贡献值:471
社区级别:五年级
所有荣誉>>
点评:318
商户:0
图片:67
用户信息:20
其他:66
3
84
14
8
5
我妈生日，死都要话食鱼翅，闻说依度D鱼翅好抵，就带距黎食。间野系流花湖公园入面，整栋外墙都系白色，所以又叫“白宫”。外面环境的确唔错，绿树成荫，湖水环绕。但系入面D环境我就觉得一般啦。个晚去度，岩好有人摆寿宴，一楼全部包晒，唯有上二楼。“火山石烧翅 ”有38、58、78蚊一位，当然仲有D更贵，但系一百蚊楼下就有依三个价。我地纯粹系试下，平平地要左38蚊，三位。其实系D群翅，仲有一份牙菜。食个时，牙菜加埋入去食，增加爽口感。不过D鱼翅好细条，一条仲细过粉丝。不过D配料，例如冬菇、火腿啊，都落得几足。好好味！因为入冬，个部长强烈推荐“花胶煲”，88蚊。好啦，反正都遇左贵啦，一于就豪一次。不过D花胶好少咯，竹笙就多，唔得食。再跟住就炒左两个小炒啦。主食就要左依度好出名既“千层松糕”，24蚊半打。一块块正正方方，大细如麻雀牌，一口一个，感觉好贵，一啖就4蚊。不过真系好食，而且体积甘细块，至少有十层，每层都好似块纸甘薄，唔知道个师父点整出黎，而且甜中带D奶既香味。最后仲有送水果，一人一碟，都摆得好靓，样样水果都有D，唔似其他酒楼甘一大碟上。其实无点食到D乜，但系整餐都要四百几，贵到离谱。不过阿妈开心，算啦。
推荐菜: 火山石烧翅 千层松糕
标签: 粤菜 水景
星期日一大帮亲戚约黎依度饮茶，闻说话依度D野好好食喔，系即叫即做！因为人多，所以例牌都会提前定间房。感觉D房都好细，坐埋入去就好难出黎啦，除非出面D人起身让开D位，先可以出黎，可想然知D房系几细。点心方面都系大路野，肠粉、粥、虾饺、烧卖、萝卜糕之类既，食左都唔记得啦。最深印象就系“奶挞”，好香奶味，个皮又松脆，细细个，可以一口一个。总体黎讲，出品唔够“稻香”精致，环境唔够“广州酒家滨江店”好，连D茶都输人一截。可能因为地处光明广场啦，人气够旺，唔惊无人帮衬，所以服务一般。但系价钱又比“广州酒家”贵D。如果打住即叫即做作为招牌，系唔掂戛。因为早几年政府规定禁止茶楼出现“推车仔”既情况，有条件既酒楼都系即叫即做啦。因为性价比唔高，所以帮亲戚都系帮衬过一次就无再黎咯。
推荐菜: 水牛奶蛋挞
标签: 粤菜
依间老字号，出品够晒正，特别系甜品，“双皮奶”、“姜撞奶”、“绿豆沙”、“蛋奶糊”······多到都讲唔晒。好多人慕名而来，山长水远开车黎食。连TVB既饮食节目都介绍过。甘就知道距D出品有几出名啦。我都有三年无去咯，大一个时曾经系广工既番禺校区读过一年，所以我父母黎探我个时都会开车黎依度食饭。闻说依家既“沁芳园总店”改晒只做甜品，唔做食肆，好失望。记得个时距最出名就系用水牛奶煮菜，好似“水牛奶煮大白菜”、“原只椰子水牛奶炖鹧鸪”、“炸牛奶”，仲有“生菜包”、“虎皮尖椒”等，都好好食。特别系“水牛奶煮大白菜”，大白菜够鲜甜，拌上水牛奶打既芡汁，够晒香滑，再系上面撒上D火腿丝，一个字“正”啊！牛奶咸食一D都唔怪！食完饭之后，仲免费送甜品。好多时都系“绿豆沙”。虽然系免费，但系出品一D都唔马虎，整碗“绿豆沙”一粒绿豆衣都无，连百合都煲到起沙，仲有淡淡既臭草味。距D菜式实在太正，以前食完饭基本上大家都饱到晕，但系见到碗饭后甜品甘正，都照啃。后来唔知道点解无做饭市，改晒做甜品，甘正既菜式就食唔翻咯！好可惜！
推荐菜: 水牛奶煮大白菜
标签: 老字号
闻说又系一间类似于“华辉”既老字号连锁快餐店，就系“渝味神话”下面，店面几阔落。价钱大概同华辉差唔多，但系可能地段问题，就无华辉甘旺咯。粥粉面饭兼甜品，最出名就系河粉，但系我发现好多人都会叫面，当然我都不例外。“猪肠面”、“猪手面”、“猪肉丸面”（因为我唔食牛，所以都系食猪），有时亦会叫“肉饼饭”之类。出品总体尚可，面统一同正宗碱水面，爽口，不过汤就差D啦，味精汤，同D正宗面店简直无得比。猪肠、猪手之类既都唔错，就系分量少D。不过依家甘既物价，8蚊，系甘上下啦。甜品就有“双皮奶”、“姜撞奶”之类既，好似都要5蚊一碗，分量同“仁信”差唔多。闻说距推出早餐套餐，5蚊又有粥又有炒面或者炒粉，但系因为我唔顺路，所以一次都未试过。
推荐菜: 猪肠面 猪手面 猪肉丸面
标签: 小吃 老字号
星期四个晚落班，同事话请食饭。由于距有依度既会员卡，每逢周四晚会员日一律半价。又搭地铁又要行好远（系五羊新城翻工，无公车直达，好麻烦），七点几终于到。去到发现超级多人轮位，最可怜就系我地被告之，依家已经取消半价优惠，但系有会员卡仲可以打8.8折。唉～～都好啦，山长水远黎到唔通唔食乜。等位期间，顺便行下“越富”。八点多DD，我地终于可以入去食啦。环境都OK，有个嵌入墙既鱼缸，珊瑚、热带鱼、灯光营造出好靓既海底世界。我最中意系距旁边一排既卡座，一面靠墙，其余三面都可以坐人，感觉几特别。不过我地坐回转位，仲要系条柱隔离，感觉都几隐蔽。食物方面都OK，寿司D饭都几结实，“鳗鱼寿司”、“八爪鱼寿司”都系去亲食日本菜必食既。经个同事介绍，试左依度既“猪扒饭”，味道唔错，米饭既“烟韧”。但系我嫌猪扒太焦啦，而且汁唔够多。最后三个人打埋折总共130几。
推荐菜: 猪扒饭 鳗鱼寿司 八爪鱼寿司
标签: 日本料理