森心的点评_鲜花数_

排序:鲜花数点评(160 )

广州越秀区中山五路68号五月花商业广场8楼(近广卫路)

森心
口味:3
环境:2
服务:1
人均:￥50

好彩看左点评网朋友的介绍，一早有心理准备环境会好怪。但我妈妈就吓怕啦，唔感出电梯。发现自己入左间“黑”店，个环境同D服务原都系好黑，黑到连看餐牌都有小小困难。但慢慢就会适应。
个天桥过道同阁楼几有特色，周围点满蜡烛好适合情侣约会。食物味道算可以，就是分量少D。
服务态度就一般啦，根本不值得比10％服务费。周一至五早茶10：00-16:30有8折，节假日9：00－11：00有8折。所以饮茶就唔会好贵

推荐菜: 点心流沙包

标签: 情侣约会朋友聚餐约会

6图片

07-10-07 23:48
|
4回应
|
送鲜花(4)

空中一号

广州天河区珠江新城华厦路1号信合大厦28-31楼(近临江大道)

森心
口味:1
环境:2
服务:1
人均:￥50

见到报纸写全城的高级食府搞茶市，9~18蚊点心。
价钱听落好实惠，中午就同一班同事行过去饮茶吃饭啦！！
两个电梯直上28楼，空中花园、大班椅大休息厅，看落去觉得好气派。其实望真就比较一般。不过在房间里面D凳算坐得舒服、望出去风景无限

D服务真系XXXXX，好彩距无加收服务费，如果唔系就真系比个差！劲差！
电梯上到去，拿住张排号纸刚准备出28楼等位。一开梯门，个领班就唔比我哋出去，然后话上面有位，伸手入来按29后就立刻关我哋门。上到去29楼刚踏出电梯，29楼个领班又话我哋做乜上去，无位，要我哋落28楼等。同距讲话楼下讲有位叫我哋上来的，距竟然问翻我哋边个讲，“落翻去啊，呢度无位，唔好齐系度等”。听到都一肚火啊！！！等距地两个拿对讲机互吵5分钟后，29楼的“姐姐”就开间房比你哋啊有无搞错，有空房仲要客人等咁耐！

房间的服务都唔见得好好，帮我哋收碟时，碟上的点心纸掉左落地下。我哋同距讲“靓女”掉嘢啊，距望一望，完全唔理就走左。GOD！！！我哋爱护环境，自己捡起身。

吃嘢先系重点，但完全大X！！1、点心选择好少，不过新推出就算啦。当然都唔贵。9~18蚊，有D特别少少的就25~48蚊。
2、落单后好迟先上菜，以为系即叫即做啦。点知系大部分又冻又硬，仲要劲迷你。
个葱油饼冻硬，D拉肠好厚的粉浆好难吃，鲍汁凤爪完全无乜味！！！
3、唯一OK的，黄桃糯米糍。唯一好吃：猪油渣炒菜心（18蚊一碟，得9条比中指长小小的菜），菜心无渣、几甜

走果时，每人派左一把空中一号扇。汗啊！！！
以后都应该唔会再帮衬距咯

3图片

09-09-04 10:32
|
2回应
|
送鲜花(4)

富临食府

广州越秀区惠福东路417号(近教育路)

森心
口味:3
环境:1
服务:2
人均:￥40

来过呢度两次，第一次兴之所至来呢度吃，18：15来度已经有人等位啦。拿个叫号单“7号”心想应该唔会等好耐吧。点知等到19：35连1号都未叫，实在太饿就放弃啦！！（等1个几钟，见到订左位的人，慢慢溜达来，有D甚至7点几先来。有D气愤，经验所得一定要订位）
第二次提前2天订左位，18：30来到，见到已经有人等咯。上到楼上发现好多空台。呢度个门口超系，上楼第一层为1楼，都系细台。2楼就有大台啦
服务态度几好，见我哋人未齐会主动帮我哋人齐才叫起送。换碟几勤快

呢度当然系讲菜式味道啦！！！
三丝鱼肚羹——冬菇丝、韭王丝、肉丝同鱼肚，好足料。大大兜起码够5个人每人3碗，不过我觉得有味精咯，吃完好口干。
煎面——好大碟，外面脆脆的好好吃。
脆皮猪手——招牌果然系招牌，皮脆肉嫩，咸度适中。距有配个汁点，系芥末酱油，同个猪手唔多搭，个人觉得唔点仲好吃
白灼牛肉——牛肉劲滑，不过唔多咯。好多豆角垫底。呢个配芥末酱油就OK啦
沙拉猪扒——个卖相好一般，系热辣辣的自调沙拉酱铺满炸猪排，要冻左先好吃。吃一两件就滞啦！！
八珍豆腐煲——其实就系杂锦红烧豆腐煲，里面发现D材料：鱿鱼、鸡杂等等，味道几好哦，不过豆腐少D
炒番薯叶——几嫩，不过太多油咯
红豆沙——饭后送的甜品，好好味啊！！比外面D糖水店仲正，够绵啊！

好满足的一餐。得闲再来

推荐菜: 脆皮猪手白灼牛肉红豆沙煎面

标签: 粤菜朋友聚餐家庭聚餐

7图片

09-09-23 16:06
|
回应
|
送鲜花(3)

重庆小洞天酒楼(金城大厦店)

广州越秀区庙前西街30号金城大厦1楼(近署前路)

森心
口味:2
环境:2
服务:2
人均:￥40

住系附近，咁多年竟然先第一次走入去吃，完全系为左两个爱辣之人
一直以为间店会开到好夜，做埋宵夜。点知看戏后去到快21：00，见到D服务员已经自己吃紧饭，准备收拾店面关门咁样。后来服务员话一般无客人就21：30关门，有客就最多22：00关
不过要赞赞D服务员姐姐，明知我哋入去会推迟距地D收工时间，大可以唔帮我哋开单。但态度好好，立刻帮我哋整好D位，开空调，好有心机介绍菜式比我知，一直讲“慢慢吃唔使急”，我哋反而唔好意思添。
菜价中等啦，一般20~40蚊算系几多料几大碟
水煮牛肉——唔算太辣，牛肉好滑。
酸菜鱼——一上菜就闻到好酸，应该系落左醋去煮。鱼够滑，好中意D酸菜好开胃
盐煎肉——都系瘦肉，个人觉得有D肥肉会好D，衣架就太韧啦！味道就几好
麻辣凉粉——有3只味选，麻辣、酸辣、油香，选麻辣个个都话正。
豆沙饼——6蚊1件，好香脆，豆沙好多

看点评话点评卡可以满100送半打小点，但我出示卡间店话唔系送小点，系每人一份水果。

推荐菜: 水煮牛肉川北凉粉酸菜鱼豆沙饼

标签: 川菜朋友聚餐

5图片

09-09-28 10:44
|
回应
|
送鲜花(2)

欧吉比萨店(惠福东路店)

广州越秀区惠福东路548号至552号1楼(光明广场对面)

森心
口味:3
环境:4
服务:2
人均:￥60

今日中午同BF去小资一番。
环境真系好好，好清静好舒服，好有欧式感觉，连卫生间都整得好别致，特别干净同清香。
中午有商务套餐好抵吃，A餐28，B餐38，C餐48；仲可以加10蚊换购价值45蚊的焦糖忌廉布甸/提拉米苏等等。每日有特价PIZZA。
水都系免费提供。
服务态度算几好啦，不过就系有D反应慢左小小。

推荐菜: ＰＩＺＺＡ焦糖忌廉布甸

标签: 情侣约会朋友聚餐西餐

3图片

08-07-09 16:17
|
回应
|
送鲜花(2)

老西关濑粉(文明路店)

广州越秀区文明路216号(近中山图书馆)

森心
口味:2
环境:2
服务:2
人均:￥8

从细究好中意吃濑粉，可惜广州依家正宗濑粉越来越少，好多总要得早上先会有限量供应。
一见到呢间全天候只售濑粉的店就立刻跑来吃啦！！
呢度只有濑粉，糖粥，斋烧鹅，炸鱼皮
濑粉细碗5蚊，大碗7蚊。萝卜粒之类的配料任各人口味自己拿。
濑粉几好味，可惜唔多觉有猪油渣，同买偏韧少少，我觉得软身D更好
斋烧鹅，炸鱼皮各碟3蚊，合拼就5蚊。鱼皮好，斋烧鹅就唔多合格咯。

间店贴满晒老广州的照片，令人好怀念！仲有话系蔡澜提笔的字

推荐菜: 正宗濑粉

标签: 粤菜小吃

5图片

09-11-03 22:21
|
回应
|
送鲜花(2)

钙帮骨煲

广州越秀区较场西路2号置地大厦3楼(近中华广场)

森心
口味:2
环境:2
服务:2
人均:￥50

妈妈系我面前讲左好耐，话好吃啦。上周终于稳个机会去试试。
人就唔算太多，除左个电梯系货梯，唔多好，不过入到里面感觉几好，几宽落
点左酸菜胡椒猪骨煲，牛丸拼墨鱼丸，绿茶芒果薄澄

酸菜胡椒猪骨煲胡椒太多啦，搞到好辣。味道好好，好香，个汤底好浓，如果多D酸菜唔要霸王花更好，但吃饭后整晚口干，可能有味精

牛丸拼墨鱼丸，牛丸好好，够弹牙；个墨鱼丸就差咯，明显系带装货仲要系已经熟的。
绿茶芒果薄澄，超正，淡淡的绿茶香，芒果好甜。

呢度吃嘢价钱其实都唔会好便，话吃满100有卷送，但一定要比现金先有，刷卡埋单就无了。

推荐菜: 酸菜胡椒猪骨煲手打牛肉丸绿茶芒果薄澄

标签: 朋友聚餐火锅

5图片

09-09-17 17:28
|
回应
|
送鲜花(2)

面牵一线(银座店)

广州越秀区北京路194号银座广场2楼207号铺(近惠福东路)

森心
口味:2
环境:1
服务:1
人均:￥40

周五同D朋友仔们冲住点评去试试。周六有陪人去吃，连续两日吃，呵呵
环境真系好似鸟笼，每张台之间有D逼，我坐个位服务员抬住D送系我头顶飞来飞去，好危险。个厕所仲恐怖，男女其实一样得一格，但就贴左个公仔头在墙度区分，搞掂女仔排晒长龙都唔敢入去旁边个。里面好邋遢，D纸堆到山咁高。

服务态度还可以，不过唔知系服务员不足OR距哋效率唔够高啦！！比较慢，无人理

周五就试左3个招牌面，台湾御品牛肉中华拉面状元红酒牛肉拉面京都芳香排骨日式拉面。个排骨就一般咯，好一般。D汤唔够浓，个排骨好大件，太瘦啦。
台湾御品牛肉中华拉面：牛展+牛筋，宽面来的。牛展同面“林”左小小，个汤味道好好，值得一试
状元红酒牛肉拉面：牛腩+牛筋。红酒另上，系一杯仔，随自己喜好加几多入去汤度。试过后几好，加红酒后另一番风味。好香！！
个香脆五色拼盘就唔得啦，太差啦！！得个虾球同炸虾算好吃，个春卷好干又多油。件鱼饼好硬！！
炸豆腐几好，里面好滑。

第二日试左鲜茄鸡肉泡饭、干烧大虾拉面
个泡饭好大碗，番茄汤底好浓，好多鸡肉够滑、有D酒味添！好好吃！
干烧大虾拉面：有2个辣椒，几辣下，个虾整得唔错，唔会太干。
拿优惠卷送左冰震奶茶，好一般，珍珠好硬又无味！茶味唔够

本来环境同服务唔会比咁低，但我第二日见到样好恶心的东西：
果日中午唔算多人，可能系员工更衣室的门坏左，开唔到。有个服务员阿姨，坐在二楼门前面张台换鞋。距将对袜摆在台上面（有无穿过就唔知啦），然后脱左对休闲鞋，拿只手拍“干净”自己对脚（仲摸添）。跟住就拿台度对袜穿好，换左工作鞋。以为距系落班啦！点知距系但胸牌开始上班。整个过程持续10分钟

1、摆完袜的台无擦翻，后来我见有客人坐啦。
2、只手拍完脚无洗手就去工作，好唔卫生，仲要比客人见到
印象当堂差晒咯！！！

推荐菜: 台湾御品牛肉中华拉面状元红酒牛肉拉面鲜茄鸡肉泡饭

标签: 朋友聚餐

7图片

09-07-07 更新于09-07-08 09:32
|
1回应
|
送鲜花(2)

富康鱼庄

广州越秀区大南路82号富海商业中心D座

森心
口味:4
环境:2
服务:2
人均:￥40

某日中午听见同事在办公室大力推荐，当晚就拉左老妈去尝新
5点几去到，好多散位，但6点过后就满座了，仲要D房间订满晒，可能系周末的原因。经常行大南路都唔知道有间咁旺的店。
当晚点左83蚊/条咸水晥鱼，肉就生吃，广式刺身；骨腩、头尾就打火锅。呢度一鱼多吃，每款要收10蚊加工费，算适中。
D鱼生分两碟装，满满一碟，雪白亮亮，好鲜甜，店家仲好细心比两壶油、酱油，分开熟吃同生吃用。可惜就系配料柠檬叶、蒜头等比得好少。
火锅的汤底系好稀的粥水，但恰恰吃到鱼的鲜味。
点左一人一只煎蚝，8蚊/只，好大只，好肥美啊！！一咬D蚝酱流晒出来。
上至部长，下至服务员都好好态度，好细心介绍乜好吃，几多分量就足够。

本周请同事吃饭，拉距地来试试。
依然系一条咸水晥鱼：半边肉清蒸，半边酸菜鱼，头尾整和味煲，鱼肠焗蛋
全部都整得好有水平，尤其系和味煲，好快就比人扫光
清蒸同酸菜鱼都好滑，可惜酸菜鱼的鱼肉无乜味道，辣椒看落似上碟前撒上面的

今次系拿炊蚝，姐系蒜蓉蒸啦。鲜美之极。不过蚝就有大有细
玉米烙好好味啊！！！有小小砂糖系面，够香脆
鸡蛋炸切片馒头，见个名咁有趣就点啦。原来系将馒头切片，沾鸡蛋来炸，有小小似多士，味道唔错，多人的话值得试试

小炒都OK，不过就系鱼同蚝最好。
可惜房间服务明显比大厅差，经常无人服务，叫好耐先有反应。

喜欢！喜欢！发现呢间店实属惊喜啊！！大爱

推荐菜: 鱼生煎蚝和味鱼煲玉米烙

餐厅氛围: 情侣约会朋友聚餐家庭聚会

餐厅特色: 可以刷卡

交通停车: 有免费停车场，但停满后在外面停车不报销

11图片