好吃女巫的点评_鲜花数_

排序:鲜花数点评(79 )

广州越秀区农林下路81号(近中国银行)

好吃女巫
口味:2
环境:2
服务:1
人均:￥30

老班长呢度留低我嘅脚印啦，哈！哈！昨晚，我同两个同事一起去食，点左浓香、清香各一笼，白云凤爪、凉拌豆苗、土豆丝、酱牛肉，最后就系一人一碗小米粥。
小米粥我尝试左咸甜两种食法，但系，都系觉得乜都唔落先至最好食。凤爪我都好仲意嘎！牛肉就普普通通啦，都好入味，花生唔错；土豆丝亦都过得去；豆苗就麻麻地啦，D青味去唔到，仲留系度。
小笼包出场啦！首先系浓香。一咬落去，麻油味就即刻出晒来，肉汁好浓，好好味！跟住系清香，味道相比起浓香，稍微逊色一D啦，但同样都要好好食嘅。至于包皮就干身左D，唔系甘岩广州人口味，有D黏喉。
一边食包或小吃，一边饮番啖粥就最好不过喇。既可食出食物嘅原味，又可以解左D油腻，唔错嘎！

推荐菜: 浓香猪肉包无骨凤爪凉菜小米粥

标签: 小吃老字号

08-08-19 23:55
|
1回应
|
送鲜花(4)

香港一哥云吞面世家(建设二马路店)

广州越秀区建设二马路1号102档(近建设六马路)

好吃女巫
口味:2
环境:1
服务:2
人均:￥12

早就听讲过呢家的云吞面好正,但系直到上星期先有机会去食。
一入到去就见到好多人，听讲每日中午都系甘旺！仲成日要等位添！可能我早去，刚好有个卡位空左出来唔使等。点左个大云吞面，都好快有得食。份量我认为一般女仔都OK啦，有五粒云吞同碱水味唔太重的面；面汤有D浓，但连埋D面一起食就岩岩好。云吞馅唔再系传统的鲜虾猪肉，而系为左丰富口感特别加入蟹籽嘅，味道好够，净食就最好味。缺点：每碗面无两~三条青菜，营养唔够均衡。
有待改进！

推荐菜: 鲜虾蟹子云吞面

09-02-25 23:53
|
回应
|
送鲜花(3)

10.2

广州越秀区惠福东路605-609号

好吃女巫
口味:2
环境:1
服务:1
人均:￥50

是第一次去食的，之前D朋友试过觉得唔错所以介绍我去试下。点左个鸡扒饭，分量对于一个女仔来讲，真系浪费粮食啦！我食剩一半D饭，真惭悔！睇来店家要分分量大小来定价啦，哈哈！讲番个鸡扒饭，有D油腻感，唔太健康；蔬菜味道淡，试当可以加番D盐；配饭不合理，太多啦！不过比起仙仔好好多啦，听讲距升价喔！多D帮衬10.2啦！

推荐菜: 焗葡国鸡饭

标签: 朋友聚餐休闲

08-04-27 22:13
|
3回应
|
送鲜花(2)

竹风台湾风味餐厅

广州越秀区北京路一街238号天河城百货7楼7008号铺(近文明路)

好吃女巫
口味:2
环境:2
服务:2
人均:￥18

寻晚同同事逛街，临时起意话去北京路天河城七楼食野，先发现有间食台湾料理的。铺头主管好热情，于是就入去试试。
由于唔想食饭，SO点左牛肉面套餐。面都几大碗，面汤清清的，唔系好浓，我觉得几岩我自己；面有D似手工制的，系宽面；牛肉都唔少，有四五件，件头唔算好细，牛肉本身都好入味，好似系坑腩。除左面之外，一份餐仲配埋一杯甜麦茶、一份卤豆腐（各人口味!我认为一般）同一份咸菜（我认为系雪菜）。
另外，扒类系餐厅重点推介，比外面西餐厅要平，有机会要试试。

推荐菜: 牛肉面

09-02-26 00:17
|
回应
|
送鲜花(2)

绿茵阁(环市东路店)

广州越秀区环市东路329号(近广东电视台)

好吃女巫
口味:3
环境:3
服务:1
人均:￥50

而家全线做紧特价优惠:上午11点至下午2点有特价炖汤12蚊、特价肉眼扒28蚊，其他唔乜印象（皆因无点）。
同同事纯粹一时见到宣传单，就觉得唔错喔！绿茵阁咁抵！于是就心动不如行动。
入到去餐厅人唔算好多，唔使等位，我地拣左个角落位坐（倾计方便嘛，唔会吵到其他人）我地点左特价汤同特价牛扒，仲有芝士焗西兰花。
系我嘅角度睇：一间本地出名嘅西餐厅都会有失准嘅时候，真系要好好改进一下啦！
12蚊款汤唔值！材料唔差嘎，就系好似有D偷工，汤味淡如水（唔加盐的话）。
芝士焗西兰花：讲白D就系焯熟左西兰花后捞D白汁再加几块细到唔细嘅（唔知系咪好贵嘅）芝士。
牛扒系肉眼扒，听讲话呢个位置D牛肉做扒系好合适嘅！我个两位人兄嘅牛扒好快就上来啦，一早就食饱饱等我。我果份足足等左几乎半个钟先上来，有够慢的！餐厅解释：某个环节搞错左。见到佢系件牛扒度增加左少少份量同加左D新鲜嘅配菜就算啦！牛扒同黑椒汁果然系最夹嘅！食完呢餐，个人好满足啊！就嚟要变食肉兽啦！嘻！嘻！

推荐菜: 扒类

标签: 西餐朋友聚餐

09-03-10 21:32
|
回应
|
送鲜花(2)

呃饮呃食(滨江西店)

广州海珠区滨江西路270号之1铺(近海珠桥脚)

好吃女巫
口味:3
环境:2
服务:2
人均:￥50

就因为睇左呢度D点评促使我系岩岩开始冻果日特意来到呢度食火锅！
我地点左个最多人点噶——胡椒猪骨煲，同埋要左手打墨鱼丸、黄牛肉、牛舌同海带节。虽然就呢几样，但系我地都已经食都耳仔“育”，真系好好味嘎！
D汤底系真系落足材料：有胡椒味，但唔会呛走猪骨D味。除此之外，个煲本身里面仲有好多料：有粟米、鸡脚、马蒂、芹菜。D鸡脚值得一赞，煲到入晒味不得止，仲有就系好淋滑。距地D粟米系甜粟来嘎，煲左好耐都仲好好食！牛舌，千奇唔好浸得太耐，如果唔系就唔好食，变得好韧嘎啦！因为切得好薄，所以要好似涮羊肉甘，系大火的时候涮三四就OK嘎啦！海带节原来拿来打火锅都好好味。
最后系重中之重的手打墨鱼丸同主角猪桶骨。墨鱼丸因为已经调好味，放入火锅后，熟左就食得，真系好奇怪，点解距地D墨鱼丸好食过外面果D，又弹牙！比起有*气，我情愿来呢度食猪骨煲！因为呢度真系好正！猪骨不单止大，而且好厚肉，食得过。同时D猪骨煲得真系同D 鸡脚一样，又香又淋，至于骨髓嘛，可能到走晒去D汤度罗！无乜野剩低。总之当你试过之后，就会爱上距地的猪骨煲！
唔好唔记得食满88蚊以上，就可以要距送红豆冰。虽然而家冻左D，但系试下冰火两重天噶感觉都唔错嘎！

推荐菜: 胡椒猪骨煲红豆冰沙手打墨鱼丸

标签: 朋友聚餐

08-12-11 21:46
|
回应
|
送鲜花(2)

铁11

广州越秀区教育路11号

好吃女巫
口味:2
环境:2
服务:2
人均:￥35

第一次见到时就想入去啦！直到最近才有机会。其实入去都系带住好奇心的，想试下同睇下铁板烧系点样的。
但真系入到去，就发觉真正的铁板烧菜式其实并唔多。我仲见到距地一早就将招牌炒饭炒好，放埋一边备用，而唔系客人落单后先做的。
讲番正题：距家的铁板烧里，我只系点左一份烧带子，几好味嘎！少少酒香，带D咸味。寿司同刺身就去专门店好D啦！

推荐菜: 铁板烧带子

09-04-21 22:43
|
回应
|
送鲜花(2)

荣成潮汕风味食店

广州越秀区大南路191号(北京路路口)

好吃女巫
口味:2
环境:0
服务:2
人均:￥6

之前已经睇左甘多呢度D介绍，甘岩又有一日，就入去坐下，食下了。呢度D人气好旺，人地仲未食完姐，就已经系你身边企定定啦。铺头装修一般，以瓷砖同镜为主，不算大的空间马上俾人一种阔的感觉。呢度无服务员，要自己动手：拿出品，筷子或者毕辣椒酱。

因为曾经系同福西果间食过，而呢度又话系分店，所以要了一碗杂锦米。D丸好少，好细粒，鱼旦唔够弹牙，牛肉还可以；炸鱼皮唔似鱼皮，食落口成旧面粉甘，仲是D都唔脆身；但系距好识做，同你落好多D薄脆令度人误会；一碗面食好与唔好，其实好讲汤底嘎！而呢度好有同福西果间有味道，但系汤底唔够味，淡左D甘啦；最后讲下距地D粉啦，唔知系咪自家制的，因为每条粉都唔一样，有大有小。

总括来讲，呢间野D出品唔算话好好咯！不过唔想食甘贵，拣呢度都要可以的。

推荐菜: 杂锦鱼旦粉