贡献值:692
社区级别:初三
所有荣誉>>
点评:500
商户:36
图片:28
用户信息:17
其他:111
1
90
4
一直想试下，咁啱果日朋友叫我食饭，就去咯。听讲五芝士pizza号食就叫咗一个，再叫咗个牛肉千层面。五芝士pizza真係好好食，芝士好多。夠唔夠五种芝士我唔知，我拿厚批，但好软熟，同pizzahut硬格格完全唔同。中间嘅蕃茄酱又好香。我食咗半个～～牛肉千层面都可以，D面好滑，份量好足，不过感觉就比pizza逊色D咯，特别係附送嘅沙律，落咗油同醋，好似馊馊哋咁味。服务就一般般了，我係二楼，D台好窄，后来仲要我移位比其他人坐添。不过pizza好吸引，下次会再去。
推荐菜: 五芝士pizza
标签: 情侣约会 朋友聚餐 休闲小憩 无线上网
吉之岛开咗之后带旺晒周围嘅经济咯，我地买嘢又方便，专卖店特价又可以快D知道，唔使去到天河城咁远。一有时间我就去逛，超级中意呢度。
产品都係唔错嘅，不过D工作人员就一般般咯。猛sale都无问题，但一D都唔专业。我話个杯唔够大，有肉走出来，佢竟然話个个女人都会咁咖啦。顶，咁你间舖可以執笠啦，人哋其他公司致力避免嘅嘢，你竟然大大声話正常。然后个试衣室的门是布帘，个sale係都要話入来幫我睇，我顶佢唔順叫佢入来，佢竟然打开近外面嘅布帘行入来，完全唔理顾客隐私，离晒谱。我問佢地拿店铺电话，佢竟然比佢自己嘅手机我，其他店员話，你个手机係长途喔，佢話无所谓啦。我当听唔到，反正我唔会打，也乜都无買就走咗。呢D服务，想人哋心甘情愿買，都好难啦。
推荐产品: 魅力女爵系列 玫瑰公主系列
【试吃/体验点评】
星期五突然收到点评嘅电话，话我知抽中老西关美食城嘅试食，哇，好开心啊，传统点心係我最爱哇！可以去到真係超级超级开心！我哋试咗以下嘅菜式，排名不分先后，嘻嘻：红豆糯米糍，呢个我好钟意，红豆我最爱，里面红豆好丰富，不算太甜，外面嘅糯米糍皮很薄，不腻，食起身好舒服。不过可能食得比较急（我承认我饿了），无认真品尝红豆馅嘅品质，下次一定会去试试。水菱角，呢样嘢我经常听妈咪讲起，佢话婆婆以前经常整比佢哋几姐弟食，所以我好期待。水菱角好滑，一咬即开，完全唔会比人粉头嘅感觉，好正！不过个汤就腻咗D，建议如果清爽D会更好。水牛奶蛋挞，哇哇，呢个挚爱，真係好香，水牛奶嘅香味好出，即使我唔係新鲜食，都觉得水牛奶馅好滑溜，下次去必點。姜埋奶，呢个我都好钟意，以前食過D姜埋奶，都会太辣，好难入口。但呢个完全唔会，滑得来好香牛奶味同姜味，可惜甜咗D，如果淡D会更加好。艇仔粥，粥好棉，上咗两份，一份係传统艇仔粥，两份唔同。可能我係一边食其他嘢一边食粥，感觉唔到味道太大的区别，但用料我觉得唔错，鱿鱼干有咬口而不韧，浮皮爽又无沙，中规中矩。红豆软饼，煎得好香，特别係外面嘅白芝麻，好香，不过红豆馅就少咗D，对于我呢个红豆控来讲，就不够了，哈哈。皮感觉上腻口咗D，改进下会更好。南乳咸煎饼，呢个可能係我对细个食嘅咸煎饼嘅味道记忆太深，呢个咸煎饼又加咗南乳，唔同咗味，所以觉得一般般。马蹄糕，呢个我都好钟意，好爽，有咬口，啖啖马蹄，嗯，钟意啊！萝卜糕，萝卜糕就稍嫌削咗D，唔够结实，但都好入口，味道唔错。菜心，食咗咁多嘢之后，食到两条咁num甜嘅菜心，会觉得好幸福，哈哈，所以我都好钟意。炸鱼皮，可能我唔太钟意D炸得太劲嘅嘢，一般般啦，不过即使炸过都食到鱼皮饺其实很鲜味，都算OK。总体来讲都几好啦，同其他茶楼嘅点心有好大唔同，食到D其他地方食唔到嘅嘢。最留恋当然係水菱角同水牛奶蛋挞。水菱角对于我来讲就好似找寻妈妈的回忆一样，而且今次仲可以亲手参与去做，真係非常难得嘅体验啊！
推荐菜: 红豆糯米糍 水菱角 水牛奶蛋挞 姜埋奶 艇仔粥 红豆软饼 马蹄糕 菜心
标签: 家庭聚会
13图片
係係东站店订嘅蛋糕，係大沙地提。但估唔到我竟然会大头虾到记错老豆生日，足足提前咗一个星期订，到提蛋糕嘅前一日先知道。再打过去，东站店已经关门了，第二日即刻打过去，开始話幫我截到咖，点知后来又話个蛋糕已经送咗出来啦，要問下其他分店要唔要版，如果实在唔认要就唯有错有错着，提前一个星期食蛋糕咯。点知隔咗一阵，东站店嘅店员就打比我，話个蛋糕幫我settle好咗，有分店要啊，我可以第个礼拜再去大沙地提，真係好多谢D店员啊。
推荐菜: 芝麻流心包 芝士流心包 奶黄流心包 吞拿鱼牛角包
显示最新条
