fish_wy的点评_点评时间_

排序:点评时间点评(199 )

广州天河区天河南一路六运二街29号

fish_wy
口味:2
环境:2
服务:3
人均:￥50

好似最近一次换老细之后，都无人来点评过喔！
店面装饰红得好好FEEL，好在又唔会纸醉金迷咁俗气既FEEL。
店仔虽然唔大，五脏俱全。
老细同水吧弟弟都好好人，服务好好，无论对生客定熟客。个水吧弟弟仲几靓仔添！(*^__^*) 嘻嘻……
我好抗拒去果D乌烟瘴气，又或者人声太过鼎沸，烟酒味剧烈既地方，但系呢度我好接受，清吧CAFE，可以同朋友坐落饮下野，倾下，唔中意玩骰盅，仲可以问老细拎层层叠玩，几过瘾啊，咔咔！
饮品，自己既酒精承受力太低，只限于低度cocktail啦，有D名睇落好好听，但系可能好keng噶！苏格兰冰酒就几好味，惊酒精重可以叫调酒师落最少酒精分量。
中意呢度有朋友既感觉，都适合情侣来噶~
最中意入门左手张台，因为唔使有邻居，哈哈~

餐厅氛围: 情侣约会朋友聚餐休闲小憩

餐厅特色: 无线上网有露天位

交通停车: 附近有小区可以停车，收费

10-02-07 12:15
|
4回应
|
送鲜花(2)

柏悦酒家(锦轩店)

广州越秀区农林下路4-6号东山锦轩大厦2楼(电车总站对面)

fish_wy
口味:2
环境:2
服务:2

今朝岩训醒觉，就听到大姑妈打电话来，叫中午过柏悦食饭~
好，等我参观下传说中既鹅肝专门店~~
一家三口悠闲甘行到锦轩，上5楼。
距地包左房2间打通，2围人。
因为好多大姑妈D亲家亲戚，完全唔识，所以自己顾自己啦~~
房间环境唔错既~ 望到临街景。

凉菜表哥要左盐烧鲭鱼，仲有蒜泥白肉。
大姑妈食蒜泥白肉，比较失望~~我食左D，一般，味道唔够重。
鲭鱼，闻落好腥，我无食~我阿爸食左三分之一。。。
主菜，我记唔到甘多，净系记得有：
象拔蚌菇炒鹅肝，D菇好食过肝，D肝唔够香，不过够滑，但系略有膻味~~
烧味拼盘，D烧排骨唔错~
白切鸡，一般，鸡肉都嫩，不过无么味~
炒和牛，呢个我几喜欢，阿妈中意D大葱好味，我净食D和牛姐，肉质鲜嫩。
鹅肝煎软饼，咸咸甜甜，个软饼几好口感，糯香几重，入面D馅料就系鹅肝。
仲有个唔知咩炒鹅肝既，D人见到又系鹅肝，姑妈话，鹅肝专门店嘛~~（我记得系有4样菜都同鹅肝有关）
鹅肝豆腐，呢个唔错，香滑，加埋豆腐，捞饭好正。又唔会有膻味。
手打鱼腐，无食到精髓。
猪肚支竹煲，如果落多D胡椒应该好味D。
上汤白菜苗，都系淡味。
哦，头盘系每人一份粟米马蹄羹，合格。

净系记得甘多啦，服务尚算唔错。不过D人上菜报名报的太细声啦~~~
D菜份量都比较精致~~
总结来讲，我对鹅肝豆腐同鹅肝煎软饼比较喜欢~~鲜榨西瓜汁都好好饮。
埋单，表哥俾钱，唔知几多~~~

推荐菜: 鹅肝

标签: 商务宴请粤菜朋友聚餐宴请

交通停车: 有

09-07-19 15:11
|
回应
|
送鲜花(10)

望鸣轩酒家

广州越秀区三育路23号三寓宾馆1楼

fish_wy
口味:2
环境:2
服务:1
人均:￥40

大姑妈过来屋企倾偈，倾得太投入，7点几，我饿傻啦，终于老豆话出去食饭，呢个钟点，屋企附近，正常系呢度大把位，人少够静，可以继续倾！
于是行过来，呢间野其实转手过N次啦，名都改左好多次，不过出品一直来讲，都可以马马虎虎过关~
坐低，叫个经理过来介绍有么招牌菜，距话水晶鸡喔~系菜单上面就系望鸣轩真味鸡，OK，听你讲，要半只，45蚊~
跟住大姑妈一下见到卤水鹅肾，要啊！嘻嘻，因为美国无得食~~
经理又推介咩盐水浸皖鱼，特价18.8一条，哦，要咯~ 点解唔系粥水浸咧？
仲要左上汤南瓜苗。
仲有，铁板大肠啫田鸡，又岩晒大姑妈，总之美国无得好食既，距返来就系甘食，HOHO~~

起菜好快~
水晶鸡，我见隔离几台都有点，试左下，D鸡汁几OK，几香。
上汤南瓜苗，大姑妈话未食过喔，几好，D南瓜苗几爽口，我发觉大姑妈好可爱~~
皖鱼，我老豆话么甘细条，大姑妈话18.8，你以为有几大！系咯，头先经理话明系D瘦左身既鱼嘛~~~无么味，D盐水落左好多胡椒。
个田鸡，OK既，好多蒜子系入面，又岩晒姑妈同老豆。。。

埋单盛惠159.8。
我一直当呢度系偶尔方便既饭堂级餐厅，胜在环境够清静！其他就无么特别，性价比一般，不过好在次次点既菜唔系难食~~

标签: 粤菜

交通停车: 有

09-07-19 11:19
|
回应
|
送鲜花(7)

心悦概念餐厅

广州越秀区禺山路22号(银座广场侧)

fish_wy
口味:2
环境:2
服务:1
人均:￥26

上上个礼拜，angel返左来，话去北京路等，我又对仙记去到厌，距话来呢度，我话好啦，我都未来过~~
下昼时分，好少人，清静好啊，岩我同angel慢慢倾偈~~
睇menu，我一路睇，一路话，米好似同仙记好鬼雷同喔！嘻嘻~
不过，呢度芒果类好似好招牌菜，要左芒果布甸，意大利果个tiramisu，仲有个芒果班戟吧~
三杯饮品，2杯系柠檬茶之类，我唔记得啦-_-!!angel果杯好似系长岛冰茶吧~~~
芒果布甸，系几OK既，芒果味好浓郁，仲有芒果粒可以食下！
tiramisu，个造型几特别，味道，还可以啦~~
芒果班戟，伴碟果几滴芒果汁，比较酸~~
饮品，中规中矩啦~
呢度既环境相对仙记来讲，我觉得会舒服D，唔会甘局促，甘吵，唔知到食饭时间会点~~
印象还好，来北京路多左个选择~

ps 么点评卡可以用啊，上次唔知添~

推荐菜: 芒果布甸意大利芝士蛋糕

标签: 朋友聚会下午茶情侣约会

5图片

09-07-19 11:05
|
回应
|
送鲜花(8)

观景庭酒家

广州越秀区中山一路57号南方铁道大厦内(近拓业大厦)

fish_wy
口味:1
环境:1
服务:1

今晚师婆摆寿宴，其实只系简单一家人同埋我地一家三口食餐饭，同老人家高兴下~
选呢度，因为近师公师婆出入方便，年纪大啦~~

平时经过呢度，我都睇到上面D招牌价钱唔算贵~
今晚系大厅，叫左好多野，个水晶鸡几好，仲有几粒汤圆系上面~够晒团圆~
我都系偏好茶皇虾，不过味道淡左D。烧鹅就一般，唔够香，肉质一般。
个客家豆腐，无试到~
差唔多十个菜吧，仲有个五指毛桃汤，埋单貌似300几~~

对呢间野，无么意见。不过席间，服务唔可以话系差，但系有某几个过来收汤碗既服务员，我非常唔喜欢，讲野硬梆梆，好似命令我地递个碗俾距甘。行埋来，仲要系我后面，直接推下我背脊，话收碗。呢种感觉好唔舒服咯！

推荐菜: 水晶鸡

标签: 粤菜朋友聚餐

09-06-20 00:58
|
2回应
|
送鲜花(8)

巴喜阳光

广州天河区天河北路569号芳草园1楼

fish_wy
口味:2
环境:2
服务:1

琴日系度搞高中同学聚会，130几人，叫埋老师，非常热闹。大概占左三分之一既场地。
相识10周年，非常有意义。
所以，我去到食既动力并唔大，大家都系想见下同学仔姐~
12点去到，出边好多其他食客。我地有专门既区域。
不过转左一圈，发觉出品品种唔系好多，反而水果多，食左D糕点，感觉一般。
D烤肉，开始要左猪肉，好似周围评分都唔高喔，后来既鹌鹑肉，就比较受欢迎。

呢度环境好似略显狭窄左D。
不过几适合搞聚会，费用低。

标签: 自助餐朋友聚会休闲拉美

09-05-02 21:58
|
回应
|
送鲜花(9)

钱柜KTV(天河旗舰店)

广州天河区体育西路191号佳兆业广场B座1-4楼(近市长大厦)

fish_wy
总分:2
环境:3
服务:3
人均:￥0

琴日同学聚会完，又同同学D同事一起出来玩，呢间新开，环境当然无得讲啦~
而且有酒水超市，我地晚黑8点20开始入场，所以无自助餐，白开水免费供应，仲问左服务生，可以自带饮品食品，但系如果系酒精类饮品，就要收开瓶费啦，呢样野可以接受~
可能新开既关系，觉得呢度音质好过区庄店，而且歌都算几新。
琴晚系150蚊一个钟，套房，（即系带TOILET），如果系豪华细房就130蚊一个钟，（无私家TOILET）。
埋单既时候仲送左买三唱4既优惠券。
总体来讲，新店感觉唔错，符合钱柜一向水准。而且呢度地段好过区庄果度。

标签: KTV 自助餐

交通停车: 有

1图片

09-05-02 21:52
|
5回应
|
送鲜花(9)

品珍酒家

广州越秀区水荫路水荫直街20号翔云宾馆2楼

fish_wy
口味:3
环境:1
服务:1
人均:￥45

今天去亲戚屋企，难得国外返来，但又大病初愈，费事行好远，落楼就过来呢间食。
UNCLE点菜，土生鱼一条，两煮，煲汤同炒鱼片。
鹅肠，酸辣鱼皮，半只白切鸡，茶树菇焖带子，叉烧，蒜茸炒通菜。
5个人，265蚊埋单。
其实我觉得都好便啦~
平均水准唔错。

酸辣鱼皮，开胃，又唔会太刺激既味道。
鹅肠，我觉得唔算好出色，但系AUNTIE系花旗国无得食，返来食大赞好味~
白切鸡，不过不失，依然系AUNTIE既至爱。
茶树菇焖带子，我同阿爸，UNCLE都好中意，非常够味，焖得好香，带子又大粒！
叉烧，都几香，唔错。不过肉质唔系好滑。
通菜，普通青菜。
豆腐滚生鱼汤，一般啦，心理安慰一下做完手术既人。
炒生鱼片，我唔系太中意食鱼。

呢度7点之后都好旺下，应该都系街坊生意。
价格适中，环境都同价格几匹配。我觉得呢间野性价比都可以噶！

推荐菜: 酸辣鱼皮茶树菇焖带子

标签: 顺德菜

4图片