嘈。我定位果阵先夸张啊，话系两轮噶，一系订5：30，一系订7：45，厉害！ 功夫茶最便都8蚊一位，小食系花生，自动上噶，6蚊。湿巾1蚊块，凉茶1.5一杯。呢D都系自动消费，我唔记得叫距唔上，唉，下次大家注意吓睇吓可唔可以叫距唔好上喇。 D菜味道都几得噶。下面就评述吓我地吃左D咩啦： 特价乳鸽啦，12.8一只，首推噶，味道真系好好。 酸辣冻花甲，33，系熟噶但冻食，味道有D反传统，中意新野噶人可以试吓，都几大碟吓噶，我地食剩好多。 冬阴功煮肥牛，28，味道都唔错，不过唔算好特色。 芥兰炒腊味，38，D芥兰好爽脆，唔错噶，不过呢个青菜就有小小偏贵喇。 咖喱肉蟹，88，仲有贵D添噶，都几够味，肉质都OK。 特价椰汁木瓜炖雪蛤，13.8，好足料，好浓，不过饮多会腻。 两个人吃左244，都几贵。比我预想中差D啦，可能一开始我系睇重环境吧。下次会再试沙面其他餐厅噶，嘻嘻~~~
推荐菜: 乳鸽
标签: 朋友聚餐 休闲 情侣约会
寻晚同D friend去噶，原本话天河南个小区里面有好多小清吧，就想去坐吓大家可以饮杯野倾吓计。点知稳左一round都稳唔到，后尾行吓行吓就黎左呢间喇。 我地都第一次黎，一入到去，好静，无客噶，个场好细，正想坐低果阵，个waiter话里面仲有卡座同房咖。我地就跟住距行，哇！真系柳暗花明又一村，里面别有洞天啊！D卡座有两种，都好有feel噶，不过后尾我地都系坐左房。呢间酒吧系将栋住宅噶一楼所有户打通晒，所以先有甘特别噶格局。环境真系好推荐，就算两三个人，或者一班朋友，我谂都适合。几有情调，适合大家倾吓计，饮两杯。而多人噶系房间都可以欢吓，有电视，但唔可以唱K。毕竟系上面系住宅，连玩“色盅”都唔可以玩得甘大声。 野饮方面，我谂呢度主营系wine,虽然品种唔算好多，不过都不乏新旧世界进口噶wine噶。价钱都唔便200-700左右，印象中。洋酒都几贵，芝华士都好似700几。啤酒就有便有贵，百威300蚊一打，太贵喇，好彩距有只青岛黑啤做特价，180买一打送一打，味道因人而议喇，我觉得还可以噶，我老公就饮唔惯喇。鸡尾酒拿埋都50几一杯。小食都几贵，38，58。仲有千其唔好系度饮可乐，35蚊一罐，哈哈！！房间有最低消费哦，380。 服务方面呢度都几唔错噶，热情得黎唔会成日黎打搅你。我地第一次黎后尾个waitress仲我地一人送一张vip卡，话可以打88折噶。仲可以积分，积够1万分可以打7折，呵呵~~~ 总体黎讲几中意呢度，唔错唔错，哈哈~~
标签: 休闲 清吧
一进入这家川菜馆，感觉很特别，他的装修环境不像传统的川菜馆，反而像一间泰菜管，很特别。 我是同经理一齐去宴请某报纸的联系人，6个人吃，坐在中间半开放式的包房。好像点了8个菜。吃的很饱，不过大多都是辣的菜，幸好我是一个非常爱吃辣的广州人，呵呵！ 这里的香辣小龙虾弄的不错，味道很足，好像50元左右吧。如何特爱吃辣的朋友要试一下鳝鱼薯粉，真得辣到不行，这碟菜是吃剩最多的，不是因为不好吃，而是大家吃辣的功力还不算很厉害吧。酸菜鱼很推荐，不会很辣，而且鱼真的很鲜美，我平常不是吃很多的，但今天真的超爱吃这个，哈！ 我第一次去，经理带着，这间餐馆好像不大好找，而且好像没有其他地方的分店，但爱吃川菜的食客还是值得去尝试一下滴。
推荐菜: 酸菜鱼 香辣小龙虾
标签: 川菜 朋友聚餐 情侣约会
之前和朋友去过一次吃宵夜，因为距都开到几夜，好似吃左个汤粉，甜品，吾系记得好清楚喇，感觉就一般般啦，无乜特别。 今日同F系天河城打完机，口渴到鬼甘，就三只友仔去话吃刨冰喇！我地一人点左一个，分别系我噶草莓优格冰沙，百香果冰沙同榴莲雪花冰。价格系29、29同28。都算有D贵。但原来份量好多，一份足够两个人吃。而且味道真系好好。我地两个噶冰沙D冰打得好细，所以入口好滑，完全无生冰粒。而且整体味道调得好好，酸甜度刚好，吾腻又吾淡。个榴莲雪花冰我谂绝对可以满足酷爱吃榴莲噶朋友，味道好足，虽然吃吾到实在噶榴莲肉，但味道好真，应该系用鲜榴莲肉打成噶，吾似D糖浆甘。不过建议大家真系可以两个人吃一份，因为虽然我地原本好口渴，但吃到甘上下都觉得好饱同吃到好冻，哈哈！不过最后我地都吃晒，因为真系太好吃喇！ 鹿港其他菜我仲未试过，所以吾敢作评论，但D冰沙类噶系绝对值得推荐咖。夏天黎喇，大家可以去消吓暑，嘻嘻！！
推荐菜: 草莓优格冰沙 榴莲雪花冰
标签: 朋友聚餐 台湾 休闲
之前同朋友去吃咖喇，都唔记得写翻吓点评。 距位置都有小小隐蔽噶，不过只要你稳到二十一中个门口，就唔难稳到咖喇！ 距又系将间屋改装成噶餐馆，细细地，不过都几得意，几提别噶！ 讲翻D野食，最推介梗系D芝士蛋糕啦，我吃左个好似叫酸奶芝士蛋糕，好好味啊！好似先16蚊！然后就吃左个咩意粉，唔记得添，不过都几好吃，味道好够，呵呵！ 呢边仲有唔少wine, 白同红都有，如果要稳翻只适合噶黎陪菜应该都唔难吧，呵呵！
推荐菜: 芝士蛋糕 意粉
标签: 朋友聚餐 情侣约会 休闲 下午茶