Ferrariho的点评_鲜花数_

排序:鲜花数点评(44 )

广州番禺区市桥广场西路49-50号

Ferrariho
口味:1
环境:2
服务:2
人均:￥40

好似广州市区渌亲脚甘上下咯，入房最低消费150，可以坐成8个人噶，其实有4-5个人都可以入房啦，有电视睇，又可以倾下偈。呢度D房名叫晒D名表名，什么劳记，梅记，精记甘~
前日中午同朋友来，全场年纪最细果个，居然坐低就话要点杯“忘年恋”，据目测应该系D椰汁西米，又加D奇异果汁，仲有水晶之类挂。。。个名太搞笑了。
要左个金牌烧牛肋排，48蚊，有2个人既份量，都唔错，烧得几香，配烧汁，落单既时候无讲，上来俾左黑椒汁，叫服务员换，好好态度，赞一个。
最细果个要左个是日特价竹筒饭，乳鸽饭，不过我觉得卖相一般。
JJ要左加勒比海鲜饭，距话无三文鱼炒饭好食。
迟到既某大佬要左个菠萝烧牛仔骨饭，都唔错。

呢度服务算OK啦，不过部电视机要手动转台既~~
仲有，呢度有个服务生，系MM来既，不过，风格同超女果个李XX好鬼似，而且整左个男仔头，把声又几MAN，身形都颇似，搞到我地都唔知点叫距好，正当我地有人议论纷纷既时候，有位朋友比较直接问距：呢位靓仔定靓女啊？个MM就答：你中意啦！我地真系佩服距啦！哎，睇来距俾人问呢个问题问过好多次了，所以都无所谓了~

标签: 朋友聚餐休闲

交通停车: 有免费3个钟

4图片

09-04-12 01:02
|
回应
|
送鲜花(6)

棒约翰比萨(正佳店)

广州天河区天河路228号正佳广场3楼3A012铺(近麦当劳)

Ferrariho
口味:2
环境:2
服务:2
人均:￥50

自从PAPA来左广州，就极少去HUTHUT咯，呢度两间就系上下楼，但系唔明点解永远都系HUTHUT果度排队既人多到鬼甘。。。行上一层又唔使等甘耐，又好味！
中意呢度PIZZA个饼底，够脆够香，呢度D鸡翼又好味啦！仲有9蚊优惠活动，好抵食！
芝士条食得多就会有D滞，不过真系好香。面包条次次必点，D奶香酱搭得好好！
上次仲要系度撞返小学同学喔

推荐菜: pizza 鸡翼芝士条面包条

标签: PIZZA 朋友聚餐

09-04-12 12:14
|
回应
|
送鲜花(6)

康师傅私房牛肉面(正佳店)

广州天河区天河路228号正佳购物广场M层E88号(近体育中心)

Ferrariho
口味:1
环境:1
服务:1
人均:￥30

一睇间铺既名，我第一反应系么康师傅开埋呢D店啊？（卖即食面果只~）
装修过得去，灯光色调几暖既感觉。
打开菜牌，即系同日式拉面既价位差唔多，仲好详细甘介绍间铺D牛肉有咩甘好，不过见到距个咩至尊牛肉面118蚊碗，离谱D挂。。。仲话限量每日卖几多碗，我怀疑边有人去点啊，不如去食和牛好过啦！
试左清炖牛肉面，同养生牛肉面，D牛肉都算整得不过不失，汤底唔会有即食面既感觉，几浓牛肉味，所谓养生，米就系俾多几粒红枣落去甘。
装面个碗鬼甘大，好似洗头兜甘，哈哈。
始终觉得个店名怪怪地~

标签: 面食快餐

09-04-12 18:57
|
回应
|
送鲜花(5)

葡京茶餐厅

广州天河区林乐路39-49号中旅商务大厦2楼(近远晖大厦)

Ferrariho
口味:2
环境:2
服务:2
人均:￥60

其实几佩服呢度D服务生，背住个架出菜。
讲就茶餐厅，其实规格唔止既，都好大方得体下。
系呢度食过好多次，一时之前都几难形容。
食过电饭锅鸡，学D农庄菜既感觉。
咖喱牛腩，正，咖喱好香！伴埋猪扒包都好好味！
巨人多士，D酱料几过瘾，件多士都烘得几松软。
咖喱虾蟹，至紧要都系个汁够好味。
葡挞都试过，好味过澳门街既。
饮品就成日叫冻奶茶，同埋马蹄竹蔗汁，够晒清凉。

推荐菜: 咖喱牛腩猪扒包冻奶茶蜂蜜巨人多士

标签: 朋友聚餐休闲聚会

交通停车: 有

09-04-13 21:47
|
回应
|
送鲜花(5)

萨莉亚意式餐厅(石牌店)

广州天河区石牌东路139号2楼(近阳光都会)

Ferrariho
口味:1
环境:1
服务:1
人均:￥30

做附近学生生意多吧，日头有几款优惠套餐，D PIZZA整得不过不失，蜗牛都整得唔错，不过其他好似就无咩特别啦，不过呢度价格算低，所以见到好多学生来帮衬。
环境一般，几快餐既感觉。

推荐菜: 蒜香蜗牛 pizza

标签: 休闲

09-04-13 21:41
|
回应
|
送鲜花(4)

珍伟猪肚包鸡(黄石店)

广州白云区白云大道北35号(近外语学院)

Ferrariho
口味:2
环境:1
服务:2
人均:￥60

中意同屋企人一起来，最紧要老人家开心！
上次一围台加左2只猪肚，食到D小朋友都乖乖地系度咬猪肚同鸡肉，唔会扭计周围走。呢度既猪肚包鸡系唔错既，猪肚咬感适中，入面D鸡肉都几嫩，当然啦，如果个汤底唔得，味道都唔会甘好啦！
平时唔系一家大细来食既话，叫一只猪肚，2份菜干同菇仔，都差唔多好顶肚咯。
呢度停车又方便，门口大把位。

推荐菜: 猪肚包鸡菜干

标签: 朋友聚餐粤菜

交通停车: 有

09-04-12 11:51
|
回应
|
送鲜花(4)

松风轩

广州白云区白云大道南1128号白云山明珠楼游览区(近黄婆洞水库)

Ferrariho
口味:2
环境:2
服务:2
人均:￥75

来呢度，就梗系要食草芥鸡啦！肉质鲜嫩，加D芥末，清新醒神。
系白云山入面，有时候夜D上来，车都要泊到鬼甘遥远，吹下山风，食下野，几写意！红油肚丝凉拌菜，都OK。
呢度既出品都几OK，环境又好，可以带美女来，又可以请客食饭。
上山唔该俾埋部车既入山费~~

标签: 露天位粤菜休闲商务宴请

交通停车: 有

09-04-13 21:28
|
回应
|
送鲜花(4)

大班燕窝粥城

广州天河区天河东路15号(近体育东横街)

Ferrariho
口味:2
环境:1
服务:1
人均:￥40

今日有D感冒头晕身兴，想食D粥。过左来，发觉有D特价燕窝同燕窝粥，小朋友要左个红枣圆肉燕窝粥，自己要左个鲜虾青养粥，一份鲜虾茄子焖伊面，一个大裹蒸粽。
个燕窝粥，23蚊，反正燕窝碎铺面头，直径唔超过6CM。试左啖，枣肉唔系好多，不过D圆肉味道几好，料都算足，米当俾小朋友滋润下咯。
鲜虾青养粥，次次都会点既，中规中距。
鲜虾茄子焖伊面，亦系必点，但系今晚D伊面焖得未够透，伊面D汁就整得几够味，咸度适中。
裹蒸粽，入面肥肉溶得好味，D豆又整得好淋，仲好多豆添！

埋单81，可以报销停车票5蚊，不过系附近几间停车公司D票先得~

推荐菜: 鲜虾茄子焖伊面

标签: 夜宵朋友聚餐

4图片