贡献值:395
社区级别:高三
所有荣誉>>
点评:220
商户:0
图片:103
用户信息:20
其他:52
2
15
3
【团购点评】
系钱库网团购嘅仅售49元双人自助餐，圣诞节果日去左，一个字“差”，两个字“好差”，三个字“非常差”，食完嬲嬲地夜晚仲系微博@钱库网投诉。从未食过甘难食嘅寿司，D饭大够就唔讲啦，唔比大够D距点赚啊，仲要系一阵怪味，点食啊！！话自助餐喔，个寿司带上咩都无，就系个师傅放乜上去就食乜，仲话食两个钟，唔够一个钟我就走左拉。坐都唔想坐多阵啊
推荐菜: 没有
话说呢间餐厅有20几年历史了，而且周总理都光临过。于是就去试下啦，去到果然有好多人等位。等左大概20分钟到就有位置了，餐厅环境几好，几有情调。试左总理套餐，只肥乳鸽真系好令人回味，皮脆内嫩多汁，肥而不腻。忌廉汤都好正，好浓好香。仲点左鹅肝酱烩菠菜面桐海鲜饭，味道都很不错。芒果味的雪糕超好味。
推荐菜: 烧乳鸽 总理套餐 雪糕
标签: 情侣约会 朋友聚餐 家庭聚会 可以刷卡 是老字号
11图片
最近成了公司订餐嘅第一选择，味道都几好，价格又比较实惠，最紧要系送餐速度都几快。因为系会员，加12蚊可以有多一个。啫系92蚊可以有2个12寸嘅，65蚊有2个10寸嘅。其他未试过不予评价。
推荐菜: pizza
标签: 朋友聚餐 可送外卖
【试吃/体验点评】
2点钟岩岩结束左今日嘅试吃活动，急不及待咁来同各位介绍今日试吃嘅呢间勇志日式烤肉。呢次系我第二次抽中试吃，对上果次好似系一年几之前嘅事咯。不过同果次一样嘅系天气....都系下雨天。勇志日式烤肉位于华乐路嘅广怡大厦3楼，近住五号线淘金站，交通都几方便。地方比较大，以白色为主，D位坐得都几舒服，可惜觉得冷气唔多够。不过服务好好，D服务员听我地话冷气唔够冻即刻加多两把风扇。急急脚入去唔记得影下个门面添。。。例牌影下D餐具，调味料同炉具。开左火之后就陆续送上烤的肉类。 分别有：盐烤牛舌，只要烤10几秒就可以吃得噶。几脆下，加上呢度嘅秘汁几鲜甜。 鸡中翼，呢个要烧耐D比较难熟。 葱盐味五花肉，薄薄嘅一片，好太熟，又唔太肥。 下面果两碟好似都系牛之类嘅肉，呢两种唔记得叫咩名。系一粒粒嘅，吃起身比较多汁。另外有D系并盘，挂住吃都无影到相。 烤肉进行时... 吃左咁多肉都比较腻烧D蔬菜吃下先~~有红薯，南瓜，云南小瓜，香菇，白色果D好似系茄子。我无吃到，所以都系估估下，外形比较像。 呢碟蔬菜沙律唔错，用左距地秘制嘅酱汁，有少少酸酸嘅味道。D蔬菜好新鲜，有咩材料以上张图就话晒你知啦~~上面红色一丝丝嘅系洋葱丝。 呢个系禾牛刺生。啫系生牛肉，起初听到系生嘅都有D怕怕，不过点都要试下嘅。将所以材料伴均匀就吃得啦，口感好特别，同吃鱼生无咩分别，唔错！ 呢个炒饭就比较普通，有D红辣椒，鸡蛋，牛肉粒。日式煎饼。完整嘅无影到相，呢个系其中一块。都比较一般，唔够香口。 冷面。有蛋丝，蟹柳丝，番茄仔。加上秘制嘅酱汁，几好味。话说呢个酱汁同蔬菜沙拉个系一样嘅。最后上嘅，雪糕同甜品。唔记得呢个叫咩名添，几有味，好浓，仲可以吃到D果肉。旁边黄色嘅好似系橙肉。呢个系焦糖布丁，上面有D红豆同芝麻。好多TX话层焦糖好甜，不过我接受到咯。好味~ 好开心嘅试吃就结束左啦，多谢勇志日式烤肉，多谢点评网。希望以后多D抽中我啦，哇哈哈哈~~ 各位有机会都可以去试下，宜家仲有自助餐138一位，中午晚市都一个价。建议晚市去，因为时间比较充足，由下午5：30到夜晚10:30。而中午就好似得两个钟。具体各位去之前再比个电话问问啦~~
推荐菜: 五花肉 牛舌 中落小排 烤五花肉
标签: 情侣约会 朋友聚餐
公司请唱K，听讲呢度嘅自助餐系无国界所以就选左呢间。场地就几大下，拿完自助餐翻房间都要行几远，不过房间就唔够大啦。自助餐嘅品种唔算多，有D食物需要用卷。由于无乜好食，仲用剩几张卷添。音质都不过不失啦，唯一最好嘅就系地理位置。
标签: 自助餐
交通停车: BRT 地铁
显示最新条