pinko816161的点评_点评时间_

排序:点评时间点评(7 )

广州海珠区前进路44-50号松园大厦(近万国广场后门)

pinko816161
产品:2
环境:2
服务:0
消费:￥5397

买左三部家电下乡做促销的电视，买的时候讲明赶住番龙门，电视都系买番龙门的，话无现货，都打算吾买番龙门买噶喇，但售货员一路落嘴头，后来有朋友第二日一早过来龙门，可以帮我地带，买电视时我多次强调赶车要走，对方一咪讲点样再番来罗补贴，重复不下三次，但半次无提到提货时要回执，我连同发票回到龙门后先收到电话要有回执我朋友先收到货，其实我自己确实有部分责任，但一来赶车，一来售货员只字未提，后来打电话协商时更毫不负责地话全部系我错，我＂应该＂知道买电器要回执，话明家电下乡喇，我平时买电器真系简单好多，你讲一句提下我使死咩？最后半夜叫人罗番张回执番广州，送货时间讲好早上十点，又话要延迟到十二点，真系救命，我朋友都要赶车噶，睇吾起乡下人可以吾卖俾我地，我当时都捻住走噶喇，卖完收左钱喇，阔佬难理，话知你死，心淡至极！

12-04-14 10:48
|
回应
|
送鲜花

10号咖啡厅

广州越秀区烟墩路10号(近广州七中)

pinko816161
口味:2
环境:3
服务:1
人均:￥100

【试吃/体验点评】

价钱唔使讲，开得在果度唔会便宜，我系生日去果度开派对，主要系欣赏环境，果度的装修风格有点儿类似以前长提的一间咖啡屋，可惜果间已经执咗。如果几个人谈谈心在果度真系几适合，昏暗的灯光，怡人的音乐，优雅的环境，再手执一杯红酒，确实写意，可惜服务员唔知系唔系因为我唔系熟客，态度认真一般，一个貌似店长的在埋单时还可以，其他店员，两个字——高窦！简单讲系傲慢，对客人怠慢。其实我果晚因为朋友大多数唔饮得酒所以就开咗三支红酒，埋单都千三四，（当然哩个价钱在果度唔算高消费）但应该都对得住间店噶喇，仲遇上服务员爱理不理的态度，在生日夜，算系一个遗憾的结尾！本来惗住果次去系探下路，以后可以多间店蒲，但之后惗起D服务员就无晒热情，再好的环境，无跟得上的服务，一切都系枉然！PS；果度要晚上八点先开门，未去过的朋友千万唔好太早去啊！

推荐菜: 红酒

餐厅氛围: 朋友聚餐

11-10-12 14:13
|
回应
|
送鲜花

乔蔓咖啡(中山三路店)

广州越秀区中山三路东平大马路3号(近烈士陵园)

pinko816161
口味:1
环境:1
服务:1
人均:￥25

【试吃/体验点评】

经朋友介绍，同另一个朋友去消磨下午茶时光，入到去其实已经唔系好中意，楼下满座，好吵，重点系咖啡香味都掩盖唔住的一股奇怪异味，转移到楼上，我想坐得舒服点儿，但对方话如果要坐四人座要最低消费，我听一听价钱可以接受，但一打开菜单，两个人完全消费唔到个低消，无奈坐两人座，但两人座确实有点儿狭窄。点餐时点咗个类似法式下午茶果种层层蛋糕，哇，唔系我高要求，但上到来数种蛋糕中，唯一提拉米苏还可以吃，其他蛋糕都相当之浪费地剩低，果杯奶茶仲顶瘾，热奶茶，但竟然唔系自己放糖，甜到罗你命三千，或者哩间店有其他唔错出品，不过就哩一次经验，我下次就无再去的念头喇，果日同朋友都极度唔满意，匆匆二十分钟内埋单走人，去过第二间再吃过……

推荐菜: 没有

11-10-12 14:03
|
回应
|
送鲜花

乌玛咖啡

广州越秀区北京路194号新银座广场3楼(近惠福东路)

pinko816161
口味:3
环境:3
服务:3
人均:￥0

环境好，音乐好，咖啡同花茶都唔错，服务都好好，觉得装修得好咖啡馆，明明在闹市，座亲在果度，都觉得好似一个闹市中的局外人，有次因为大厅满座，我地又有六个人，所以俾左房间我地，真系好正！虽然价钱唔算大众，不过偶尔去几次都唔错，尤其考试前在果度温书，又安静又写意，可惜个厕所远左D！

标签: 咖啡厅

09-06-28 11:40
|
回应
|
送鲜花

南美休闲会馆(滨江西路店)

广州海珠区滨江西路海鸣街16号南美大酒店内(近人民桥)

pinko816161
总分:1
环境:2
服务:0
人均:￥0

比起水玲珑稍微贵左少少，不过食物真系够多，可以话系广州咁多间休闲会所中最多选择的，味道都OK，不过按摩技师技术一般般，唔算差，不过又唔好，我私人同公司组织都去过，去亲都一定按摩，老实讲，咁既价钱咁既技术，真系唔成正比。南美主要系俾女士感觉唔正经，去到沐浴区见到好多外国靓女，睇样似俄罗斯妹，去按摩的时候出来见到D女技师肯定系好亲热咁拖住D男人行出房，阴滋滋笑得好灿烂，再睇睇身边，技师一按完就滚水陆脚咁松人喇，唔通中同你售后服务咩！
最激气系公司组织去果次，南美自己推出三人同行，消费满几多（唔系好记得系几多）就免一个人的净桑，我同其中一个同事因为沐足明明已经满左噶喇，距自己电脑系统出错，就唔放人，我地因为要赶番去上班，公司车在外面等左成半个钟头，为左距地自己的错误，我地成三十人就干等，甚至我都话算啦埋单拉，距地都一味笑笑笑（好黑人憎果种笑容，唔系礼貌果种），就系唔肯俾番D鞋我地，一个部长做事效率低唔在话下啦，其他人又唔睬你，真系觉得所谓高级，其实都不过系收费！