sayuforever

美食休闲娱乐购物丽人结婚亲子运动健身酒店爱车生活服务

排序:点评时间点评(586 )

sayuforever 美食家
广州酒家(滨江店)
广州海珠区滨江西路20号(白天鹅宾馆对面)
亲戚结婚,在这里摆酒,交通不是很方便,周边好像没有公交车站的,打的或者自己开车的话比较方便。

门口比较小,进去后上电梯可以直达。

进去后有种廓然开朗的感觉,在二楼设席,终于体会到在江边摆酒的好处了。靠近玻璃窗的位置景致一流啊,傍晚时分,看着江景和晚霞相映照,增添了一份浪漫,真是很正的~~

里面的摆设安排还算周到,每张椅子背后都会绑上紫色薄纱,很高贵典雅的感觉,过道处摆放了花束,主台上放了水晶灯和香槟杯,有个水晶的love,挺不错的布置。

终于等到上菜啦,乳猪的上菜比较有意思,主人家那两桌的乳猪是由四个大汉用传统的担架“供奉”般抬出来,的,感觉既传统又有意思,这点很不错呀。
乳猪的皮很脆,很好吃。
还有的就是鲜虾、羹汤、烧腊拼盘、香菇生菜、炒丁、炒饭、甜品和红豆沙等,菜式一般般啦,而且价钱好像也不算便宜,不过老字号也是差不多这个价位,而且这里环境和地理位置还是不错的。
服务的话就很一般了,不知道那天的服务员是不是太累了,反正上菜和收碟时都面无表情,态度还很漠然的那种,不是很喜欢。

餐厅氛围: 家庭聚会  商务宴请

餐厅特色:   

sayuforever
钻石小鸟
广州天河区体育西路103号维多利广场A塔49楼
因为之前系维多利广场附近工作,所以经常会见到钻石小鸟的广告,平时应该有唔少情侣过来买婚戒,因为呢度主打嘅应该系钻石,不过我就例外D,某年母亲节,就来呢度买左条链比妈咪做礼物。
系维多利广场A栋,坐lift可以直达,几容易搵嘅。
环境几舒服,而且比较private,D MM好热情,态度好好,好认真咁问左要求同心理价位,仲有中意嘅款色,就会提供几款选择俾我。其实来之前已经心仪左天使之翼果款好耐,不过又觉得妈咪会觉得夸左DD,所以后来都系拣左条朴实D嘅简单款,距好中意,而且价钱比起外面D商铺要抵,几好。
sayuforever 美食家
稻香酒家(富邦店)
广州荔湾区中山七路51号富邦中心4楼401号(近光复北路)
小学同学结婚,拣左呢度摆酒,果次帮距做姐妹,所以全程跟踪,呵呵~~

【环境篇】
因为稻香离我屋企好近,所以成日都会经过,但系做姐妹果次都系第一次真正去~~环境唔错,分开两边,我嘅同学系一个厅摆酒,布置都几周到~~

门口布置~~用左一盏月亮灯,加埋一对情侣公仔,温馨而浪漫,可以令各位宾客同新人合影,童话故事般~~

酒席布置~~每一围都有鲜花布置,同埋有新郎新娘头像嘅菜牌,服务员嘅态度同埋service都几唔错~~

化妆间~~有比新娘专用嘅化妆间同洗手间,好贴心同周到,我地都系入面化妆嘅~~

【出品篇】
之前系稻香饮过茶,出品好唔错,所以对呢度嘅菜式都比较有信心~~

首先系全体乳猪拼盘,一大只乳猪,皮脆肉嫩,烧得岩岩好,好正~~
之后就有蒸鱼、海参扒青菜、羹、白切鸡和酱油鸡、炒饭、点心、莲子百合糖水……味道都好好,可惜斟茶时间D菜都凉左,呵呵。

【价格服务篇】
同学系旧年年底摆酒嘅,价位好似系2000几一围,感觉还ok,比起某D五星级嘅好似出品要好,而且全程服务都唔错,例如签到处支水笔无左色,问服务员嘅时候会好积极咁帮我地搵,而且斟茶时亦都好快咁就补充茶盘同茶,值得称赞~~

餐厅氛围: 朋友聚餐  家庭聚会  商务宴请

餐厅特色:   

sayuforever 美食家
肥姨靓点
广州荔湾区西华路164号(近彩虹戏院)
睇到宣传单,写住12月5日-20日免茶,满10元减2元,就谂住去试下~~点知,先9号,就话已经取消左免茶啦~~觉得呢间嘢好无诚信咯,虽然话因为免茶大多人,可能应接不暇,又或者收入减少,但系,既然做得宣传,发得传单,好心就坚守承诺啦,唔系嘅话就系好无信誉咯~~

呢度其实之前就系TAKEINA西餐厅,比较窄,里面嘅环境一般般啦,实际唔系好适合做饮茶嘅地方,因为地方唔够大,而且无得分开吸烟区同非吸烟区,通风唔系太好,所以做中式饮食嘅话油烟之类无咁好~~

点心方面系即点即蒸,其实有D应该就系蒸住,点嘅时候可以上,不过会一直补充咁,因为茶市系全天嘅~~而且仲可以点小炒~~

不过讲真,既然距咁无诚信,我觉得一次就够,就算离屋企好近,但系以后唔会再帮衬距咯~~

餐厅氛围: 家庭聚会  随便吃吃

餐厅特色: 有下午茶  

sayuforever 美食家
六婶西关小厨(富力商贸大厦店)
广州荔湾区中山八路23号富力商贸大厦2楼(近恩洲北横街)
某次去中八嘅华润万家,突然落雨,又岩好系食饭时间,所以同阿爸阿妈来呢度试下~
因为亲戚中有人颇为推荐,而且平时见到好多人等位,所以觉得应该会几好,但系,人嘅口味真系各有不同啊~~亲身试过一次之后,我觉得如果唔系人地话要去,应该系唔会再来第二次咯~~真系唔系好明白点解会有咁多咁多捧场客~~

要上楼嘅,环境还可以,D房间都好好笑,好似都系D什么叔、什么伯之类嘅,一家亲戚齐晒,哈~

菜式都几丰富,睇餐牌的确会觉得好好睇,AD做得唔错咯~~
点左半只葱油鸡,呢个系我觉得最好食嘅菜啦~~
跟住点左叉烧仲有一个好似系牛仔骨,超级无敌咸啊,咸到无人有,连送饭都觉得距咸~~同服务员讲,距话摞入去比厨师试,出来后讲,厨师话一D都唔咸~~其实口味呢样嘢见仁见智,厨师同顾客嘅口味又点可能一样呢~~但系呢度嘅菜式的确唔多适合我地屋企,价钱又唔见得好便,一次就够啦~~

餐厅氛围: 随便吃吃

sayuforever 美食家
牛桥泰菜餐馆(中山五路店)
广州越秀区中山五路33号大马站商业中心3楼(近北京路)

【团购点评】

过年嘅时候去嘅,都有颇耐一段时间啦~~

系大马站果度,坐lift直上,去到嘅时候好奇怪,服务员分两边,一边系牛桥泰菜,另一边系其他餐厅~~因为我地系有备而来,所以唔会比隔离拉客拉走左,呵呵~~

去到果时未够六点,好少人,搵左张半包围嘅台坐。。。其实人多的确唔适合来呢度,D台大部分都系for六人以内嘅,一大班朋友嘅话都系酒楼饭店岩D~~

里面嘅设计同装潢觉得同上本涮涮锅好似啊,格局差唔多,两间店只差一层楼好似,唔知系咪同一个老板嘅呢~~

呢度嘅茶位系根据唔同嘅茶来计嘅,茶叶茶基本上都要6蚊位,普通红茶3蚊,我地要左红茶,觉得好香好好味,有时唔一定贵嘢先系好嘅~~而且我地唔系来品茶嘅,普通亦ok~~

讲翻菜式啦,都系系网上睇完DP先来嘅~~
点左特色嘅面包咖喱虾,个包好大好大个(最近睇帖好似缩左水,定唔知因为团购而缩水啦)~~
D咖喱做得几好,好适合我呢个咖喱控,哈哈~~
跟住每人点左一份特价嘅椰子炖鸡,好清甜嘅汤底,滋润滋补~~
椰汁糕都系特色甜品,香滑香甜~~
鹅肝酱西兰花,偏咸了一点点~~
铁板金针肥牛卷~~汁多香浓,肥牛够肥,哈~~

总体来讲价钱都系偏中上啦,有F有某银行卡可以打折,折左人均都70,几贵下,不过味道几唔错嘅~~

推荐菜: 面包咖喱虾  椰子炖鸡

餐厅氛围: 情侣约会  朋友聚餐

餐厅特色:   

sayuforever 美食家
家基作煨面馆(荔湾路店)
广州荔湾区荔湾路108号
其实一直都觉得呢个名好奇怪,而且读起来有D绕口,不过果日同阿爸一齐行,距睇一睇就话,家基作,可能系台湾话“自己做”或者“自家做”咁嘅意思,如果读歪D音,好似又系wor,几有道理咁,所以我就系咁样理解店名嘅意思啦~~

环境都几ok嘅,坐得算舒服,其实都系一个食粥粉面饭嘅地方,不过应该系台式~~
有每日一特价嘅时段会比较抵,中意点糖水食~~
仲有拉肠,都几多人点,个人觉得一般般啦,不过不失,价钱中上,不过附近都好似比较少粉面店,要行到去西华路先多,所以竞争都唔算大~~

推荐菜: 红豆沙

餐厅氛围: 朋友聚餐  休闲小憩  随便吃吃

餐厅特色:   

sayuforever 美食家
新联肠粉店
广州荔湾区多宝路88号(近西关培英中学)
系微博上面被热推嘅一家老字号传统小食店啦,西关呢个地方真系灰常灰常多小食,有口福啊,哈哈~~

呢间店真系唔会好起眼,如果唔系网上介绍,就算行过都可能过而不入,因为环境实在系好一般咯,但系,确实系唔可以被外表所蒙蔽嘅,其实距好有内涵架~~

好传统嘅感觉,店里面都系D好有亲切感嘅人~~
来呢度比试嘅就梗系传统拉肠啦,牛肉、猪肉或者鸳鸯都得,mix啊~~鸡蛋肠或者炸面肠都好好味,比较适合中意食斋嘅人啦~~
仲有好多粥品都唔错,粥底够绵滑,料都几足嘅~~
呢度嘅价钱亦都唔算贵,性价比都几高啊~~

推荐菜: 牛肉肠  鸳鸯肠

餐厅氛围: 朋友聚餐  休闲小憩  随便吃吃

餐厅特色:   

sayuforever 美食家
银灯食府
广州越秀区起义路2号广州宾馆3楼(近海珠广场)
聚会嘅时候拣左来呢度饮夜茶,系DP见到有帖介绍,几唔错,但系真系无谂过可以咁旺架~~等位嘅人,用一个字形容系多,两个字形容系好多,三个字形容系灰常多!!!
一去到真系好怕要等吖,好彩朋友已经订左房咋~~
房间都几ok,有TV,一边倾计一边睇电视,哈哈~当然仲有一边食嘢啦~~
房间茶位好似系5蚊吧~~
点左好多好多点心,必点嘅当然就系灰常有名嘅芒果椰汁糕,香甜滑溜,好好味~~
仲有凤爪、萝卜糕、粥、粉呢D常见嘅传统嘢,有个腐皮卷都好好味,仲有排骨之类嘅,太多啦,都唔记得晒,哈哈~~
埋单好似只要两百几,十个人,灰常抵啊,人多去饮茶真系一个好选择~~
夜茶好似有discount所以更加抵啦~~

推荐菜: 芒果椰汁糕  腐皮卷

餐厅氛围: 朋友聚餐  家庭聚会

餐厅特色:   

sayuforever 美食家
麒胜餐馆(诗书店)
广州越秀区诗书路132号(惠福西路口)
单位聚餐来过一次,其实之前行过纸行路同诗书路嘅时候都经常经过,不过都唔多在意,后来同事讲开先知道原来就系呢间~~

环境一般般啦,普通粤菜菜馆,不过胜在够亲民同街坊feel~~

点左十几个菜~~
真味鸡:招牌之一,的确几好味,而且好少食到鸡皮咁薄咁爽滑嘅,唔错唔错~~
琥珀牛肉:至爱啊!!!超级好味,D牛肉有D似牛肉干咁,脆脆地,味道调配得好唔错,最中意呢道菜~~
蒜蓉蒸扇贝:味道几好,不过蒜蓉嘅味道有D覆盖左扇贝的鲜甜~~
葱油饼:香脆,几好味~~
蒸鱼:肉质比较滑,不过价钱偏贵~~
其他仲有炒菜、烧鹅之类,数唔晒咁多啦,味道总体来讲都几好~~

推荐菜: 琥珀牛肉  真味鸡

餐厅氛围: 朋友聚餐  家庭聚会

餐厅特色:   

点评分类

按时间查找点评

feed: rss 2.0
鲜花数回应数评分喜欢程度修改时间点评时间