sayuforever

美食休闲娱乐购物丽人结婚亲子运动健身酒店爱车生活服务

排序:鲜花数点评(586 )

sayuforever 美食家
赛百味(体育西路店)
广州天河区体育西路107号天文苑盛雅商务中心B座首层
呢间SUBWAY新开无几耐，距附近同期新开嘅仲有7-11同埋中国银行，真系“三铺鼎立”哦，呵呵~~~
其实初初睇subway觉得距无乜特别，尤其唔中意距个中文名，虽然意思系几好嘅，但系觉得超leung啊，同距嘅风格一D都唔衬。。。入面D环境都唔错，而且最中意五颜六色D配料，觉得好fresh同埋delicious，大大啖咁咬落去真系好好味！！不过价钱就有DD贵啦~~~

标签: 小吃

sayuforever 美食家
棒约翰比萨(正佳店)
广州天河区天河路228号正佳广场3楼3A012铺(近麦当劳)
琴日同几位colleagues约定，今晚去正佳呢间PAPA JOHN'S 试下，琴晚打电话去订位，接电话个服务员同我讲，唔使订啦，依家即刻来就得啦，我话我要订听晚嘅，距居然要去问经理，等左N分钟，终于有人讲嘢，话无问题，实有位。。。其实，我觉得去PIZZA HUT嘅话可能仲要book位，呢度book唔book都无乜分别~~~因为除非节假日，否则基本上好容易搵位。。。

  今日系“黑格比”降临嘅大日子，好在对广州嘅影响唔算好大，所以唔使取消今晚嘅聚餐，嘻嘻~~~下午系office度上DP网down左最新嘅coupon，系单点任何一款9寸以上PIZZA送肉丸或者芝士条，print左距出来准备今晚用~~~~夜晚同另一个朋友提早左10分钟走，去到正佳六点几，地点都系睇DP网嘅，话系M记附近，所以好容易就搵到。。。入门口果阵D服务员可能睇唔到我地，我地行左半圈都无人理，本来想坐门口右手边果D台架，气氛好D，不过我地有六个人，所以D位唔够坐，只可以系大厅度拼两张台，好扬下，好在今日唔系节假日，正佳无乜人行~~~后来先发现原来左手边都有好多位，但系距嘅通道太窄太细啦，入来果阵都见唔到，不过服务员话入面D台都系唔够大，所以最终都无换到~~~

    我地点左一个“五星”PIZZA套餐，系最近新推出嘅，3-4人份有几样嘢，包括系“五星”PIZZA里面任选一款12寸嘅，1份沙律，1份拼盘（可以拣鸡翼或者肋排，4件，我地要左鸡翼），2份奶油甜品，3杯可乐or奶茶（我地全部拣左奶茶），188蚊~~~之后点左个half half嘅9寸PIZZA（69蚊），系素食同夏威夷各半，用coupon送一份芝士条（原价22蚊），2杯热朱古力（15蚊），仲有1份玉米忌廉汤（好似18蚊），total305蚊，系传单度话买“五星”套餐有五折“五星”PIZZA coupon送，单点“五星”PIZZA有羊城通送~~~不过唔系我埋单嘅，所以唔知系米真系有得送~~~

    好啦，讲翻D嘢食先~~~首先上嘅系沙律，鸡肉+番茄粒+生菜叶+芝士粒+千岛酱，都ok啦，不过分量比较少，3-4个人吃都不太够，何况是6个人~~~不过还好，后面陆续有来~~~第二个是鸡翼，4只，卖相几好，伴碟嘅仲有星形嘅薯蓉+薯角，好好食~~~第三个就系重头戏啦--超级棒PIZZA，五星PIZZA之一，应该系呢度嘅招牌菜啦，其实都系杂锦，D料无乜特别~~~讲真，虽然papa john's成日都话自己系美国连续八年被评为最满意pizza，但系唔知因为先入为主定系口味唔同嘅关系，我始终觉得PIZZA HUT果D先好食，先够正宗~~~呢度D PIZZA虽然唔系好差，但系唔见得有乜出众之处，我地要厚底嘅，但系个饼边唔够脆，好韧，而且芝士严重不足~~~连呢个招牌都唔觉得特别，就唔好话其他普通pizza啦，之后上嘅half half 嘅两种口味都系麻麻地。。。相比之下，PIZZA HUT嘅PIZZA款式多好多，而且饼底同料都丰富D~~~跟住就系芝士条，睇广告嘅卖相非常之吸引，系DP又见到唔少人推荐，但系一上台就大失所望，好细好细，个SIZE大概比手掌大小小咁啦，芝士好少，好似食饼干咁~~~最后啦，等左好耐，催左4个服务员+1个负责人，好耐好耐先上来嘅甜品--两个好似蛋挞咁嘅物体，外面包住朱古力，里面黄色嘅，应该系奶油做嘅，食落去有D似布甸，但系又有D腻，好甜~~~

    系DP度大家对呢间PAPA JOHN'S 嘅服务态度颇有微词，不过今日觉得仲ok啦，D服务员都几热情，唔知系米客人少呢~~~有个MM仲全程微笑兼超好态度，值得一赞啊~~~而送甜品上来果位一直系度say sorry，咁嘅服务态度都唔嬲得落啦，呵呵~~~so对距地嘅印象仲算唔错嘅~~~

推荐菜: 星星薯

标签: 朋友聚餐  PIZZA

sayuforever 美食家
天津鸡汁灌汤包
广州荔湾区十八甫南路88号
呢类型嘅包铺全广州都系，特别系D旧街巷更多。。。

虽然间间都系见到一大叠大大只蒸笼堆放系一齐，而且价钱同品种都差唔多，不过卫生情况同口味始终都系有D分别嘅～～

我街口果间又系卖包，不过卫生情况真系令人担忧吖，旧年好似仲有阿sir来查封，停业左一排，不过唔知点解后来又开翻，不过依家已经唔敢再去帮衬啦，惊唔知用乜嘢整，惊吖～～

十八甫呢间天津鸡汁灌汤包店，望落去卫生都ok，而且有D玻璃柜，同埋D蒸笼之类嘅比较干净。。。

D包比以前细只左，不过依家都系咁上下架啦。。。我试过一次系某间店买，5毫子一个，细到吖，以后都唔去买啦。。。呢度嘅size已经算好啦，价钱都系差唔多啦。。。

味道方面，其实觉得无乜特别，都系咁啦，不过豆沙包甜左少少，可能我唔惯食甜嘢啦，其他都ok～～～

推荐菜: 馒头

标签: 小吃

sayuforever
东山口地铁站
广州越秀区东山口地铁站内
居然连呢个都有得点评，咁就评下啦，因为呢个站依家我基本上每个星期都会去一次架，呵呵~~~

    以前实习果阵时系东山呢边，贪方便就会去坐215（因为我屋企离地铁站尚有一段距离，要行十几分钟，但系去215巴士站就只需10分以内），贪便嘅话就会搭107，所以好少搭地铁，但系搭巴士嘅话每日上落班时间都会好塞，因为中山路D红绿灯真系超多啊，多到得人惊，行几步有一个，行多几步又一个，仲要系遇到一个就会恶性循环，下一个路口又要等，所以次次返工放工都要系车度至少半个钟，好烦。。。

   依家呢我就会选择搭地铁啦，虽然要行远D，虽然比搭巴士贵D，但系可以控制到时间，唔使担心塞车嘅问题，去目的地嘅时间都少D，悭时间等于悭钱，有效率嘛~~~

     东山口地铁站上落车嘅人都比较多，可能近住团市委、七中仲有一D公司吧~~~最记得有一次搭一号线，来到东山口站，突然广播话部车出左问题，全部人要出去，果阵时系上班时间啊，几惊会迟到啊，好在之后嘅车无事，不过跟住嘅第一部太多人啦，逼唔到上去，再等多左一部，仲有位企下，果日提早左少少出门口，所以无迟到，不过都虚惊一场啦~~~

    由于东山口呢边整紧路，所以基本上都系由地下隧道过马路，地铁口连住隧道出入口，所以都比较方便，而且唔怕日晒雨淋~~~

    好啦，之后就讲下东山口地铁站周边嘅嘢啦。首先系食方面，系署前路出口有KFC、皇后饼店、东海堂饼店、真功夫等，行远D去到龟岗大马路果边就有阿贞香积城、华辉拉肠同圣安娜饼店、大卡司、快乐柠檬等。shoppiing嘅话就有东山百货商场、屈臣氏之类嘅，行到去农林下路果边就有王府井~~~衣食住行都有，所以东山口地铁站都算几方便嘅~~

标签: 地铁

sayuforever 美食家
黄鳝世家(纸行店)
广州越秀区纸行路37号(近金桥养老院)
前两日Daddy生日，平时成日听人讲呢间黄鳝世家唔错，所以就决定去试下。

其实以前都经过几次，不过一直都无留意，以为距剩系一间普通嘅粤菜餐馆，仲要系超普通果种。入面嘅环境一般般啦，不过因为唔系节假日，所以唔使等位。

系DP睇过好多人拣凉茶，不过因为我地成家人都系寒底嘅，所以无岩饮，拣左普洱茶，都唔错啊，D茶叶冲左好多次都仲好浓，唔似得好多酒楼饭店果D，冲两三壶水后基本就同白滚水无乜两样啦~~~

好啦，入正题，讲D菜式啦~~~
首先点左个特价虾，13蚊斤，几鲜甜，分量都唔少，几抵啊~~~仲有就系招牌烧鹅例牌，23蚊，好好味（我地仲拿到左一碟酸梅酱）~~~本来想要多一个水煮鱼架，13蚊，不过经理话唔可以同时点两个特价菜，唯有下次先试啦~~~
跟住就梗系要点重头戏--黄鳝啦！！嘻嘻~~~
第一个出场嘅系黄鳝饭，其实以前系车陂嘅一间专门食黄鳝饭嘅店（具体店面唔记得啦，系头啖汤附近，系台山黄鳝饭嘅），果度嘅人话正宗嘅黄鳝饭应该将黄鳝拆骨弄成碎，加入饭里面一齐焗嘅，真系超好食~~~呢度嘅黄鳝饭系黄鳝丝+饭，有少少唔同，不过真系好好味，平时无中意食饭嘅我都食左两碗，三个人一个细煲都好够，30蚊~~~
除左饭，当然仲要点个黄鳝嘅餸啦，根据DP上嘅经验介绍，大家都中意冰镇黄鳝，不过DADDY 同MOM都话唔中意，so我地点左啫黄鳝煲，好香好香！！！黄鳝肉好好味！！！

呢餐饭真系食得好开心，好满足~~~可惜最后见到人地点菠萝包先知系呢度嘅招牌之一，无试到，唔系嘅话就perfect啦~~~下次一定要再来试试，+埋个水煮鱼，呵呵~~~

仲有仲有，今日好lucky，因为隔离台埋单果阵有一张10蚊优惠券，距地送左比我地，所以我地一共用左104蚊，抵啊~~~
多谢隔离台嘅GGMM！！！


P.S. 食饭果阵仲睇到残奥会嘅闭幕式，不过剩系睇到开头少少咋，因为后来有个服务员居然转台睇《尖子攻略》，激死啦~~~

推荐菜: 黄鳝饭  烧鹅

标签: 粤菜

sayuforever 美食家
达杨原味炖品
广州越秀区文明路160号-1铺(近北京路)
原来呢间铺系咁出名架。。。之前真系唔知吖，孤陋寡闻，呵呵～～

某次经过嘅时候见到好多人，TT原来系炖品，好似唔错，就去试下啦。。。

因为人太多啦，都等左一阵，环境就一般般啦，不过呢D先系老字号嘅特色，close D，温情D吖嘛，哈哈哈～～

通常小店会出大味道，呢度梗系唔例外啦，炖品好得吖。。。品种好多，样样都想试，呵呵～～

不过都系拣左椰子炖鹌鹑，好补吖，如果冬天食会更好，summer太热啦，食到出汗，哈哈哈～～

等冬天嘅时候再来帮衬啦～～

推荐菜: 原只椰子炖鹌鹑

标签: 炖品  老字号  小吃  滋补

sayuforever
泰德TIDE发机构
广州天河区体育西路107号天文苑1楼
呢间发型屋系9月8号开张嘅，装修得几华丽，最中意距D凳，好有feel，而且灯饰好靓~~~不过依家好多salon好似都系呢类型嘅风格，少少宫廷feel~~~
新张期间7折优惠，不过推介剪发都要60蚊，比较贵啊。。。但系距开系天河呢个咁高消费嘅地方，而且系天文苑入面，都算较为高尚嘅住宅区同埋写字楼区啦，里面仲有个盛雅商务公寓，唔少外国人同埋不同公司嘅“空中飞人”（高层）入住，所以呢个价钱都ok架啦，而且算系特惠价添~~~
其实呢间salon唔算好大，不过环境都几舒服，入面仲有电脑可以上网，客人唔多自然态度好&服务好啦~~

标签: 发型屋

sayuforever 美食家
江南菜馆(沿江店)
广州越秀区沿江东路421号东城大厦1-3楼(近大沙头总站)
好耐之前去过滨江路果间江南菜馆，好可惜依家已经执左啦。。。

果间江南菜馆去过两次，一次系过年时候，全家总动员去饮早茶，品种好多吖，可惜因为离我屋企太远，果阵时去到人地都食得七七八八，剩系试左几款，唉。。。

另一次系食饭嘅，好似上二楼，D菜式出品唔错，不过具体食过D乜嘢就真系唔记得啦。。。不过果阵时对呢间餐厅嘅印象几好。。。

而沿江路呢间就食过一次饭，试过两三款特价菜，价钱都ok嘅，不过太耐无去过啦，一般都系坐229嘅时候经过。。。依家唔知系点样嘅呢？
sayuforever Shopping达人
达芙妮(广百店)
广州越秀区北京路295号广百新翼内(近西湖路)
妈妈有张广百嘅100蚊购物卡，今年年底就到期啦，趁上个礼拜得闲就去shopping，顺便用左距~~~

行左广百好耐，都唔知买乜好，后来行左去新翼果边，见到个名鞋之都，于是去睇睇，真系有好多名牌鞋啊，le saunda，CnE，Kisscat，TATA，PATTY，BELLE……真系好多，而且撞岩系换季大减价嘅last week，疯狂咁打狠折，最便嘅百几蚊咋，超抵啦~~~

不过呢，系咁多个牌子嘅铺之中，最旺嘅就系位置最入嘅达芙妮，其他铺最多都系三五个人，而呢度，有成十个八个啊，而且唔计陪女友或者老婆大人来嘅斋等兼做提款机嘅男士，真系十分兴旺啊！！！点解？一个字：便！！！虽然其他牌子鞋都打折，但系由于基数本来都贵，所以就算打一两折都要百几二百，而达芙妮最便嘅竟然只系60！！！仲有80、99、120、130、150、160、190等等价钱嘅，最贵嘅都系人地最便嘅价咋~~~咁样又点会唔吸引呢，呵呵~~~

除左价钱便，达芙妮D鞋嘅款都几IN，有悠闲嘅，又有好OL嘅，唔错唔错~~~最好嘅一样嘢就系任试唔嬲，D店员好nice，会好认真咁帮你搵码数~~~因为实在有太多款啦，而且每对都又便又好睇，所以我都唔知点拣，左试试，右试试，试左不下十对啦，哈哈哈~~~

最后终于搵到一对心头好，系黑色漆皮嘅，高跟，130，本来仲睇岩左一对鱼嘴+船底嘅，60，不过可惜无码啊，无得买~~~交钱果阵用左广百张卡，即系比30蚊，超抵啊，嘻嘻！！！

标签: 鞋类


达芙妮的图片2图片

sayuforever
多可爱儿童摄影
广州荔湾区康王北路903号康王城法国区
系康王地下城里面有好多铺头都因为人气不足而执左，特别系远离陈家祠一带嘅商铺，新开果阵有唔少铺，但系一直都好淡，后来好多都消失左，而呢排好多铺都租约期满，所以唔少都关门大吉。

  不过，凡事都有例外嘅，好似呢间“多可爱”儿童摄影店咁，就系逆境生存嘅一个好好例子。岩岩开果阵其实都唔系几睇好距，因为法国区呢度真系好淡，除左平时去陈家祠地铁站或者车站必经之外，基本上唔会行。一开始，“多可爱”好细，只有几平方，外面摆左个X架，有D好得意嘅BB相，店里面分两部分，一part系对外嘅，好colorful，有D相册模板同埋玩具之类嘅，里面系摄影室，颇为之细。。。不过麻雀虽小，五脏俱全，而且距地影出来嘅相嘅效果真系唔错，同Q-baby有得比啊，价钱嘅话应该便D。。。康王路呢边又有D楼盘，唔少新婚夫妇都会带住自己嘅BB仔过来留住距地嘅可爱样，所以生意都ok。。。最中意就系外面玻璃橱窗度摆住嘅bear bear同埋大大个嘅“甜筒雪糕”，次次经过都会特登望下~~~

    前排，突然见到距关左，而且有人系度拆嘢，果阵仲以为距执粒，点知过左两日，竟然发现距租左对面嘅铺，比原来嘅大一两倍啊，更加colorful，更加open，可以睇到studio嘅情况，而且有更多选择，唔错唔错，次次行过都见到有爸爸妈妈甚至公公婆婆带住个BB过来，系店入面同店主倾计，用手提电脑拣相，好温馨，好sweet~~~

    希望距越做越好啦，可以延续呢种温情脉脉嘅气氛，令康王呢度唔再咁冷清~~~

标签: 摄影

123456789...59下一页

点评分类

按时间查找点评

feed: rss 2.0
鲜花数回应数评分喜欢程度修改时间点评时间

©2003-2012 dianping.com, All Rights Reserved.           本站发布的所有内容，未经许可，不得转载，详见《知识产权声明》。

增值电信业务经营许可证：沪B2-20040012          企业营业执照          互联网地图服务资质：乙测资字31202063