星钻物语

美食休闲娱乐购物丽人结婚亲子运动健身酒店爱车生活服务

第一点评(17)

星钻物语 美食家
金岐湛江鸡饭店
佛山南海区黄岐南海路(中南海晖园东门对面)
又一次在佛山无饭开，回广州路上又再次经过食街，就再搵一间店试试，本来我噶原则係见到“湛江鸡”呢个字眼噶食肆就混路走噶（边有咁多湛江鸡，全湛江养鸡兼且全湛江人唔吃鸡，都唔够你果啲繁星一样的湛江鸡饭店营业用！）

不过朋友话去试试，就去试试啦，都係一餐嗟（DPer讲呢句话实在係惭愧，不过DPer都係人嗟。。。）入到去都小感不妙，人实在唔多，零星几张台坐着人，饭市时间啊阴功。

餐牌两份，一份打锅的，一份小炒，今日温度有20度，继续小炒，叫咗个铜盘蒸鸡（服务生强烈推荐我地摞白切鸡，然后我强烈反对要白切鸡），一份韭菜花虾干山坑鱼仔，朋友要个青菜，我睇青菜都16~20蚊一个，干脆点咗个鱼香茄子（事实证明如果无个鱼香茄子，就饭都唔使吃了）

在人客好少噶情况下，第一个菜都等咗接近20分钟仲要催咗阵先上来：鱼香茄子。咸鱼唔少而且都係实肉（其实我个人係中意霉香噶，不过朋友话邋遢。。。），份量可以，18蚊，算可以了（再次强调唔好用芳村啲不明来历用油噶食肆比）

铜盘蒸鸡，卖相好好，色水好靓，不过味道麻麻，仅仅够味，而且啲鸡肉又老又无鸡味，同在高要吃到噶农家饭店噶铜盘蒸鸡简直天壤之别，价钱仲比后者贵，要35蚊半只，大哥，我都可以买南园噶外卖了（我想强调噶係南园噶贵，并唔係话佢好吃，因为南园出品我向来係BS噶，以上）

个韭菜花虾干山坑鱼仔就都勉勉强强可以，韭菜花同山坑鱼仔份量都几够，莫名其妙咁多咗好多墨鱼须，花蛤肉之类噶物体，20大洋。

最后打包咗个干炒牛河走（帮人带噶），又18蚊，而且质同量都属于中下水平，唔使我多讲喇挂？

找数埋单，最后一提，呢度卫生真係好差，尤其去厕所前面，又水又油（一路行入去，左右厕所右手厨房，你雷到没？）对鞋滑小小，行路大步小小，都包你扑街，希望你明白我噶言下之意：即係叫你地-千-祈-唔-好-去，此DP到此完毕，谢谢，保重。

推荐菜: 无  完全

餐厅氛围: 随便吃吃

餐厅特色: 免费停车  

交通停车: 门口免费露天停车位

星钻物语 美食家
竹家浸鸡
佛山南海区黄岐南海路西围大楼29号(近广佛新干线)
晚上因为摆乌龙，在佛山无饭开，开车回广州噶时候经过呢度，好旺啵，门口一直延伸开去停满车。入去试试咯。

入面一样旺场，差唔多张张台都满人，好在我地两个人好稳位嗟。

服务唔错，虽然好多人客，但我地两个坐低好快有人主动招呼，上茶水都好快。部长点菜都好有耐性，等我地慢慢睇慢慢问，几好几好，服务得！

不过唔想打锅，呢度係主打锅噶。呢度小炒，刺身，云吞水饺都有噶，不过吃完仲要回广州，都係要小炒啦。

讲到小炒，顺便提提一样出镜率超高噶餸：大盘鱼，名副其实，真TMD大盘！！夸张果只，同去水库吃噶十几斤鱼有得挥（指个盘），当然条鱼都好劲嘎，估计三四个人噶话，净吃一盘鱼都收工咯。。。。

我地得两个人，都係算喇，基本做好打包准备，一个碌鹅（四分一刹），果酱猪扒，青瓜韭菜云耳，一份云吞（有炸有上汤，朋友主张上汤，都好，北风天时）。

云吞几弹口，搞野，不过味道嘛，我觉得应该用一般形容最贴切，点讲呢度都唔係云吞面店嘛，允许噶，总之唔算难吃已经OK了。

青瓜韭菜云耳，青瓜，爽，韭菜，爽，云耳，都爽，总之呢个就係爽口噶餸，的确口感好好，可惜油太多，个人觉得爽口噶餸就唔应该多油，应该“清”爽嘛。

碌鹅，芋头几好，用筷子夹一块试验，可以夹断，pass。鹅肉味道都唔错，不过可能係我吃得比较重味，所以觉得味道偏淡，而且芋头未入味，不过味道都係几好吃噶，鹅肉唔老，几好汁水。

最后要赞一赞，而再赞多赞噶係个果汁猪扒，估计朋友们都会讲：果汁猪扒？行货嘢来嗟！无错，唔好话酒楼食肆，甚至市场入面都大把有得卖，but，宜家市场甚至食肆吃到噶果汁猪扒，都係橘黄色果种用色素同醋精整噶劣质货，已经唔係十几廿年前刚刚有京都酸甜骨果时候噶酸甜茄酱了，但呢度睇得出吃的出係茄酱做噶，而且市场卖果啲？唔係肥猪肉炸噶就系瘦肉粘大把大把炸粉炸成肉干噶，但呢度噶果汁猪扒係咬得断，分分明明睇到係纯瘦肉，细看仲可以见到肉纹噶！好，好肉！伙计，俾碗饭！

呢度价钱好平，但堆头好够，最后打包咗满满两个饭盒，110蚊，搓晒肚走人，回广州！

推荐菜: 果汁猪扒

餐厅氛围: 情侣约会  朋友聚餐  家庭聚会  商务宴请

餐厅特色: 免费停车  有露天位  供应早餐  有下午茶  

交通停车: 店外就有免费露天停车位

星钻物语
环球嘉年华
广州番禺区光明北路易发商业街5楼
同好多综合商场一样，易发商业街顶层都係游乐城，呢度大大小小电子游乐机一大堆，而且不允许拍照，我才拍了上传区的几张就被工作人员提醒不要再拍了，语气还是比较客气的，所以服务我还是算他2分，人山人海啊，可能是初三人比较多的缘故吧。奖品还是比较中规中矩的毛娃娃之类而且质量看起来还不错哦。

标签: 游乐场

交通停车: 易发商业街有停车场


环球嘉年华的图片3图片

星钻物语 Shopping达人
易发商业街
广州番禺区市桥繁华路易发街(近市桥汽车站)
位于番禺光明北路的易发商业街西门，这里是个市桥比较齐全的综合型商场：
1-3F 新大新公司
4F   数码通讯城
5F   美食游乐城
内里装修也不错，也有观光型电梯，内部也不会凌乱，上下楼很方便，不会乱走，不过出口比较多，如果对番禺路不大熟悉的广州市区朋友逛这里最好记得是从哪个入口进来的哦。

标签: 综合商场

交通停车: 有停车场


易发商业街的图片8图片

星钻物语 美食家
云香美食
广州海珠区前进路138号(近42中学对面)
呢度係做街坊学生生意噶，平时中午噶话好多附近打工噶人落脚，因为啲饭餸好平而且味道都OK，白饭任装就肯定噶喇，快餐可以搭配餸都可以炒餸，粥粉面饺都有，早上仲有拉肠同猪肠粉粽子糯米鸡添，真係吃咩都得啊！

推荐菜: 炒肉面  鱼香茄子

标签: 粤菜  快餐

交通停车: 最多停路边，有被开牛肉干噶可能啵 ^皿^

星钻物语 美食家
大家乐食街
广州海珠区万寿路蟠龙市场对面
貌似此大家乐同前进路噶大家乐有啲关系，都係吃蠄蚷王，不过我对蠄蚷无爱，所以去吃都係吃普通野，手势类似大排档，味道一般，价钱中等，所以夜饭市噶时候呢度人都唔少。

标签: 粤菜

交通停车: 万寿路路边


大家乐食街的图片1图片

星钻物语 Shopping达人
安踏(北京路一店)
广州越秀区北京路246号
上次在北京路二店见到一对奥运祥云look噶硫化鞋，好中意，不过果度问唔到我要噶码数，就顺路入去一店问结果虽然话暂时都係无，不过人地后来又帮我打电话问总公司，又叫我留电话话有货就通知我，呢个做法好明显好过二店，虽然呢度有啲细，比较狭窄，不过相对噶，作为一个消费者，我梗系偏向来呢度消费啦。

标签: 运动休闲

星钻物语
诺基亚龙粤体验店特约服务中心
广州越秀区中山三路33号中华广场4楼A7铺(近地王广场)
龙粤一贯特色：贵，好贵，同型号噶机远比其他专卖店贵唔少，货品质量完全一样，基本上帮衬龙粤噶，10个入面有10个都唔係玩手机噶。

标签: 手机

星钻物语
市二宫健身中心
广州海珠区同福东路640号市二宫内(近市二宫地铁站)
高中噶时候同学就成日拖我来，不过我多数都係同佢去完就转去打乒乓，呢度噶价钱就几平，唔係我地学生都唔会个个星期来帮衬啦，设备就中规中矩，同果啲广告卖到通街都係噶健身俱乐部就无得相提并论噶喇，一分钱一分货啦。

标签: 健身

交通停车: 市二宫内露天停车

星钻物语
第二工人文化宫乒乓球俱乐部
广州海珠区同福东路640号市二宫内(近市二宫地铁站)
以前高中时代隔三差五就来打乒乓球，价钱平，人又少，三蚊人头，不过租拍同波就唔係咁理想，而且按金偏高，我地自己带拍都一样要硬性租佢噶，可能怕你唔放按金，打完走咗去挂，总噶来讲啲波台都可以，唔会残，而且卫生搞得好好，係光线有小小暗，如果大热天要空调房就上二楼喇，贵小小，而且室内，天花板好低，唔多适合打乒乓，都係一楼打噶多（一楼有间房可以打，不过我地大部分係打走廊台）
打完波附近有饮品story，有天一酒店有新世纪仲有一大堆噶大小食肆，7仔同电影院都有，去得过啊~！

标签: 乒乓

交通停车: 市二宫内露天停车


第二工人文化宫乒乓球俱乐部的图片1图片

12下一页

©2003-2012 dianping.com, All Rights Reserved.           本站发布的所有内容，未经许可，不得转载，详见《知识产权声明》。

增值电信业务经营许可证：沪B2-20040012          企业营业执照          互联网地图服务资质：乙测资字31202063