berry_fish

美食休闲娱乐购物丽人结婚亲子运动健身酒店爱车生活服务

排序:点评时间点评(53 )

berry_fish Shopping达人
友家优质园艺生活
广州海珠区新港中路356号丽影广场1楼B区41铺(近珠江电影厂)
系度买过一盆一笑百媚E拿翻公司养,生得好靓啊,D同事都好钟意
有D仲自己买翻盆添
店员会好耐心同你介绍
只不过间店唔系好大,第一次搵可能难搵D
其实就系D出口出来,见到一间买蛋糕嘅店果条通道穿出去,就会见到嘎喇

推荐产品: 一笑百媚E

标签: 绿植

berry_fish Shopping达人
友家优质园艺生活(东方宝泰店)
广州天河区林和中路63号东方宝泰广场(近广州火车东站)
居然系沙发~
虽然间店唔系好大,D野第一眼睇落唔算平
不过买过翻公司养,个个都话好靓
最初其实系客村果间店买的
买咗一盆连种子嘅套装(矢车菊),一盆叫一笑百媚E的组合绿植(碧玉+两种颜色嘅网纹草)
平均二十几蚊一盆
建议新手都系买现成嘎啦,如果唔系就好似我咁种极盆矢车菊都唔靓
不过盆一笑百媚E就好茁壮,系公司冇太阳晒,净系喷下,一个星期琳透一次水
都可以猛咁飙D新芽出嚟!
讲翻东站哩度,我买过一盆黑珍珠,个样好得意,不过相对比较娇
也都因为咁,翻来请教过两三次点样养,D sales都好耐心咁问清楚个情况再教我点做
虽然仲未把握到要领,不过越来越钟意玩绿植
哈哈,而且我发现比IKEA嘅好养好多

推荐产品: 一笑百媚E

标签: 绿植


友家优质园艺生活的图片1图片

berry_fish 美食家
BOCCA
广州天河区天河东路75号1楼107铺(近太古汇东门)
最中意哩度嘅 All Day Breakfast,真系全日都可以点噶
以前个餐牌就写明嘅,不过新餐牌就净系写早餐而已,所以点之前可以问清楚
我上次晚黑去点就有了
另外仲加咗个salad,好似系咩凯撒鸡肉,不过不失啦,冇La Vila咁大份(唔记得系咪咁拼了)
同个F打dun咗成晚,走之前点咗个三色新地
有朱古力味+草莓味+香草味,唔知有冇记错了
仲有朱古力酱,不过比较少
如果中意朱古力味嘅朋友,我觉得都系三只都点朱古力味啰

睇餐牌嘅咖啡价钱都唔算贵,第日都可以试下啰
D cake都系20左右,同其他cafe差唔多,所以就冇特等去试了

推荐菜: 全日早餐

餐厅氛围: 情侣约会  朋友聚餐

餐厅特色: 可以刷卡  

berry_fish 美食家
益生馆
广州天河区天河南一路16号华信大厦1楼06铺
某个周五约系天河城附近,小周末,天河城的食肆例牌多人
于是就同bf周围行下,睇下有冇新发现

最后兜来兜去,来咗哩家
D菜式其实真系唔平
一个碟头饭起码20,不过个标题写住“套餐”,又冇写套餐仲包括D咩
就点菜算了
点了一个“烧味拼盘”,同埋“白果支竹猪肚煲”
味道都算ok啦,分量都一般多

望下隔离台,好多都系一碟送,一碗饭,一个汤
莫非哩个就系传说中的套餐?

但系间店是在太拥挤,D服务员行来行去,都费事问了
比较好的系,上的系一杯凉茶,都ok啦,不过再加的话,系要收钱的
berry_fish 美食家
双食记
广州天河区天河南一路80号101
个铺面好细啊,里边得三四张台,而每张台坐两个人果种
价钱相对来讲算系中上了,冇办法啦,哩个地头比较旺吖嘛
因为系前段时间去的,所以我连食咗咩甜品都唔多记得
既然连食边款都唔记得,咁系咪讲明,佢的味道都系一般般呢?

标签: 甜品

berry_fish 美食家
澳门街(中石化店)
广州天河区体育西路191号佳兆业广场4楼(近市长大厦)
上次趁着刚开张有优惠,而且D同事话,七十几蚊就够四个人食,D炒饭好大一碟
于是就同bf上去试下

新开张有两个菜式系唔使会员卡都有优惠的
我哋点咗其中一个“咖喱大虾”,好似系19蚊
另外再加一个“猪颈肉”,好似系三十几蚊

个咖喱大虾都好多虾啊,而且D咖喱好浓好好味,用来送饭真系一流
个猪颈肉都好正,相比起中森明菜果个,多好多,而且好香,表面有D脆,D肉又好软

有会员价的菜式其实都几优惠,可惜个会员卡好几百蚊呢
我哋又唔系成日上去食,都费事浪费钱

相比起我上次去金利来大厦果间,印象好咗D
(不过其实哩间都系金利来果间搬过来的)

推荐菜: 猪颈肉  咖喱虾

berry_fish 美食家
仁山人海
广州越秀区解放北路863号盘福大厦2楼(盘福路口)
好耐都冇约朋友出来食饭了,趁天气冻冻地,就打火锅啦
睇咗几家连锁的川菜火锅店,多数的评价都系“服务唔好”,服务员叫N次都唔来
见到哩间大家都话服务唔错,出品都几好,而且系哩度搞过聚会
于是都比较有信心咁去试下

地点都算方便,地铁出来唔使五分钟就到

菜式也都确实如大家评价的,粥水锅底、霸王丸、鸭嘴鱼,味道都好好
点的两个小炒:XO酱炒豆角同剁椒鱼头也不过不失

不过我想讲的就系,关于果个鸭嘴鱼
首先个部长系推荐的时候,净系同我哋讲宜家特价38蚊,一条两斤半左右
可能我哋经验比较少啦,一时冇反应到佢系话38蚊一斤,结果条鱼都差唔多100蚊
咁都算了,系我哋唔醒目

跟住上来是时候,冇俾鱼头同鱼尾
一问先知,原来鱼头鱼尾系煎“火局”,而这个做法呢,就系要加10蚊加工费的
但系我哋冇要求过哩个做法啊,部长也冇讲明系哩个做法,也更加冇讲明要收加工费
当我哋要求“生上”的时候,服务员话差唔多煎好了
于是我哋稳翻果个部长理论啦,佢话咩点菜的时候已经讲咗“两食”
而且好晦气咁话,咁到时一系帮你地打九折啰,还是你地要券吖?
好理所当然,我哋就以为佢系讲条鱼打翻九折啦,咁都相当于减10蚊左右
于是就同意九折

好了,埋单的时候一睇,果个九折就只系减咗8.2
而这个九折呢,海鲜系冇得打折的,炒菜先可以打九折
再质问翻个部长,个部长就话,咁差2蚊左右,“我自己出钱帮你地俾啰”
不知几晦气!
算啦,咁一蚊几毫,我哋就唔计较了

等佢找钱的时候,想起楼下大门口挂着大大个横幅“满100送20”
就非常留意佢系咪都拿翻优惠券俾我哋
点知,居然系冇!
果个部长仲大大声咁话:问你地要券还是要九折,你地要九折吖嘛!
我就话:“你可以理所当然咁认为我哋的鱼头鱼尾要煎,我哋同你理论的时候,当然就认为你系就这个加工费的处理来讲的啦!”
跟住个部长居然一个回应都冇,就行走咗!
态度非常之恶劣!

咁计法,我哋仲亏了40蚊的券
先唔理我哋仲会唔会有下次消费
关键系,佢冇讲清楚D收费,居然冇俾翻相应的优惠,仲搞到我哋反而冇咗原有的优惠!!!

我认为,就算其他火锅店的服务几慢都好,都好过哩家店咁的服务态度,令人有被欺骗的感觉!
唔怪得,周六的食饭时间,仲有一半数量的台都系空的,冇咩人帮衬,可谓冷清得很~

今时今日咁的服务态度,唔得噶喇!!
既然当时个部长咁样处理,咩都唔讲清楚,我唯有上来讲啦
希望大家以后来哩度,真系咩都要问清楚,精明消费啊!

推荐菜: 蟹王丸

标签: 火锅

berry_fish 美食家
Le Vila Bakery Cafe(中信广场店)
广州天河区天河北路230号中信广场B1楼后街1铺(近广州火车东站)
其实我第一次来,系同个客来哩度食午餐
当时果个系个新加坡人,都系第一次来

哩度虽然细,但系D台台凳凳都好舒服的,仲有沙发
而且用餐时间基本上都坐满人
所以系铺外边都会摆对几张台

果次食的嘢就冇咩印象了,净系觉得套餐价,系中信入边算系ok了

琴日上午外出之后,同个同事一齐来试下个沙律
因为其他同事食过哩度嘅沙律,次次都听她讲话食到好饱
于是我哋都十分好奇:一个沙律点样“撑饱”个午餐

排队的时候先发现,原来哩度仲有自选沙律
20元 for 两肉三菜(哈哈,好似盒饭咁……)
因为我比较少食沙律,唔知道点样搭配先会比较好食
于是揾阵D,都系选择一个“定食沙律”:烤鸡肉沙律

拿到手,真系好大一盒!
入边N种蔬菜:萝卜丝、青瓜片、烤茄子片、西兰花、粟米、青豆、类似番薯的切块……
有D我都唔识叫添
D烤鸡肉都好多片啊,起码七八片,有翻少少厚度的
不过加的千岛酱就少咗D了,食都差唔多最底先发现有酱

而果D自选沙律呢,我排队的时候见到D服务员夹带分量都好多啊
可以选择牛肉啊、虾、蛋,各种蔬菜

唔知星期六日会唔会冇咁多人呢?如果少D人其实可以选择来哩度三五知己倾下计都几好
而且我留意到哩度的咖啡比星字头平好多

P.S. 哩度都好多外国人来帮衬噶~~

推荐菜: 沙律

标签: 西餐


Le Vila Bakery Cafe的图片1图片

berry_fish 美食家
猪八戒餐厅
广州越秀区环市东路475号东都大世界1楼49-51号
可能我哋唔系咁识点潮州菜啦
食完之后觉得:哩间系我哋近期食过的最难食的餐厅……

点咗一个菜脯黄鳝沙锅粥
黄鳝,冇味,唔爽
菜脯,冇味
D粥,依然系冇味
我系汕头同广州其他店试过的沙锅粥,明明系有D鲜甜的味道~
但系哩间,就好似食白粥咁……

另外一个三丝伊面
就唔止三丝咁少的,萝卜丝、肉丝、冬菇丝、大白菜丝,都好几种丝的
问题系:点解D面咁硬的??
而且味道都偏淡

我上星期刚去完汕头,那边的菜有D的确系比较清淡
果种清淡得来,保留汤料的鲜味
但系哩间呢,简直就系淡得冇味……
berry_fish 美食家
玉兰牛肉(东厦南路店)
汕头东厦南路老飞厦市场
两次来汕头食牛肉火锅都系哩间
好味啊!
我都系来汕头先知道,打火锅的牛肉可以分开咁多个部分
牛舌啦,吊龙啦(带一D肥头的牛肉),仲有的我已经唔记得叫咩了

哩度D牛肉好少捞咩粉咩粉的,唔似广州的,搞D嫩肉粉,好似好滑咁,但系已经冇晒质感了
我朋友只系落D油,捞下,跟住就可以放落火锅煮了

而牛肉丸就真系生的牛肉丸,唔系广州果D已经熟咗的
所以系哩度食牛肉丸,一样的爽口,但系就嫩好多,冇咁实
再点D沙茶酱,真系美味无比啊!

另外不得不提的系哩度的汤底,真系超级平!!
八蚊咋!
牛骨汤底啊,起码三大块牛骨系入边,而且好多肉的添
系广州?哇,冇三四十蚊都唔使旨意点啊……

琴晚食咗好多啊,三个人,埋单都系159
嗯……好好味啊!!

推荐菜: 牛肉丸  牛骨汤底

标签: 火锅

点评分类

按时间查找点评

feed: rss 2.0
鲜花数回应数评分喜欢程度修改时间点评时间