cyqing

最新点评

百花甜品店2012-02-08 16:21

广州越秀区文明路210号(近中山图书馆)

• 口味:3
• 环境:1
• 服务:1
• 人均:￥10

老字号，从细就帮衬，虽然本人对甜品冇乜特别爱好，但呢间都觉得唔错。

人多，特别冬天晚上，基本上排队系基本动作。

总之，经过会帮衬下，但就唔会特别要去。都系因为个人喜好问题。

推荐菜: 凤凰奶糊  红豆沙

标签: 情侣约会  随便吃吃

• 12-02-08 16:21
• |
• 回应
• |
• 送鲜花

麦奀云吞面世家(中环店)2012-02-08 16:17

香港香港岛中环威灵顿街77号地下

• 口味:4
• 环境:2
• 服务:3
• 人均:￥50

实在好好好食嘅云吞面，无论云吞、汤底定系面本身都绝对代表云吞面嘅高水准。

闻名好耐嘅一间店，自由行一开通，第一件事就系揾呢间传说中嘅小店。

价钱真系超级贵，一小碗28蚊港纸，完全食咗唔觉饱嘅，但滋味却系令人回味无穷。

唔系竹升面，但却系做得非常好嘅面，但点做绝对应该系商业机密。而家对云吞面已经入误区，唔系用竹升压出嚟就会好食，工具方法唔系问题，关键系出品系点。

作为一个中意云吞面嘅人，呢间店绝对系香港吸引我去嘅重要原因之一！

推荐菜: 云吞面  牛筋

标签: 休闲小憩

• 12-02-08 16:17
• |
• 回应
• |
• 送鲜花

好彩煲仔饭店2012-01-09 22:20

广州越秀区北京南路44号(近珠光路)

• 口味:4
• 环境:1
• 服务:1
• 人均:￥20

个人认为系广州最好的煲仔饭，冇之一！微博疯传的几间主打煲仔饭的小食店我都试过，就以试过的来讲，个人认为最好就系呢间！当然，口味系好主观的，我只系忠于自己的味觉！
如果你第一次去，记住要提前，午饭最好11点半就要去到！否则排队等待会将你所有耐性消耗尽！第一，煲仔饭煮的时间相对较长;第二，客人实在系多。如果你赶时间又冇提早去，强烈建议唔好去食！
夫妻二人，老板娘煮饭，老板收钱，传饭，再请一个女工收拾碗碟，相对门口排晒长龙的客人们，唔好期望会招呼得你好好！老板娘日日对住火炉，火气自然唔少！唔好自找麻烦就系啦！
唔好讲“今时今日咁嘅服务……”呢句刘华金句，唔满意你大可转身就走然后四围唱佢！美食面前我承认我冇乜骨气，只要你煲仔饭做得好，话知你面口黑过煲底！
有本事的人就串得起，日日咁多捧场客宁愿系寒风中等位半小时最少，都不离不弃就系实力！
出品，就系只有“煲仔”！无论饭、汤、粉都系煲仔做！质素如何？只有食过嘅人先知！

• 12-01-09 22:20
• |
• 回应
• |
• 送鲜花

维港茶餐厅2011-12-31 16:26

广州天河区海安路16号(85696228)

• 口味:1
• 环境:2
• 服务:2
• 人均:￥35

下午行过，见环境唔错，入去试下。叫咗菠萝油+鸳鸯+干炒牛河，牛河送例汤。牛河够镬汽，但唔够味，老抽用错，怕颜色太深所以落得少老抽，油就落太多！食剩三分一有多！菠萝油，油够冻，包唔酥脆，估计系“叮”热而唔系焗热！咁呢间嘢焗方面菜大概都麻麻啦！鸳鸯就闻起身香入口唔滑，应该咖啡做得好过奶茶。环境可以，wifi够快，适合做蛇窦！

• 11-12-31 16:26
• |
• 回应
• |
• 送鲜花

牛家庄(龙洞店)2011-11-26 22:25

广州天河区迎龙路(近龙洞公共汽车总站)

• 口味:3
• 环境:1
• 服务:1
• 人均:￥50

朋友介绍，开车去，广汕路车越来越多，真系麻烦。地方不难找，开车坐车去都容易。坐车去就在龙洞公交总站旁边，开车去就跟着公交路线走就没错了。

牛为主打的餐馆，牛骨汤，牛杂，鲍汁牛蹄，另外一啲小炒，比如鸡杂炒菜心之类都做的不错。有烧鹅，白切鸡，但是就觉得牛做得最好。

牛骨汤非常鲜甜，值得一试。

鲍汁牛蹄是招牌菜，10元一位，秋冬季节进补佳品。

牛杂做得很入味。

要个河粉，淋上牛骨汤和牛杂，就是一原汁原味“牛杂汤粉”，而且味道比外面很多小吃店做得更好。

推荐菜: 鲍汁牛蹄  柴火炆牛杂  牛骨汤

标签: 朋友聚餐  家庭聚会  免费停车

• 11-11-26 22:25
• |
• 回应
• |
• 送鲜花