星钻物语

美食休闲娱乐购物丽人结婚亲子运动健身酒店爱车生活服务

排序:点评时间点评(292 )

星钻物语 Shopping达人
屈臣氏(江南新地店)
广州海珠区江南西路46号江南新地B1楼(近润汇大厦)
基本都係女仔用品天下，日常化妆噶，保养噶，清洁噶，乃至高跟鞋垫、护跟之类，胜在品种多，不过价钱就真係唔敢恭维，顺带一提佢家噶饮品起码比外面贵10%~20%，真心***。

推荐产品: 叮当主题

标签: 女女杂货铺

星钻物语 美食家
周记饕之家(万寿北路店)
广州海珠区万寿北路48号万寿雅苑商铺
0分，上二楼未入门口已经一阵臭味，影响食欲。
入到去，大厅吃烟噶烟铲实在太多，乌烟瘴气，唔係公共场所禁烟咩？禁鬼咩！因为烟味太重所以要求坐偏厅（4~6张台），服务员噶答复係：人唔够多，唔开（当时大厅上座率起码80%咯）
上茶（功夫茶8蚊位，25蚊一张台，方案任选，普通茶位5蚊），规矩茶水过碗筷，洗完倒出来噶水一大层油花！（好似广州食肆唔洗碗，斋过水后用抹布擦干係隐性行规，作为食在广州噶本地街坊我觉得非常丢架！）
虾饺好细只，记得係18大洋，
牛仔骨基本无两块係牛仔骨，
个薄饼就好好吃，有炼奶点，
重点中噶重点係碟炒面，10个大洋，入面有佢讲係海参噶物体，姑且当佢係，不过超级油腻，我已经算吃得油腻噶人，都觉得实在係用油拌着吃噶，当然唔知係咩油，开得档就肯定唔会用靓油，所以，不解释了你懂的。啲冬菇爆到“窿”晒，面水分太多，味道相当不咋滴。

最最亮点係：吃完埋单，落楼，未出万寿路口：肚痛！！！同我同去噶人回到家都跟住肚痛，只可以讲前后四个钟头我地都无吃过其他嘢，意味住咩？聪明噶DPer你地谂咯。

所以：0分点评，无价讲！

推荐菜: 花生酱薄饼

餐厅氛围: 随便吃吃

餐厅特色: 有下午茶  

交通停车: 路口有好多车停，抄唔抄牌就谂过度过先咯

星钻物语 美食家
灯笼渔村海鲜饭店
中山中山坦洲镇新合村建新灯笼巿场侧
我唔知DP个地址算唔算啱，不过呢间野后尾搬过一次噶，最好搵就係顺住金斗大桥往珠海方向，转右入蔬果基地，然后跟住路牌驾车去大冲口水闸，过咗水闸再顺住路开两分钟就到了（路边左边一条路落一个长坡），有两间拍住开噶所谓灯笼饭店（字眼唔同），咁噶地理环境，应该係一个老板，早成两者竞争噶假象，两边价钱同菜式都基本差唔多。
呢度噶大虾七八十蚊斤，好大一只，嘴细细噶女士一啖可能都吞唔晒一只，连虾钳挤出来噶肉条都有平时酒楼噶筷子咁粗，自己斟酌。又爽口又鲜甜，建议笼仔隔水蒸！
不过呢度每位配噶青椒圈豉油我唔係好中意，都係中意蒜蓉豉油，香口又杀菌。
饭后送附近蔬果基地种噶本地石榴，唔係胭脂红，係果种又大个又干水比较“实”果种，个人唔多中意吃，不过纤维质比较高，消滞，所以都会吃。

推荐菜: 大虾  乃鱼  腊鱼

餐厅氛围: 情侣约会  朋友聚餐  家庭聚会  商务宴请

餐厅特色: 有露天位  免费停车  

交通停车: 一大片“吉”地，随便停

星钻物语 美食家
河生酒楼
中山三乡镇沙岗站
首先讲明呢度可以算係我发现噶中山三乡饮茶最好噶地方了，而且茶点价钱相比广州来讲唔贵（佢家吃饭小贵，平均一个菜四十上下，不过出品同用料都好好，主要係水产均价基本样样都比外面酒家贵），茶点分早茶同夜茶，夜茶要晚上八点or八点半先开，如果有人摆酒，会因为收拾现场而相对要多等。
茶点味道几好，份量又够，即使如牛肚猪肠呢啲都好够份量而且价钱便宜。
笋干五花腩好好吃，顺带一提三乡吃噶猪肉都比广州噶有猪味，无论平时自己市场买噶定係去食肆吃到噶，份量足，虽然价钱四十出头，但谂谂当地猪肉都要十三四一斤，个菜份量又够，而且都係肥瘦适中噶五花腩。相当推荐！（我好少在点评里落呢个词，印象中无）

推荐菜: 笋干石锅五花腩  咸猪骨芥菜煲

餐厅氛围: 朋友聚餐

餐厅特色: 供应夜宵  免费停车  

星钻物语 美食家
马得利西饼店
中山多家连锁店
蛋挞好一般，不过胜在价钱平，所以适合成盒买，尤其係早上买上带回公司N个人吃，有样点心我好中意噶，係有几种味道噶，有地瓜有红豆仲有其他，但可惜唔记得咩名。。。

推荐菜: 某样有地瓜或者红豆噶点心  唔记得名

餐厅氛围: 随便吃吃

星钻物语 美食家
采蝶轩
中山多家连锁店
可能广州噶西点铺帮衬比较多，呢度采蝶轩噶出品我觉得好一般，虽然大部分都係独立包装（我买来做早餐，使鬼你独立包装咩，羊毛出在羊身上，不解释），基本上呢度噶出品味道都係一般般，中规中矩，之所以喜欢的菜填蛋挞係因为马德里啲蛋挞太难吃，佢稍微好一点。。。 =。=

推荐菜: 蛋挞

餐厅氛围: 随便吃吃

星钻物语 美食家
梁师傅面家
广州海珠区前进路基立新村(前进路小学对面)
首先要讲噶係虽然佢店内噶云吞面牛腩粉都中规中矩唔算太出彩，但就前进路来讲，已经算好好了，附近只有万松园附近噶银丝细面同传统竹升面噶面係吃得噶，但偏偏呢两家又唔争气，云吞牛腩乃至所谓金牌猪手都非常鸡肋，唔通餐餐吃斋面炸酱面咩（银丝细面噶炸酱面味道极其唔正宗，但本来都味道几好，不过试过一晚去吃觉得有小小变酸，回家后肚仔屙之后，果断搵食黑名单无视之）

梁师傅噶面好爽口，咬落啖啖有声（基本上用碱水面就係贪呢个卖点），不过相对就在附近噶利华面店，梁师傅用噶碱水面明显发碱时间更充足，所以充其量只有好小噶碱水味，即使些微挑剔噶都可以接受。河粉就稍稍过烂了，基本唔使用咬噶，啱晒啲婆婆公公。。。。接上面一段，云吞同牛腩基本算係前进路呢边噶佼佼者了，汤噶味道挺够，比附近噶维记和宝盛之流噶“清汤”好了不是一个次元；云吞噶虾肉爽口，味道都可以，皮唔会煮到破损才拿上来，牛腩。。。不过不失。当然放在西关的话梁师傅排大路货都有小小勉强，这个有一句说一句的。

服务很到位，会根据你下单的时间预留粉面等素材（当然是在店内不算太爆满的情况下），而且店内收银，收单等工作人员态度都很“街坊”，非常亲切，so geiliable ^_^

价钱一般般吧，不算便宜，但这年头你也不能说它很贵，起码比那分店越来越多，但连总店的品质都保不住的太平沙好多了，好吧不说了，再说下去又要没完没了了，谁叫咱写DP的时候总爱比较其他店呢，最后一句，以后在附近我吃云吞面会到梁师傅，牛腩粉嘛，我会去稍稍远一点的南村路牛腩粉，那牛腩的质地和味道实在是~~（鉴于该店味道属于重口味，女生慎去）

推荐菜: 三宝云吞

餐厅氛围: 休闲小憩  随便吃吃

餐厅特色:   

交通停车: 内街

星钻物语 美食家
山东老家(合群店)
广州越秀区合群一马路43号合群大厦1楼(近合群西路)
首先表明立场：试过就算了，无下次

听朋友讲呢度菜式几多，有一晚下班后去买餸发现唔记得摞银包（下班前回家一趟漏低咗），大头虾噶代价就系请屋企人去山东老家开饭补数

首先抱怨下DP呢间山东老家分店噶地图纯属係“老点”，边个设嘎？！。。。。。我就係照地图行，点知山东老家在河涌对面，搞到我要兜一大个圈，亲爱的DPers们一定要注意，稍后我会改咗佢，暂时先保留以免话我吹水唔抹嘴。

入到去一如既往搵位置坐好，因为听讲呢间店几旺几难等位所以我六点半就到了，好空，搵到个独立四座（埋边有两张四座拼噶八座，搭台必须）。

要讲下呢度除咗咨客，其他人一律唔识听广州话，我@#%&@￥#@*真去山东了？？

花茶3蚊一位，纸巾2蚊一小盒（惯例飞掉无争议）。

人齐点餸，麻婆豆腐大爱，白切东山羊有人爱，椒盐蛹（我吐，再吐，味道问题），小鸡蘑菇炖粉条，玉米饼，老面饼，香蕉饼。

麻婆豆腐好送饭，不过花椒味太重，重过头了几乎只吃到花椒味，依然算失败。

白切东山羊中规中矩，除咗切得太细件（唔係薄，係细），味道质地都可以。本来係打算叫酱驴肉噶，佢话天热摞唔到货，天冷就有喔。

椒盐蛹，本来想试试山东做法，佢话无了，只有椒盐，我擦。用我屋企唯一一个中意吃蚕蛹噶人噶原话“呢度噶蛹又大又有渣，蘸椒盐先勉强吃得，唔蘸好难吃”仲要我多讲么？最后剩下80%份量，全部倒进汤里搞烂以免遗祸人间。

小鸡炖蘑菇（粉条），忍咗好耐，讲到呢度我忍唔住开骂了，我炖泥马的蘑菇粉条，小鸡你laomu！！根本就係老鸡乸！！我屋企某位本来唔中意吃前面果啲嘢就打算吃呢个餸算了，点知係假冒伪劣商品！我X泥马的A，做生意做到咁你pu street啦你！！就凭呢个餸，想我屋企再去？再你条命，去你条毛！！

玉米饼老面饼一啲都唔好吃，大家估计都会因为佢两三蚊一个就试试，不过好负责任咁讲，街边一蚊一个甚至市场附近几毫纸一个噶都好吃而且够份量过佢咯。（写到呢度忍唔住将原本噶两颗星总体评价改成一颗，其实我想改0颗，亲爱的DPers，你们懂的）
香蕉饼亦係一般，几韧，肠胃唔好噶最好唔好掂，反正唔好吃，屋企人一致评价：香精味好明显，so，我知道你们也懂的。

讲完，一般例牌踩完一间店我都会搵佢噶优点赞翻下，不过唔好意思，呢间嘢，无！座位狭隘，间隙又细，最摞命係服务员真係非常少，扬手几百年搵唔到人，你地如果去会发现繁忙时间佢噶服务员真係好少好少，少到同其他食肆完全唔同比例噶少。如果唔係帮我地落单果个男仔同我老豆有两句倾，服务评价果1分都唔俾佢！！

P.S.呢度吃饭真係唔平，我开始都怀疑点解甘多DPer话呢度人均40~60，实践之后发觉我地人均超50很随意，而且点菜都已经就住就住。实在价钱唔平，嘢唔好吃，仲要欺诈顾客，最后一句：边度凉爽边度训啦你！！

推荐菜: 对呢间垃圾店无推荐

交通停车: 河涌边有停车位，补充两个字：常满

星钻物语 美食家
友和相扑拉面(中华广场店)
广州越秀区中山三路33号中华广场7楼(近地王广场)
首先要讲噶係佢实在名不副实，咩相扑拉面，搞到我以为有几多份量，仲话68蚊一个係两人份，结果我一个人叫一个相扑拉面吃完咩感觉都无，莫非你间店要人连整碗汤都倒晒落肚？
个相扑拉面啲料一般够，唔算多，大虾，叉烧，鳗鱼，鱼饼，啲面一般无咩亮点，汤底叫噶係酱猪骨（在下口味偏重），味道大众化，总之真係搵唔到除咗“一般”之外有咩可以形容呢间店，但价钱68蚊我觉得係偏贵了，可能同中华广场噶铺租有关？仲唔俾外带饮料，呢度一罐可乐6蚊，都够超市买3罐有余了。
上菜噶小姐貌似係新人，所以搞唔清楚咩汤底，估计以后要注意了。

补充一点：我寻晚吃完，临训觉都觉得个肚搞搞下，唔完全认为係呢间店噶问题，不过都唔完全否定

推荐菜: 暂时无

交通停车: 对面烈士陵园正门大把露天车位

星钻物语 美食家
吴川龙泉酒家
佛山南海区大沥金城大道金五西路口(蛇龙市场内)
多噶唔想讲，叫噶生煎泥夣（大概吧我唔识打果只鱼噶名），凉瓜炒牛肉，湛江鸡半只，虾酱炒通菜，鱼头豆腐汤

凉瓜炒牛肉，啲牛肉老到连我都吃唔掂，何况同台几位老细

生煎泥夣，得层皮有味而且层皮又干又韧。。。无爱

鱼头豆腐汤，中规中矩

湛江鸡，一如既往多油多膏，俾我就真係唔会点

虾酱炒通菜，好吧我承认果一分口味我就係俾佢噶，虾酱好香，炒得够火候，送饭都靠佢了，真杯具、、、、

唔可以唔讲靠近洗手间果边噶地下又水又油，谋杀的？同云香有得挥咯

推荐菜: 虾酱炒通菜

餐厅氛围: 随便吃吃

交通停车: 门口路边免费停车（无王管果只）

123456789...30下一页

点评分类

按时间查找点评

feed: rss 2.0
鲜花数回应数评分喜欢程度修改时间点评时间

©2003-2012 dianping.com, All Rights Reserved.           本站发布的所有内容，未经许可，不得转载，详见《知识产权声明》。

增值电信业务经营许可证：沪B2-20040012          企业营业执照          互联网地图服务资质：乙测资字31202063