贡献值:748
社区级别:大二
所有荣誉>>
点评:587
商户:13
图片:82
用户信息:16
其他:50
5
23
0
………………斯登堡烘焙餐厅………………呢度噶环境唔错，不过就觉得嘈咗啲啰，比较中意啲静啲噶canteen，而且，最主要系呢度唔驶等位，哇哈哈哈，比较中意啲人少嘅地方食野，服务质量都会好好多，哈哈哈同个fan嚟呢度食噶，我点咗份烤鸡肉重芝士局饭，姖要咗份茄汁猪排焗饭（好似系嗌呢个名啊嘛，5记得啦哈哈），仲点咗份沙律（5记得叫咩啦，好似系28蚊份，百搭嘅，自己拣，觉得呢份会比较抵，摞千岛酱嚟捞），仲点咗份青菜，系生菜嚟噶烤鸡肉重芝士局饭：相对于我嚟讲，眞系好大份啊，食咗一半都未有就已经饱晒啦，如果系男生噶话，一份可能会差些少啰，哈哈，啲芝士味好浓郁吖，但系啲鸡肉嘅分量就好少下啰，味道都算可以，鸡肉几嫩下茄汁猪排焗饭：啲茄汁味道好浓郁，但系都系果句啦，猪扒嘅分量好少啊，唉，喺度算系咁啦，啲饭粒口感还可以，不过茄汁颜色太红啦，感觉有啲恐怖生菜：生菜一碟，冇咩特别，味道还算OK沙律：份沙律唔错，有三文鱼响度，啲三文鱼灼得都几好总体评价：呢度啲出品一般般，料5咪好多，价钱适中。
标签: 情侣约会 朋友聚餐
………………胡椒厨房(东方宝泰店)………………喺东方宝泰广场呢边确实有好多家食肆，选择呢间，係因为姖呢度中午有个超值午餐，29蚊份，有两样配菜可以拣。呢间胡椒厨房喺负一层，相当容易搵，一落电梯口就可以见到，而且，大大嘅一个招牌响度，里面仲不时发出“吱吱”嘅烧嘢声中午嚟到呢度，都唔算多人，我地点咗两份套餐，一份係黑椒BBQ双拼饭，一份係芝士咖喱黑椒牛肉饭，送咗两杯可乐，一份沙律，一份薯仔泥，再另外加咗份青豆苗，3蚊份，如果想要加鸡蛋噶话就加多2蚊。啲番会摞块纸包咗喺周围，以防烧到客人，呢个好贴心，饭里面噶牛肉送到上嚟噶时候仲有些少生生地噶，要自己捞匀姖先可以食，够晒嫩口。黑椒BBQ双拼饭：呢份系个fan点噶，姖话好辣，我试过几啖，感觉还可以，都唔算係太辣挂，啲饭粒够晒饱满，食上去好有口感，而且每一粒饭都有汁响度，够晒滋味。芝士咖喱黑椒牛肉饭：呢份係我点噶，最爱食cheese嘅我，係唔会放过任何一个有芝士嘅单品！好多cheese响上面啊，捞匀之后，咖喱同芝士嘅mix，喺浓郁嘅咖喱味下面，带出啲芝士味，仲有些少嘅辣味喺度，食落去感觉几好可乐：中规中矩嘅可乐一杯沙律：份沙律眞系好细份吖，几片生菜响度，仲有几粒粟米薯仔泥：感觉好似食紧胶咁，味道怪怪哋嘅青豆苗：3蚊份，感觉还可以，仲有小唐菜可以拣，不过我中意青豆苗多啲总体评价：呢度上菜都几快下，但系出品方面就觉得麻麻，味道中规中矩咁啦
13图片
………………面牵一线(银座店)………………本嚟影到好多靓靓嘅相噶，点知电脑坏咗，搞到啲靓靓相都冇晒，眞系浪费晒！~〉_〈我点嘅系红酒牛肉日式拉面，眞系好大一份，我食咗三分一就已经饱晒啦，男生噶话，一碗面就够晒啦，仲有一杯饮料：5记得咩名啰，好似系叫香芒蛋汁。❤呢度噶位置话难5难搵，话容易5容易。上到嚟，呢度噶环境都算唔错，本来以为呢度得一层，其实5咪，系别有洞天，里面仲有一层可以上去噶，但系我冇上过去，唔知上面噶环境如何，装修方面，呢度都算OK，睇上去够晒企理。❤红酒牛肉日式拉面：好似系28定30蚊份，里面配搭一杯红酒，唔知系我唔识嘢or其他原因啦，觉得呢杯红酒眞系麻麻（同我平时饮开果啲，口感差啲，冇办法啦，送嘅，5会话好好啰），有啲涩涩哋，5咪咁好味，牛肉好大块，好厚身吖，呢个确实系够晒抵，面噶分量亦都系相当多，对得住个价钱，拉面噶口感唔错，唔会话太“淋”，口感适中，我一个人食，三分一就够晒饱拉，男生噶话，一碗绝对可以满足晒你噶食欲。❤5记得咩名啰，好似系叫香芒蛋汁：本来以为姖会有芒果味噶，点知原来系冇噶，好似平时喺超市买果啲酸奶咁噶味，5咪咁中意啰，呢个5多推介。❤总嘅嚟讲，呢度都算系比较优惠，相对于某品牌嘅拉面就好好多啦，而且，味道亦都好好多，分量亦都够晒足，中意食拉面噶童鞋可以试下。
推荐菜: 避风塘脆炸豆腐 状元红酒牛肉拉面
标签: 情侣约会 朋友聚餐 家庭聚会 休闲小憩
3图片
………………九毛九山西老面馆(天河南店)………………开始噶时候，我眞系好5明白点解叫“九毛九”，后来入到店面，睇咗menu我先知道，原来呢度啲菜噶价钱，全部都系几多9毫9噶，够晒特别啊，哈哈哈。呢度噶装修还算ok，感觉同粤式茶楼差唔多，啲店员噶服务态度亦都唔错，基本上系随叫随到，呢个值得赞扬！~门面，够晒醒目，大大个九毛九喺度，近视嘅都睇得清楚吖【平遥牛肉】，觉得口味麻麻，不过有仲入口即溶嘅感觉，口感还是不错的，唔知係咪我哋挂住影相定係点啦，呢个牛肉已经係一啲温度都冇晒。【西葫芦鸡蛋饺子】饺子噶皮比较厚，口感一般，感觉5多岩广州人噶口味。【锅贴】开始噶时候我唔知系咩，仲以为系啲类似酥皮忌廉汤之类噶嘢，点知原来系锅贴，觉得同啲饺子差唔多咁食法拉，都系果句，口味麻麻。【过油肉】本来以为会好油腻啊，点知原来入口并冇想象中咁油咯，有啲似广州噶家常小炒，又唔同于广州噶家常小炒，有一种北方果边嘅大块肉大块肉噶感觉，呢个还可以吧。吕梁扣肉】本来以为啲扣肉肥腻腻咁，点知，加上咗外面噶荚膜嚟食，原来系别有一番风味噶，扣肉噶油腻加上其他噶素菜，荤素搭配。【烂糊白菜】觉得呢道菜最岩我地广州人噶口味啦，够晒清淡，而且啲蛋炸得岩岩好，值得推介。总体评价，呢度啲出品我觉得5多岩老广口味，个别一啲还可以
推荐菜: 烂糊白菜
标签: 家庭聚会 商务宴请 随便吃吃
5图片
………………伟兴食坊………………店铺就喺残疾人中心隔离，好容易搵，店面都算比较大，不过好多时都坐5满客，啲店员噶态度亦都系唔错。好多时都嚟呢度食鲜虾蟹子云吞，好正啊，一啖咬上去，成口都系蟹子，呢种感觉眞系好啊！~值得推介嘅系鲜虾蟹子云吞，好大粒，而且口感亦都系唔错，如果中意蟹子噶童鞋，千奇5好放过呢个。呢度啲碱水面就觉得麻麻啦，比较粗糙噶感觉，建议就唔好食。仲有花生咸肉粥，呢个几乎係我逢去必点噶粥嚟噶，因为本人5咪咁中意食肉，而且花生咸肉几好，降火，哈哈，岩晒而家换季噶天时啦。呢度噶拉肠就中规中矩，食过几次都5咪话十分满意。呢啲仲有碟头饭，不过我就未试过。如果系送外卖噶话，一样嘢加收5毫纸，外卖噶速度都几快下。总体嚟讲，呢度噶出品都算几好，价钱噶话，5算太贵，拉肠同粥5~6蚊左右，贵噶都系10蚊甘上下。
推荐菜: 鲜虾蟹子云吞
标签: 休闲小憩 随便吃吃 可送外卖 有下午茶
8图片
显示最新条