贡献值:306
社区级别:学龄前
点评:216
商户:26
图片:10
用户信息:17
其他:37
0
20
3
可能因为本人太背，呢间港式茶餐厅居然冇通粉！比较失望之余，唯有点咗个凤城水饺米粉。19蚊一碗，觉得几贵下，不过其他又兴趣更不大。等咗都有一段时间，先上，其实间铺好少人咋，因为上午11点几，计埋我先得2个客。不过碗嘢都叫同个菜谱张相一样，三只水饺都大大只，足料，米粉喺细果种，我开头仲以为上错面，不过实在太饿，而且都可以接受，所以未加醋食咯，点知~~所以未即刻转点豉油咯，不过意外发现D豉油好正，唔记得喺日本乜乜牌子咯，反正都唔平啦。食完之后，再试下个汤底，都OK，虽然喺清汤，然后杯茶都可以。但总体讲，呢间嘢都唔会成为我成日帮衬既铺啦，因为价钱贵选择少。
突然想食辣，然后有国外亲戚到访，为体现广州人特色，所以请去食，哈哈~闻说是复古旗舰店，店内装修很有特色，个菜牌都好得意，木制既。坐房间，望珠江夜景，唔错唔错。服务也算比较到位，就是倒水有DD慢，有时要自我服务。D茶係凉茶，所以都唔使另外叫。叫咗两斤牛蛙同两斤虾，分两锅，牛蛙唔中意食，虾正！个香辣锅已经叫咗最低辣既微辣（果度都冇“微微辣”既），但都顶唔顺，尤其越到最尾越劲，好彩我有先见之明，用清水洗洗再食，不过呢度D嘢味道真正，洗过都一样好好味。然后除咗送既两样配菜，再另外加咗几样菜，海带、藕片、莴笋都好，芽菜就麻麻。再加一条两斤几定三斤既酸菜鱼，好滑好新鲜，D酸菜闻落好臭，但好好食。然后再叫咗几个担担面，加小小辣好食过唔辣，不过就细碗咗小小啦。仲有叫咗个扬州炒饭，我冇食，但望落个样麻麻。而凉拌菜都唔错。总体价钱实惠，味道正，可惜我哋唔食得辣，食完之后，连续两三日都便秘，好郁闷~
如果有相当好既耐性，不妨去试下。装修睇落都OK，黑白色为主简约设计，进口细黑金沙石台，白色皮凳，不过台就太矮，凳太大张，坐得唔舒服。响呢间店完全可以体现到台湾特色，因为老细一家三代都落手落脚去做，不过就见效率唔高得去边啦。呢间店既定位都几有问题，以价钱嚟睇，应该算大家乐、大快活类快餐店，但速度就完全跟唔上；而以佢出品类型同装修方面，应该就想同绿茵阁、绿岛类睇齐，但价钱同服务又唔得。正式点评：1、卤肉饭套餐（19蚊），味道OK，几健康下，有一盒卤肉饭（卤肉+饭，入面有只开边卤蛋，再衬粒西兰花）、一个例汤（红萝卜XX汤）、一份生菜、一份卤豆腐、一杯茶（自制健康茶，甜味，个人觉得唔好饮）。2、蘑菇西冷牛扒套餐（唔记得36蚊定38蚊啦），一份铁板扒，入面除扒之外，有面+两粒玉米头（样衰，冇食）+煎太阳蛋，配生果（一粒圣女茄、三细片橙）、一杯餐前酒（貌似鸡尾酒）、一杯自制健康茶、两个餐包。讲实就真唔知最后究竟上果个係唔係呢个餐，因为真係饿到顶唔顺，等咗好耐，催咗好多次先上，但居然发现变咗黑椒汁猪扒，然后叫个老板娘问乜回事啦，老板娘体现出台湾人节俭既特色，连续问好多次，“这个餐你动过没？”“你可以接受吗？”，响呢个情况，有郁过都话冇啦，而且我叫既都唔係呢个，有乜理由你搞错，要我接受嘎？！所以一于都话唔可以接受！最后等咗N年后，再叫个老细催，终于上啦，但D汁仍然唔见蘑菇，只见黑椒（虽然比上一个少咗DD），不过见块扒都似牛多过似其他肉，就唯有接受。不过块牛真係太硬啦，原本叫五成熟，但加下见佢应该年纪都几大啦。3、蚵仔煎（18蚊，记得好似係），原本叫卤三宝（18蚊），点知等咗N年之后，先讲冇，然后转呢只，其实我就唔多想叫，因为之前响“食字街头”食过，觉得唔好，不过同行话呢间叫台湾人制，应该正宗D挂，所以就叫咯，呢度就比“食字街头”好D既，起码真係见到有几粒生蚝仔，料就多D，入面有蛋同菜，D糯米浆都软硬适中，不过味道我就真唔多中意啦，因为加咗好多甜番茄酱，搞到D味道唔知咸定甜。最好包尾讲下D服务啦，总体觉得好怪，可以因为未融入广州特色挂~我哋入到去，冇人带位既，不过就见个阿伯好恶下咁企响门口（后嚟知係老细一家），见到有两张台啱啱走，老细招呼我哋去过坐（卡座），到执好坐定准备点菜，又有两个人入嚟，个老细居然叫同我哋一齐坐，话果张四人台，要坐埋一齐！当时四个人都好愕然，最后当然就冇人肯咁搭啦，再有催上菜既时候，响收银位个“靓女”见到我哋，然后好兴奋咁同其他人讲，快D去果张台，有人埋单啦！晕得一阵阵，都未食就要埋单，使唔使呀？！然后另一方面，加下好多食肆都用电脑点餐系统加无线联系，不过呢间都未采用，所以未慢咯，D人成场飞，忙得个忙，但D客大多数就坐响度等，好多时间都浪费晒，所以D客走得慢，点赚得多钱嘎！不过为支持台湾同胞来穗发展，偶然帮衬下啦，希望以后有改进，唔係同层既大家乐或者其他食肆再开，呢间嘢迟早都执笠。
强烈抵制，以后都唔会再去！见新开，试下，早茶都觉得唔错，就茶位贵，最平都要5蚊一位，新开出品当然就唔敢差得去边，不过以周边比较，佢就真冇竞争力，餐牌冇乜特别，直头照抄广宾银灯，价钱都唔平，不过D人就唔多醒目，斟茶埋单超慢，不过当时都算数，而且见饭市特价菜都几吸引下，谂住下次帮衬。点知呢间嘢真唔好再去多次，实行激S你！饭市时间，人唔多，空台多。坐落，唔识上茶就算啦，连拿菜牌叫咗N次都冇人理你，D人好似眼光光咁，当你透明！难得睇到个菜牌，点菜啦，又叫人叫到你烦，几经艰苦，有人理你啦，点知特价菜话全部冇晒，然后又话可能仲有一两样，不过要问下厨房，跟住呢个人就失踪咗啦！再等到再有人理你，揸起张单写菜，点知果条友突然行去隔离台帮人斟茶再倾两句，然后貌似再帮你写，点知又突然行开十几米远既另一围台唔知搞D乜，再最后就又玩失踪，睇返张单，原嚟一只字都冇写过！最后再叫咗N+M次人，都睇你唔到，嬲起嚟就走人，好从容地慢慢走，都冇人理你。所以呢间咁既嘢，想话俾钱佢赚都几难，D人唔少嘎，不过个个都係盲既！
完全被广告所骗！！特价扒只有星期一至星五，冇特价就一D都唔抵！不就算大件都唔係乜好事，事因好难食。我哋因为热气，点唔到扒，先发现原嚟除扒类外，可选既实在太少啦，唯有点面咯，点知难食到呕。然后见到期隔离台点咗扒，个样食到想S想S咁，先庆幸冇点，唔係更蚀水！果度D排气做得差，入去到出嚟，D油烟味一直都未散过。然后装修古古怪怪，好似个地狱咁，完全颠覆晒锯扒应有既情调。最恐怖到埋单找钱既时候，有张1蚊居然印有XX功既宣传口号，即时叫人换返张，想S么！张优惠券我行出门口就撕烂丢咗，下次都唔会去啦！
