小猴子点点

美食休闲娱乐购物丽人结婚亲子运动健身酒店爱车生活服务

第一点评(26)

小猴子点点
H&C(缤缤广场店)
广州越秀区起义路1号缤缤广场2楼2A45号(近大家乐)
好开心响二十四号接到DP通知，抽中佐H&C美发造型体验，
之前都有类似甘既活动，可惜都未能抽中，
今日终于有机会啦！~非常幸运。
为佐避免周末人多，于是预约佐今日下午两点，
一早就响网站上查清楚位置，所以好快就稳到啦！
就响大家乐旁边，记住系二楼喔。

招牌就唔系打得好大，大家睇到啦，
就得个门口仔，不过胜在里面都够干净，加分。
D工作人员个个都好精神好潮！

入到去好快就有人过来招呼我，大概港佐下我个要求，
其它就交俾发型师啦，帮我整头发既就系穿黑色衫TOMMI。
人好NICE，整头发之前渠将做法简单同我港佐下，并问佐我个意见，
达成共识后就开工啦！

今次应该系整头发整得最少时间架，先三个半钟，
而且渠地用既电发材料唔会有阵刺鼻既味，
呢个系我觉得最好彩架。上卷定型时温度都适中，
唔会热死人唔偿命个种，全程都无觉得唔舒服。
个助理COCO仲时不时问我要唔要饮水，要唔要睇杂志，
服务态度好好，呢度加佐好多分啊！

经过漫长等待，成果终于出来啦！~自己觉得好满意，
岩出来既效果就好自然，一D都唔似岩岩整出来既甘样，
虽然唔系我想象中个种，不过都好好睇啊！~多谢TOMMI，多谢COCO

唔知点解影相时TOMMI笑得甘开心，莫非个成果渠都好满意哈哈哈！~~

H&C的图片6图片

小猴子点点 Shopping达人
新感觉
韶关浈江区风度中路
开佐蛮耐既一间精品连锁店，广州都有。
里面卖既全部都系女仔比较中意既野
发饰、耳环、围巾、化妆品、家居小用品、手表等
同顶好坊有少少类似
价钱来港算系适中，唔算太贵，质量就有好有差
所以去选商品时，一定要落足眼力
咪买佐翻去，发现有问题就唔好啦
铺位蛮大下，装修都唔错，店内既服务员几热情
挑选商品时，不会有人跟住你，呢点我中意
小猴子点点 美食家
第壹面
韶关浈江区复兴路(近风度中路)
第一次见到呢间店时，都几惊奇下，竟然跑到韶关开佐分店。
睇来越来越多连锁店跑到二三线城市开分店，开拓市场。
响门口企佐一下，睇佐菜单同价位，令人欣慰既系价格比广州平少少。
呵呵，当然想入去试下味道有无差到啦，响度吃既人都几多下，
有一部分人仲打包走，睇来生意都几好。
我对呢度既面就麻麻啦，一样都系叫佐鲜虾蟹子云吞，味道同之前吃既差唔多，
如果虾再新鲜弹牙就更加好。
希望韶关呢间店唔会有卫生情况出现啦！~

推荐菜: 鲜虾蟹子云吞

餐厅氛围: 随便吃吃

餐厅特色: 可送外卖  供应早餐  

小猴子点点 Shopping达人
石头记
韶关浈江区风度路
石头记曾经响韶关有两间，一间响风度名城，不过后尾执佐，可能系因为铺租啦。
呢间响步行街既铺位非常细，如果唔打招牌出来，随时行过佐都唔知。
细系细佐点，不过胜在渠已经有知名度，如果唔系相信我都唔会入去睇。
细成点？细到一个转身就行晒啦呵呵，因为甘既原因，铺内款式唔系十分多。
价格因为系连锁，应该边度都系一样价，呢个就无太留意。
店内一般都系两个店员响度，服务态度都OK，但系好似无乜人行，甘渠都可以撑落去，真系佩服。
小猴子点点
广之旅国际旅行社(东风西营业部)
广州越秀区东风西路148号嘉和苑6铺(近康王北路)
响广州选旅行社，比较放心既都系呢家！～价格可能比其它旅行社会稍贵少少；
不过如果你注重质量，我谂你都会选择渠。
接待员唔够热情，可能系渠有口碑，所以对呢方面无乜所谓。
不过都希望渠呢点可以做得好D，令我地顾客有种宾至如归既感觉。
出游前同出游后既工作都做得好细致，就好似信息反馈甘样，
之前我地一家人出游翻来，旅行社已经打佐电话俾我进行反馈相关信息，
令我谂唔到既系渠地竟然打埋俾其它家庭成员询问意见，呢种态度值得赞扬。
导游质素都唔错，上一次出团接待我地既当地导游，更加系团里边得到一致好评。
希望旅行社方面可以改进现有既不足，为我地带来更好既服务。
小猴子点点 Shopping达人
卡路约翰(昌岗店)
广州海珠区昌岗中路243号信和广场必胜客旁(近珀丽酒店)
卡路约翰分店越开越多，无论你行到边都可以见到，呢间渠开得非常大，足足有两层。
而且配有电梯，装修都好豪华，门口有专人企住，令你一入到去感觉到非常尊贵，心情靓自然买野都好舒服。
每季出既新款都会有惊喜，价格仲过得去，有平有贵，睇你自己点选。
如果你想买到心水又唔想花甘多钱，甘就等换季时再出手。
换季时渠度既折扣打得非常低，最低可以去到2折，我就最中意呢个时候去买啦。
一般都系先去睇新款，睇岩等渠打折时再出手，当然个时可能无岩码数架，但你去多几间花多D心思一样可以稳到。
就好似之前我买既件毛衣甘，响岗顶个间渠话M码无码，但系响江燕个间唔止有码，仲有好几个色有得选。
所以你如果发现呢间无，可以行多几间，我相信一定可以买到架。
又好似我之前买既外套，无折时去到八百几一件，我打折时买先一百五左右，抵到烂啊呵呵，同样买到自己需要既码数。

推荐产品: 女装  品牌专卖

小猴子点点 Shopping达人
金康药房(江南大道店)
广州江南大道中219号海珠购物中心
响众多药房当中我比较中意金康，渠个价钱适中，仲时不时搞特价，搞优惠。
如果办佐渠个会员卡，仲有会员价，我之前办既会员卡系五蚊一张。
响8、18、28呢几日仲有会员日，买满渠规定既价钱仲有野送或者有代金券。
服务态度好好，一入到去，会主动上前问你需要购买乜野药品，然后带你去，唔使自己乱行，仲会帮你介绍药品既功效。
虽然都有推销药既嫌疑，不过我相信每间药店都有甘既情况，而且渠唔系硬性销俾你，反正渠介绍完之后，买唔买渠都唔理你架啦。
我觉得最贴心既系，时不时会发短信通知你最近折扣情况同特价商品。
每次临近会员日渠会专人打电话通知你，而且仲会话你知有乜优惠。
小猴子点点
南湖国旅(体育东路店)
广州天河区金泽大厦对面
虽然身边朋友都话南湖国旅一般般，本人对南湖国旅都无乜意见架，不过经过一次之后对渠印象大打折扣。
上一次难得一家人出游，已经选定去张家界，价钱同时间方面都已经选定，旅行社亦都同我地港系成团架。
就催促我地交钱，话提前预订有优惠，甘谂住反正都要去罗，迟早交钱都差唔多呱。
点不知出游前三四日，旅行社打电话过来话唔成团喔，突然之间叫我地改线路。
我就好奇怪啦，明明之前就话差三个人就满员，依家又话唔成团。
甘当时肯定就系呃住我地先俾钱啦，本来一家人都商量好去个度玩架啦，突然叫我地改线路，而且价钱又唔同，我地紧系唔肯啦。
出游前既热情一下就被旅行社扑灭佐，甘我地要求退款啦，反正当时又以非常多既借口响度拖时间，一时又话上唔到网办唔到手续啦，一时又话要等领导签字个领导未翻啦，退一个款去佐三四次。
借用广告既一句话“今时今日甘样既服务态度系唔得架”
希望旅行社可以提高自己既服务质量啦

南湖国旅的图片2图片

小猴子点点
丽宫国际温泉酒店
韶关乳源县侯公渡镇青岗
呢度岩岩试业无几耐，投佐几个亿去打造一个休闲渡假既商业区

可惜我地去时仲未全部完工，只系温泉同酒店已经准备好啦，据闻完工后全有高尔

夫球场、娱乐区、购物区等等，好期待建成之后既丽宫。

位置就比较偏，入去丽宫既公路虽然修佐水泥路，不过比较狭窄，如果以后发展起

身呢个系一个问题。

空气好好！~~~周围都系农田仲有人村，依家进去无需门票，就算你唔去玩都可以

去参观。酒店外景就一般般，无个种豪华气派既感觉，里面仲算可以，酒店同温泉

已经开始营业。睇佐下滚动提示牌，如果无睇错既话酒店最低一晚需要1080，哇

真系吓佐我一跳，觉得依家甘样既环境同设施唔值呢个价罗！~不过途中都见到好

几部旅游车，可能普通客房无甘贵吧，对住无兴趣所以就无问啦。

酒店一楼有条小路直通温泉，需要行一条较长既小桥，觉得冬天既话就比较唔方便

啦，行番酒店成身都冻晒啦。

温泉因为依家系过年，所以收费就升佐D168蚊一位，如果系闲日星期一到四就有六

折，星期五至日八折

依家交通唔方便，除非跟团同自己有车，如果唔系就非常麻烦，希望全面建成后会

好D啦。

丽宫国际温泉酒店的图片10图片

小猴子点点
中山公园
韶关园前路(武江路口)
韶关既公园数得出来，最出名应该系中山公园，系好多韶关人细时儿童既乐园

最初系要收费架，收费标准已经记得唔系甘清楚啦，三蚊？五蚊？

几年前开始免费开放，去既人就更加多，公园门口做生意既都陆续多佐起身

好耐之前公园内仲有动物可以睇，不过因为经费问题，很早就撤晒

依家只系净低一个收费既小型游乐场，节假日都仲系几多家长带住小朋友去玩

园内仲有音乐喷泉可以观赏，最最令我难忘既应该系门口卖既酸萝卜，真系好爱呀

公园环境都算干净，无聊时可以同几个朋友过来，稳个安静既地方倾下几

吃下野，打下牌，亦都系种享受

交通好方便，响市中心，可以坐公交到解放路落车，然后行路过去。

标签: 公园

123下一页

©2003-2012 dianping.com, All Rights Reserved.           本站发布的所有内容，未经许可，不得转载，详见《知识产权声明》。

增值电信业务经营许可证：沪B2-20040012          企业营业执照          互联网地图服务资质：乙测资字31202063