dn0angelly的点评_点评时间_

排序:点评时间点评(173 )

广州越秀区较场西路16号麦当劳南侧

dn0angelly
口味:1
环境:1
服务:1

之前去过江南大道中果间，觉得味道还算不过不失，so今日上来试试，
点左个芝士海鲜焗意粉，上菜慢就算啦，味道认真麻麻~~~蘑菇酸既···白汁完全系少到剩系上面果部分意粉有覆盖到，下面既意粉完全无味，而且仲非常硬。海鲜不多，带壳既虾系菜单图片先会有，实物系唔会有既，只有2只虾仁仔，青口一只，鱿鱼几块，最多就系红椒同洋葱。
原本我都几饿，但系呢个意粉我食唔晒~~唔系它大份，而系唔好食···虽然唔多贵，29元。
另外，入面有wifi，唔使密码，速度一般啦，最后埋单仲要想找错单比我，好在我精明~~可以开发票，不过就算你写埋电话号码比他，都唔会同你录入埋~~~

餐厅氛围: 随便吃吃

餐厅特色: 无线上网有下午茶

1图片

12-05-19 19:30
|
回应
|
送鲜花(1)

东张西望云吞面世家

广州越秀区德政中路287号

dn0angelly
口味:1
环境:1
服务:0
人均:￥8

今日去第二次了，第一次去觉得还可以，面够爽，云吞虽然并非正宗粤式味道，但系胜在材料都算足。一碗细既云吞面8元，入面只系得3只云吞，汤比较咸。

不过今日去就非常不愉快了。
我要左一碗细云吞面，8元，我比张10元，找回2元，我就罗住个牌号稳位坐低等，直到我坐低后，个收银突然同我讲，叫我换过一张10元比她。我觉得非常不可思议，你如果觉得钱有问题，应该系当时就叫我换，宜家我点知你果张10元系咪我原本果张嘎？！再讲好多柜台都会写住：钱当面点清，离台不换。
我同她理论，她就死话一路都有同我讲张钱有问题，又话问我有无用过张银纸之类。废话！用过呢张10元仲会响我手度比你咩？抑或系你有记得经你手出去既银纸号码，睇下几时会重新回到你手中咩？！
我本来真系好唔想换比她，但系一霖到呢度系食野既地方，万一d云吞面“加料”点办？！！到时上吐下泻既话，付出既代价远远唔止呢10元。所以我只能换比她。

换比她时我问她一句：如果换转系你找比我既钱有问题，宜家我叫你换，甘你换唔换比我？！
她即时无声出~~~霸王条款由此可见。

最后行出门口先发现原来有监控，早知就叫她调监控出来睇，如果张钱系我既，我换！唔系我既，唔该只死猫你自己食~~~

ps：最后果张她觉得有问题既10元，我响7仔买水顺利用左，完全毫无疑问~~

总既来讲，味道方面还算可以，但系态度就好麻麻了，提醒各位以后消费，到呢间店一定要注意，钱银要留心~~~

推荐菜: 蟹子鲜虾云吞面

餐厅氛围: 随便吃吃

3图片

12-05-19 19:19
|
回应
|
送鲜花(1)

乐烨时尚火锅

广州天河区天河路299号时尚天河商业广场香榭丽美食区DC015铺(近体育中心)

dn0angelly
口味:1
环境:1
服务:1

【点评团消费】

团购既套餐，同妈妈2人去试，地点其实我觉得几难稳，不过只要稳到香榭区就会比较容易稳到它，人比较少，可以讲呢个商业城都好少人，分量都ok，2个人食都饱既，
- 牛肉（1份，价值18元）感觉上唔多新鲜，几老，不过可以讲明无放d咩添加剂之类
- 潮州牛肉丸（1份，价值18元）好爽口弹牙，可以讲最好既一样野
- 虾（1份，价值18元）雪虾，非新鲜，不过好正常。
- 鱿鱼须（1份，价值12元）分量够
- 蟹柳（1份，价值9元）同一般既差唔多
- 玉米（1份，价值6元）无-换左木耳
- 面筋（1份，价值6元）无-换左生菜
- 海带（1份，价值6元）无-换左豆腐
- 米饭（2位，价值4元）因为够饱，无食
- 酱料（2位，任选，价值6元）酱料就几多款式，虽然我最中意都系蒜蓉酱油。
- 饮料（2位，畅饮，价值6元）只有三种，葡萄，橙汁，苹果汁，
总既来讲，呢个价位算ok，不过味道就唔好太过期待有惊喜了。
另外中可以wifi添。

推荐菜: 潮州牛肉丸

餐厅氛围: 朋友聚餐家庭聚会

餐厅特色: 无线上网

4图片

12-05-14 19:53
|
回应
|
送鲜花

椰皇饭店(解放北路总店)

广州越秀区解放北路960号越秀天安大厦2楼(近越秀公园地铁站A出口)

dn0angelly
口味:2
环境:2
服务:2

【团购点评】

拉手既团购：仅售59元！市场价109元的椰皇菜馆（解放北路总店）情有独钟四人下午茶套餐1份：椰皇虾饺皇+千岛酱凤爪+健康小麦包+红豆蛋挞+农家艾糍+豆豉鲮鱼蒸陈村粉+虫草花文昌鸡粥+越式春卷+茶位

四人餐就估计唔够食啦，三人都比较少啦···不过味道都唔错，分量唔会缩水，特别系虾饺，真系好多虾，好弹牙，就系蒸得耐左d，个皮有d黐底。

环境同一般茶楼差唔多，正价都系最贵15元一笼，最平貌似6元。茶位稍贵，4元一位。不过服务员虽少，但系都可以及时斟茶递水。

地方处于盘福路与解放北路交界处，地铁2号线越秀公园站出来行10分钟唔使就可以到。
ps：出来之后发觉有个优惠，貌似系早茶及下午茶可以全单八折（免茶），可惜唔记得问下d服务员详细情况。唔知系真唔系？~~

推荐菜: 虾饺

餐厅氛围: 家庭聚会

餐厅特色: 供应早餐有下午茶

3图片

12-05-07 19:17
|
回应
|
送鲜花

江氏美容馆(海联路店)

广州海珠区海联路357-361号

dn0angelly
效果:1
环境:2
服务:2
消费:￥78

【点评团消费】

又系团购，呢次无宝岗店，所以就拣左间睇落似离我最近既海联店，but其实好远嘎···居民区入面，864总站附近。
环境都ok，手法就稍微有点麻麻了，比较痛啊····而且清痘痘又清得唔系好彻底，黑头话唔使清窝··修眉仲要唔小心夹亲我眼皮添···最后修完等于无修过甘。
不过整套做落来都系无咩偷工减料既，2个半钟上下。出来之后都无咩点sell。

12-05-01 18:03
|
回应
|
送鲜花(1)

越潮栈

广州越秀区文明路8-10号宝升28商业大厦夹层(近潮楼)

dn0angelly
口味:2
环境:2
服务:2
人均:￥60

今日同阿爸阿妈一起去，可能系因为清明放假结束，12点去到，居然系第一个客人，到我一点半食完走人，连埋我地呢一台，都只不过系3台客人而已。可见中午实在生意惨淡····
点左个芝士火锅，55元锅底，咩都唔包，另加茶位2元一位，酱料3.5一位，呢d都系必须要收既。
再加一份肥牛，一份腐皮卷，一份手打牛肉丸，鳕鱼三宝丸，一份河粉，三个人已经好饱了。
味道方面，觉得原味芝士锅无松露芝士甘浓郁，芝士味稍淡，肥牛唔多新鲜，其余既都ok。不过芝士火锅会比较腻，so，食少少就会觉得好饱滞。
问题来了：
1、楼下大大个广告写住火锅午市8折，不过问d服务员就话无·········虚假啊·········
2、一上菜果份鳕鱼三宝丸就少左一粒，我问他先同我换翻一份，提醒各位如果去消费，一定要睇清楚图片上面有几多野，同上菜既分量有无差别~~~
3、埋单既时候话四舍五入啵，不过除非打折，否则都系会“5入”罗，后来我话呢个系霸王条款，她就比翻5毛··········老实讲，我觉得摆明就唔应该收我啦···
4、并非无烟酒楼，有人食烟系唔会制止既，连无烟区都无设一个·········
5、虽然有wifi，不过完全系连到但上唔到······无鬼用~！！！

推荐菜: 芝士火锅

餐厅氛围: 朋友聚餐家庭聚会

餐厅特色: 可以刷卡

12-04-05 16:14
|
回应
|
送鲜花

江湖新概念烤肉

广州越秀区吉祥路1号动漫星城F1004铺(近麦当劳)

dn0angelly
口味:0
环境:0
服务:0
人均:￥28

呢间简直系黑店~~昨日中午睇见系新开张，又无咩人等位，霖住试下新啦，于是就踏入“江湖”。

点左2个餐，一个系蒜香鸡扒简餐and一个白汁培根通心粉。加12元罗左2杯所谓既茉香奶茶安定“大侠奶茶”。

点知等左半个钟都未有上菜，隔离台迟我起码10分钟落单都已经差五多食完了。于是就催单。

结果个店员罗左张小票走去催单后就一去无回头，再问先知原来连单都未落。当时都未醒起有咩唔妥，（无落单何来有收钱既小票呢？？？？）

就继续催单，最后先上左2杯奶茶，超难饮！！！隔夜茶叶冲出来d味道都浓过它！！无茶味！无奶味！甚至连甜味都无！！！咩茶来噶？？绝对接受唔到罗！！

于是叫经理出来处理，经理既解释系她既热奶茶系糖与茶分开既，so再比几包糖我，我真系唔甘再饮！！

唔系我小人，而系d味道太似将d饮剩既奶茶再加水冲稀既感觉了~~~

最后经理答应退奶茶既钱，本来以为都已经结束啦。点知转头翻过来同我地讲我地未比钱！！真系超过分！！

呢间店系先付后食，比完钱后就会比张小票同一张号码牌，之后等店员按照号码牌上餐。

我张小票系催单果阵比她罗走左，好在号码牌仲响度，我指住号码牌问她：如果我未比钱，你会比张号码牌我咩？？她就话系统稳唔到张单。所以就话我地未比钱。

嬲s人了！！甘都得既！！我即刻表示你完全可以报警，我就等警察来调查处理睇下我有无食霸王餐！！！

最后个经理查完后话系他们既失误，so退翻奶茶钱就sorry前sorry后甘道歉！不过以后想帮衬都无可能！

至于问罗发票系无既，最后我强烈要求下先比左张收据，上面个章重要系非公章！！

甘既店铺，大家考虑下去唔去啦~~去既话小心肠胃而且保留好已比钱既证据，如果唔系分分钟人地话你食霸王餐啊！！！“江湖”险恶啊~~大家谨慎谨慎！！

5图片

12-02-27 13:39
|
回应
|
送鲜花

贝拉美容中心(华天店)

广州天河区龙口中路173号华天国际广场1楼(近华师地铁C口)

dn0angelly
效果:1
环境:3
服务:3
消费:￥58

【团购点评】

在千品网团购既套餐：专业皮肤测试-能量氧吧-香熏精油背部及肩颈放松-活机卸妆- 水润保湿洁面-水润保湿柔肤水调理-角质调理仪去角质-水分保湿软膜-经络舒压头刮-面、颈唤醒细胞能量按摩-手部六觉能量按摩-水润保湿柔肤水调理-活水能量水分面霜滋养护理-滋润养颜糖水、花茶。盛惠58大元。地方唔多好稳，出左地铁口仲要打电话问先到。
环境就真系唔错，可能因为我地系约上午，无咩人，接待都好ok，先去沐浴，有丝质睡袍and纸内裤比你换，换完后就去做干蒸，干蒸既温度系50度左右，有电视广播听，入面d设计比较特别，有张太极图案既地毯，不过地毯上面系有一颗颗既小圆石，可以做脚底按摩。环绕全室既木凳上面有特制既颈位，上面一样有小圆石，可以按摩肩颈部位。几舒服下。
do完干蒸就做其余疗程，手法神马的都可以，力度稍微大左少少，唔会特别有咩特色罗，产品就据闻系瑞士出既，做既过程当中都有少少sell，不过完全无理她，最后既手部按摩就真系好求其了。maybe系因为我地都无兴趣去继续开卡吧。
最后就由店长接待，仲有一份糖水添，对于中午时分尚未食午饭既我地来讲，简直系山珍海味啊····店长sell得唔系好厉害，可能同我讲话睇紧皮肤科医生and住得远有关。anyway，总既来讲最后都系ok既，甘既价钱。

宜家有个套餐系799做3次3个项目再加一个全身既，不过我就对呢个价钱唔多感兴趣啦。当然地方太远亦系一个重要原因。