anniki

排序:鲜花数点评(89 )

大禾寿司(惠福东店)

广州越秀区惠福东路608-610号1楼(近永汉电影院)

• anniki
• 口味:3
• 环境:2
• 服务:2
• 人均:￥35

寻晚上完个培训课都已经差唔多八点半啦，见横掂未食饭又差唔多到九点，就提议去大禾食寿司~好耐无食过啦~好挂住~开头谂住去西湖路果间架，但系后尾都系决定来呢间，因为我贪距新装修，又未来过，哈哈~

我地一行两人大概九点10分去到，前面已经有52个号派左出去，我地排53，不过已经叫到40号，所以我地决定等~因为派筹姐姐话大概等20分钟就OK架啦，点知一等就等左成半个钟，唉~算！睇在个派筹姐姐都几好倾嘎份上~

入到去先知道原来呢到都几大下（相对西湖路来讲），有二楼同三楼且都设有卡座！我地坐左响靠窗边的卡座，舒服！有专人斟茶递水，又可以落ORDER叫服务员帮手拿野食，正！

不过，宜家半价的品种就无规限啦，唔似得以前全部都可以半价！不过品种都OK，最紧要味道始终如一，同之前我点评的某间日本料理出品的寿司比简直好到无得弹~就连芥茉都靓D！

一句讲晒，一定会再来！亦都推荐大家去品尝！

推荐菜: 三文鱼寿司  吞拿鱼沙律寿司  棒棒虾手卷  鱼扣

标签: 朋友聚餐  情侣约会  日本菜

• 08-07-09  更新于08-07-13 22:53
• |
• 4回应
• |
• 送鲜花(10)

必胜客(东峻广场店)

广州越秀区东风东路836号东峻广场西塔1楼(近广之旅)

• anniki
• 口味:2
• 环境:2
• 服务:1

寻日响呢附近做完野都已经下午四点几啦，见有少少肚饿，就入左来呢间店到饮下午茶~因为听朋友必胜客的下午茶餐都OK嘎~但系食完之后有小小失望咯~

首先我觉得环境系无懈可击嘎，可以系因为呢到附近都系写字楼的关系啦，又碰岩星期六同下午时段，所以都比较少人！而且我觉得呢间分店的环境都比较宽阔~

再来睇下个餐牌，其实都唔平，最平果个下午茶餐都要25蚊，最贵果个就要成35蚊，都只系包一杯饮品同一样小食~哇！甘如果两个人各叫一份茶餐甘咪即系等于食餐饭甘贵！咪啦，谂下都差唔多五点，各叫一份仲使食晚饭嘎，都系两个人食一份啦~横掂饮品可以免费续杯嘎~于是我地就点左个C餐，香浓奶茶加浓香鸡翼~后来我地计一计，比散点平左5蚊而已

杯奶茶好快就上啦~一睇，吓？！乜用立顿红茶包冲嘎咋？再加D奶就算，认真求其！要知道杯奶茶收成功16蚊一杯架，收甘贵俾杯甘嘎奶茶我，真系无眼睇~真系大X乐都好过距~仲要唔使甘贵添~

至于个浓香鸡翼嘛，都几好味，就系贵左D~成24蚊碟先4只~赚死距~

最后讲下D服务，本来我都觉得OK嘎，一入门口就有专人负责带位，上菜速度又可以！点知埋单果阵个服务员（此服务员不同于一般服务员，系着黑衫架）找完钱俾我地就算啦，一句多谢都无，都唔知道百胜点样培训D员工架~我朋友话呢D系人嘎素质问题，唔关必胜客事甘喔~

推荐菜: 浓香鸡翼

标签: 朋友聚餐  下午茶  休闲

2图片

• 08-08-10 12:15
• |
• 4回应
• |
• 送鲜花(9)

颖丰泰国菜馆

广州越秀区惠福东路531号(近北京路)

• anniki
• 口味:1
• 环境:1
• 服务:1

前日朋友请食饭，第一次来呢到！以前都系经过，从来无入过去~

我地一共点左五菜一汤，冬阴功海鲜汤、香菜煎蛋、泰式通菜、猪颈肉、咖喱牛柳、卤肉（我都好奇怪朋友点解会点过甘嘎菜，呢到唔系食泰国菜嘎咩？不过D味道都可以播！）

首先，讲下个冬阴功海鲜汤，其实味道都可以，就系辣左D咯！最搞笑嘎系，我朋友点菜果阵居然唔知个汤系辣嘎，距以为系海鲜汤，真系俾距激死~至于香菜煎蛋其实同普通煎蛋无乜分别，只不过多左碟类似辣椒酱的物体俾你点来食甘解姐~猪颈肉同咖喱牛柳都比较中规中矩，但系泰式通菜就咸左D啦~

我都系比较中意食大头虾同越茗苑多D咯！！！！

标签: 东南亚  可用信用卡  朋友聚餐  情侣约会

• 08-08-09 21:29
• |
• 3回应
• |
• 送鲜花(8)

东兴顺酒家

广州越秀区中山四路778号(近农讲所地铁站B出口)

• anniki
• 口味:1
• 环境:1
• 服务:0
• 人均:￥53

TOTAL来过两次，第一次同同事来，第二次系北京奥运开幕式果晚与一班朋友聚埋食餐饭！第一次的印象有D模糊！第二次就好清晰，因为好好记！！1

先介绍下间餐厅，响正农讲所B出口，门前就有公交车站，地理位置非常好！以粤菜为主打，大厅环境有D吵，包间还可以！但重庆房略嫌迫左些少！

可能由于适逢开幕式，餐厅比往日少人，但都基本坐满！只系可能唔使点等位而已！又可能我去得嘎时候都未够六点（因为公司提前放人的关系，嘻嘻，臭美臭美）！

话说，我地一行14人包左间房，都坐得比较亲密！点左几多个菜我就真系唔系好记得，反正觉得味道无乜特别！印象比较深嘎有：所谓的招牌菜水晶鸡68蚊只，认真麻麻！猪仔包，得个样好睇，里面D莲蓉馅仲差过我地平时响街边买果D莲蓉包！流沙包，都可以甘啦，相比起猪仔包，好食得多！清蒸多宝鱼，68蚊斤，斤六两108蚊，但系味道就认真唔掂！一D都唔新鲜！仲有个客家豆腐，我地前后点左两个，都几好味！好似仲有个盆菜，一D都唔好食！总之埋单一共736蚊，贵到晕！一D都唔值！

最后讲讲D服务，真系好唔掂！其实我地包房无非都系想睇奥运直播，点知食完饭埋左单到我地离开期间，都唔知有几个服务员入来同我地讲话饭市只到九点，如果我地要继续睇就要开张夜茶单，我地问有无最低消费？距话有最低180。算，我地出厅睇咯！点知，睇睇下，唔知边到行左个阿叔出来话要关电视机喔，真系多得距唔少！我其中一个朋友好激动甘问距有无爱国热情，吓得我啊！最后个阿叔都系好唔甘心甘行开左。原本以为事情告一段落啦，点知又有个部长行埋来话我地无消费（开夜茶卡），又坐响到睇电视，阻住距地收工！（声明：距地写明到夜晚12点架嘛，果阵先11点松D）真系一肚气，睇完李宁点火后即刻走人！

推荐菜: 流沙包

标签: 粤菜  朋友聚餐  老字号

• 08-08-10 13:36
• |
• 4回应
• |
• 送鲜花(6)

高山流水酒家(黄花岗店)

广州越秀区先烈中路92号黄花岗文化广场5楼(近黄花岗剧院)

• anniki
• 口味:1
• 环境:1
• 服务:0

来过呢到饮过一次早茶，感觉麻麻！

首先环境一般，台台凳凳D色好旧，铺地面的地毯仲旧，旧到烂左一个窟窿都照样无人理，照样用来招呼客人~弹

第二由于星期六日的关系，好旺！但系服务员人手就明显唔足，我地坐房间嘎永远都唔会有人来帮你换骨碟、加水，就算来好声好气叫服务员来都无人理，讲距两句，仲要发晒我地脾气！真系顶距唔顺~弹

第三出品一般，比较少选择！而且碟头一般~但系都好多人食咯~

总之一句，认真麻麻！

• 08-07-09 16:39
• |
• 2回应
• |
• 送鲜花(6)

蒙地卡罗(时代国际店)

广州越秀区东风西路187号时代国际大厦1楼(近人民路)

• anniki
• 口味:2
• 环境:2
• 服务:2
• 人均:￥53

第一次来呢间分店，感觉好好！环境大，人少，相对安静！服务好，出品又唔错~

去果日系星期三晚，可能附近以写字楼居多的原因，晚上较少人！六点几去到仲可以拣位坐~

呢到套餐多多，有饭类、意粉类等任君选择~而且份量都OK，唔会太少~至于价钱，感觉上比绿茵阁贵，但环境安静呢点已经足以加分啦~哈哈~

听朋友讲，下午茶餐好抵食，有机会下次再去试试~

值得一提嘎系，只要响呢到消费满150蚊就可以免费停车两小时~而且车位充足~唔错唔错~

标签: 西餐  朋友聚餐  情侣约会  商务宴请  休闲

交通停车: 消费满150元可免费停车两小时（负一层）

• 08-08-16 14:13
• |
• 回应
• |
• 送鲜花(6)

肯德基(时代新都会店)

广州白云区远景路172号时代新都会1楼

• anniki
• 口味:3
• 环境:1
• 服务:2

寻晚加班加夜左，突然间好想食KFC的鸡翼~于是就来左呢间分店食啦~

我用学生卡点左个餐（九珍果汁同新奥尔良烤翅），再加点原味鸡一块，正！

九珍果汁酸酸甜甜够开胃，烤翅辣得来又好好味播，再食埋原味鸡，简直系人生一大享受！（虽然好多人都话呢D系垃圾食品，BUT久唔久食一次都无坏嘎）

推荐菜: 新奥尔良烤翅  原味鸡

标签: 快餐  休闲  小吃

2图片

• 08-08-16 17:10
• |
• 回应
• |
• 送鲜花(6)

矿泉游泳场

广州白云区三元里大道497号(近北站 6月份营业)

• anniki
• 人均:￥0

上周六第一次去，感觉非常不好！环境脏、服务差！特别是水质~现在回想起来都想吐

门票15元/人，一个字，贵！本来是觉得还可以接受的，但是进去之后就觉得这15元一点都不值！

进去以后发现这里共有四个泳池，两个浅水池，两个深水池~

周六人多其实是正常的，但水质很明显是一整天都没有换过水了，混浊得不得了~还有一股咸味，最难受的是居然有人直接在池里吐口水，还有烟头！整个人满为患，只能游一段停一段，真累！后来发现了有个水球馆是室内的，但要进去得再加5元/人，真像土匪！在购门票的时候都没有标示有水球馆这一室内泳池，进去了还想再敲一笔~真离谱！

结果可想而知，很快就走了！以后就算是贴钱给我，我都不会再来了！

PS：如果要在这里停车是有地方的，不过除了门票外还得另付钱哦~

标签: 游泳

• 08-08-23 16:30
• |
• 回应
• |
• 送鲜花(6)

巴蜀轩

广州越秀区中山五路219号中旅商业城5楼(近北京路)

• anniki
• 口味:1
• 环境:2
• 服务:1

TOTAL来过呢到两次，一次炒菜，一次食火锅~感觉火锅好食过炒菜~

呢到每个月会分时段推出特价菜，每期三款~当时就系冲住距嘎特价菜先来呢到食炒菜类嘎~
我地一行四人点左两个特价菜（酸菜鱼、水果海味锅粑）同宫爆鸡丁，仲有个唔记得咩菜啦~
感觉麻麻，酸菜鱼唔正中，锅锅粑味道可以，鸡丁简直难食，份量少得惊人~

环境其实系可以嘎，或者我地唔识点菜啦，总之觉得味道好麻麻！仲要唔系平！我就宁愿食距地嘎火锅啦`

推荐菜: 古法水煮鱼  三鲜锅巴

标签: 川菜  火锅  朋友聚餐

交通停车: 地铁一号钱公园前站

• 08-08-16 13:41
• |
• 回应
• |
• 送鲜花(5)

水绿方(解放北路店)

广州越秀区解放北路598号

• anniki
• 口味:1
• 环境:1
• 服务:2

留意左呢间店好耐，一直都好想试下，今日终于都啲起心肝试啦！

呢间店开正响车站旁边，应该好好生意至系架！但系我留意左距甘耐，见距成日九点钟左右就关门，有时仲要八点钟左右经过都系甘。。。呢个亦都系点解我留意左距甘耐都未试过嘎原因啦！

水绿方系以现泡饮品专卖店，打的口号系水意东方、自在观饮、来自台湾现代茶饮文化，以现代人文茶饮吸引顾客。呢到的饮品主要分为品鲜茶、嚼奶茶、喝健康同埋醇奶茶几大类，从3蚊到9蚊不等，任君选择。

我点嘎系醇奶茶类别中的水绿方奶茶，中杯500CC5蚊。但系我就感觉唔到距D茶有几好饮啦~首先甜到死，好似D糖唔使钱甘。再来5蚊杯响DKS都可以有珍珠啦，呢到无！只不过系茶量多左少少而已！唯一欣赏嘎系D茶味都可以~唔会好似有D店甘为左赚钱，俾D唔知咩茶包或茶叶去冲D劣质茶出来~

至于环境同服务，感觉服务比环境好少少！

值得一提嘎系，呢到会有张集点卡俾你！每消费一杯即可获得印花一枚，积够5点可换3蚊的饮品一杯，10点可换4蚊以上7蚊以下的饮品一杯！但系可惜唔系全部分店通用~

标签: 休闲  饮品

• 08-08-16 13:29
• |
• 2回应
• |
• 送鲜花(5)