OscarLi

排序:鲜花数点评(28 )

俊江南苏杭上海菜馆

广州荔湾区沙面北街37号

• OscarLi
• 口味:2
• 环境:1
• 服务:1
• 人均:￥80

睇雜誌介紹，所以專登嚟試吓。嚟之前做定功課，上網睇過大家嘅點評，知道呢間店味道應該幾好，但貴囉，哈哈，所以有晒心理准備。

開頭以為食飯有得免費泊車，點知門口嘅哥哥仔話，呢間鋪得兩個車位，泊滿就要另外俾錢。如果兩個位都泊唔滿就真係死得喇。

門面比想像中細，入邊光線麻麻，可能係搞氣氛嘅關係吧。因為已經打電話訂咗位，所以被安排喺入門口左邊嘅梳發位，但張梳發好“林”，坐得唔多舒服。

我哋五個人點咗松子魚、醉雞、東坡肉、蒓菜魚片湯、炒年糕、炒鱔絲、清炒草頭、鍋貼和銀絲包，好豐富呀，哈哈。

- 松子魚：好吃，酸酸甜甜，啱晒送飯食，但貴咗啲，98蚊喔。
- 醉雞：網上好多人話好食，所以點嚟試吓。幾好，冷冰冰，好重酒味，啱晒愛酒嘅我，可惜份量太細，得果幾舊雞，28蚊。因為貴，所以我連酒都飲埋，哈哈。
- 東坡肉：用個紫砂茶壺入住，個汁好濃好香，我平時唔中意食肥豬肉，但尋日都食咗，好味，入口即溶，正！
- 蒓菜魚片湯：之前喺“六千館”食過蒓菜，覺得滑滑哋，好怪，不過今次朋友又點，就試多次喇，味道比上次好，清清淡淡，但唔係“賣飛佛”囉，哈哈。
- 炒年糕：本人勁愛食上海年糕，平時媽媽喺屋企都會間唔中炒嚟食，但呢度將啲年糕切得好薄，炒得好夠火喉，好入味，好好食。GOOD！
- 炒鱔絲：都OK，但味太鹹，空口食會好口干，但送飯就一流喇。
- 清炒草頭：草頭系一種青菜，有啲似豆苗，無咩草腥味，但有啲老，唔知係呢只菜本來係咁定係唔啱季節喇。
- 鍋貼：普通，同出邊街食嘅差唔多
- 銀絲包：最上當嘅一道主食，我哋開頭以為包入邊有蘿卜絲之類嘅嘢，點知佢將啲面粉整到一條條咁放喺只包中間，食落根本分唔出入邊有咩唔同，口感就似食緊一只饅頭。

埋單：394蚊。算幾貴，雖然味道幾好，不過我以後應該仲會嚟幫襯嘅，哈哈。

推荐菜: 醉鸡  东坡肉  炒年糕  松子鱼

标签: 朋友聚餐

• 08-10-04 18:36
• |
• 回应
• |
• 送鲜花(5)

保罗酒楼

上海静安区富民路271号(近长乐路)

• OscarLi
• 口味:4
• 环境:1
• 服务:1
• 人均:￥45

來SH玩，guidebook裏的“年度熱地推介”，吃方面就是這家“保羅”。所以非常“聽話”的來這裏試試，真的非常好吃！！！

富民路離地鐵站不算近，從陝西南路地鐵出來還得走十五分钟才到。
guidebook裏已經介紹了，來這裏一定要提早預訂。本來想晚上來吃，怎麽知道真的訂滿了，只能改第二天的中午。
一到門口發現這裏裝修不怎麽樣，舊舊的。

一坐下就點了推介的菜式，每一個的味道都非常正，令人喜出望外呀。
“茄子包餅”。茄子是典型本幫菜的做法，濃味，用薄餅包著吃，yummy！

“保羅生煎”。來SH一直沒吃到地道的生煎包，來這裏把這個補上了。這裏的生煎包和平時吃的很不同，底全部是芝麻，而且煎得很香很脆。大大個，咬開，裏邊大大塊肉，雖然我不喜歡吃豬肉，但也覺得好好吃，加一勺醋，味道更加好！

“瑞士牛柳”。賣相醜醜的，但牛肉嫩得不得了，加上黑椒汁，惹味，吃到停不了口！

“保羅豆腐”。菜一上桌，以為上當了，樣子不怎麽樣，但吃了才知道是好東西喔。塊豆腐炸到外皮好香好脆，但裏邊嫩到不行，好久沒吃過這麽嫩的豆腐了。

下次來SH，一定還會再來！！！

推荐菜: 瑞士牛排  保罗生煎  茄子包饼  保罗豆腐

标签: 本帮  家庭聚餐  老字号  朋友聚餐

• 09-10-25 17:55
• |
• 回应
• |
• 送鲜花(2)

春风3号

广州荔湾区荔湾路119号之25铺(周门路口)

• OscarLi
• 口味:2
• 环境:2
• 服务:3
• 人均:￥25

前晚同朋友想揾地方hea吓倾吓计，但荔湾区真系无咩好cafe，仙踪林又贵又嘈，真系唔知去边度好，唯有上网揾吓。见到呢间铺嘅介绍，见离屋企几近，网评都唔错就嚟试吓。

睇个地址，以为喺荔湾路上，但其实应该系喺荔湾路果边个周门路口入少少。

间铺好细，一楼有个好大嘅bar台。经过一条旋转楼梯，上到2楼。2楼以木椅木台为主，好简单，好家居嘅feel。

个menu系用人手写喺牛皮纸上，啲字都几靓，哈哈！

呢度嘅coffee有好多种类，但因为夜晚去，怕饮咗训唔着，所以无试到，转咗饮奶茶。我哋两个人点英式奶茶一壶（二人份，18蚊）X2同吞拿鱼三文治（16蚊）。价钱真系平，坐耐啲都唔怕。奶茶好好饮，有奶味又有茶味，哈哈。而个三文治劲大份，有四大件，而且落足料，好好味。

呢度嘅店员好nice，好似朋友咁样。

我哋坐咗成晚，到差唔多准备走嘅时候，个店员见我哋饮晒啲奶茶喇，仲主动俾壶水我哋，叫我哋饮啲水。如果喺其他cafe，肯定唔会主动俾水你，如果你要求，肯定又要再收钱。而且呢度装水个壶仲好特别（上传咗张相俾大家睇吓）。

呢度好简单，好舒服，适合嚟倾吓计饮吓嘢，hea一晚。

4图片

• 08-11-24 16:21
• |
• 回应
• |
• 送鲜花(2)

六千馆(荔湾路店)

广州荔湾区荔湾路78号新景城广场1楼

• OscarLi
• 口味:1
• 环境:2
• 服务:2
• 人均:￥40

睇到網上嘅點評,所以今日中午去試咗一下,總體嚟講都OK啦.
裝修唔錯,坐得幾舒服
個menu整得真係幾靚,有晒相睇,不過老豆話菜牌嘅相就梗系靚架啦,哈哈.
老豆中意食鳳爪,所以先點咗個指天椒鳳爪做開胃菜,不過真係麻麻哋,一個字"鹹"呀.
其他菜色係根據網上嘅朋友推薦,不過不失啦,個"豉油炒飯"就真係幾好食,另外一個"沙薑撈鹅肠头"都幾好食,点埋啲豉油同芥辣,正呀,不过贵咗啲,差唔多四十蚊.
"莼菜鱼柳丝"就真系麻麻哋,一上台睇個賣相就覺得怪啦,食落仲怪,超級清淡,個芡勁"杰"呀.
四个人食咗167蚊,喺果附近嚟讲算贵啰,不过试吓新嘢都OK啦.

推荐菜: 沙薑撈鹅肠头  豉油炒飯

标签: 家庭聚餐  朋友聚餐

• 07-08-19 18:22
• |
• 回应
• |
• 送鲜花(2)

臻苑

广州越秀区中山五路68号五月花商业广场3楼(近广卫路)

• OscarLi
• 口味:1
• 环境:3
• 服务:2
• 人均:￥110

聽聞呢間嘢好貴架啦,不過一直未試過,終於前晚去試咗一下,真係見識到咩叫"貴夾唔好食"呀.
去到睇到個MENU就已經唔知食咩好啦,好貴呀.
朋友提議試吓宜家做緊嘅"美食放題"(好似係叫呢個名),88蚊一位,外加10%服務費,2小時內任食88款,不過係即點即整,一個ROUND只能點五款,唔食完呢五款唔可以叫下一個ROUND.免費送一客翅或者雪蛤.
點知果客翅好似蛋花湯咁,果度咁暗嘅光線之下,完全見唔到有翅囉,我完全就係覺得食緊一碗落咗陳醋嘅蛋花湯囉.
跟住啲主菜仲經典呀,無咩特別嘢食之余,份量仲要勁少,多春魚得兩條,一人分一條,啱啱好.味道仲要勁咸,唔怪得叫呢個"自助餐"嘅話,ORDER其他飲品有七折啦,估死你哋食唔到甘咸,要叫嘢飲囉.
開頭同個FRIEND諗住要食足兩個鐘先會抵,點知食咗唔夠一個鐘就走啦,一嚟無咩嘢好食,二嚟實在咸到死,飲水都飽啦,仲邊使食呀.
呢啲甘GRAND嘅地方,環境就一流啦,服務都幾好,個咨客姐姐熱情到我以為自己係佢個FRIEND添,不過真係試一次就夠啦,可能自己唔係呢個LEVEL唔可以試呢啲高級嘢呀.

• 07-07-28 20:04
• |
• 1回应
• |
• 送鲜花(2)

成记粉面世家

广州越秀区惠福东路614-616号(近北京路)

• OscarLi
• 口味:2
• 环境:2
• 服务:2
• 人均:￥20

当某一期手紧的时候，在北京路附近行街就会去成记食个“常餐”。
“常餐”长年供应，非常抵食，16蚊，包括一个粉+一杯饮品+一小件牛油三文治+一小件火腿煎蛋（成记就话叫奄列，哈哈），食完都觉得好饱。
我通常就系：榨菜肉丝米线+冻奶茶/冻鸳鸯。
其实就系想饮果度的奶茶，好有奶味，又有茶味，哈哈（几废话）
鸳鸯亦都好好饮，不过如果唔受得咖啡的朋友就唔好试啦，夜晚饮完有排都训唔着呀。

推荐菜: 常餐

• 06-09-22 12:18
• |
• 回应
• |
• 送鲜花(2)

迷恋意大利餐厅

广州越秀区环市东路371-375号世贸大厦东广场1楼(近花园酒店)

• OscarLi
• 口味:1
• 环境:1
• 服务:2

講真唔多中意食呢啲外國菜，上菜又慢，啲嘢份量又細，不過老板請食飯就嚟試吓喇。
啲菜式麻麻哋，冇邊個特別好食，而且都唔記得啲名，哈哈。

但最深印象就係個提拉米蘇。只能用兩個字形容：“垃圾”。

可以算係食過最難食嘅提拉米蘇喇，連街邊餅鋪整嘅都比唔上。唔知係個師傅失手定係正宗意大利口味喇，成個餅濕立立，一入口直頭想吐返出嚟。

但因為係老板請食飯，唔好意思當時就講自己嘅感受，只好快快手食完算數。點知老板食完問我好唔好味（因為得我同佢兩個人點咗提拉米蘇），我好婉轉咁話：麻麻。老板死笑，話自己覺得個餅好似跌咗落坑渠再執番上嚟，濕到離晒譜，哈哈。證明唔係得我一個人咁認為囉，真係差到冇人有果只。

除非再有人請，否則唔會自己出錢去食囉。

• 09-10-25 19:13
• |
• 1回应
• |
• 送鲜花(1)

外婆家(杭报店)

杭州下城区体育场路218号杭州日报大楼裙楼(中河北路口)

• OscarLi
• 口味:4
• 环境:4
• 服务:3
• 人均:￥45

五月來杭州的時候吃過一次，覺得非常非常好吃，而且便宜，為什麽廣州沒有開分店呢？
這次再來杭州其中一個目的就是再吃一次“外婆家”。

知道這裏一向生意很旺，所以不到五點半就來了。怎麽知道已經要排二十幾個號喇，唉，沒辦法，誰叫自己想吃呢？足足排了一個半小時才輪到我們。吃一頓也真不容易呀！！！

最愛這裏的“涼拌海蟄”，上次食過一次，好回味。不僅份量大，而且價錢便宜。如果在廣州，這種價錢絕對吃不到。

“宋嫂魚羹”也是必點菜，酸酸的，魚肉很嫩。

“黃金烤蟬”是媽媽點的菜，賣相挺恐怖的，但一吃上癮，配上啤酒，正呀！！！

希望“外婆家”能在廣州開分店，那我就不用千裏迢迢專門到杭州才能吃到好東西囉，嘻嘻！！！

推荐菜: 宋嫂鱼羹  凉拌海蛰  黄金烤蝉  杭式酥鱼  珊瑚虾  铁板蛏子

标签: 朋友聚餐  家庭聚餐  旅游  情侣约会

• 09-10-25 17:37
• |
• 回应
• |
• 送鲜花(1)

满乐面家

广州荔湾区中山八路恩洲大街41号1楼3号铺

• OscarLi
• 口味:2
• 环境:3
• 服务:2
• 人均:￥15

其實知道呢間麵鋪好耐，因為就喺富力入邊，但一路都未嚟過，今日一早練完車就嚟試吓。

環境唔錯，好幹淨，好光猛，一入去就有好感。

呢度好少品種揀，得雲吞麵、齋麵、淨雲吞同油菜之類，擺明sell靚麵，係咪真係咁得先？價錢方麵唔算貴，雲吞麵細7大11，齋麵5，油菜8。

一上台，個湯入邊有蟹籽喔，nice。啲麵係沉沉哋黃色果只銀絲麵，正！因為我好怕食果啲鮮黃色嘅銀絲麵，擺明落咗嘢喇。啲麵食落都幾彈牙，咁嘅價錢對番咁嘅出品，算幾好架喇。而且呢度啲醋又唔系大紅色嘅浙醋，嗯，加分。唯一麻麻哋就係個湯底太鹹，食完飲兩啖就覺得鹹到不得了喇，淡番少少就正晒喇，正所謂“原湯化原食”嘛！

喺中山八呢附近嘅粉麵鋪嚟講，算比較好食嘅一間喇，如果多幾只品種揀吓就更加好喇。

• 08-10-04 20:42
• |
• 回应
• |
• 送鲜花(1)

棒约翰比萨(新光店)

广州荔湾区康王中路600号新光城市广场1楼156号(近苏宁电器)

• OscarLi
• 口味:2
• 环境:2
• 服务:3
• 人均:￥60

朋友話呢間嘢好食過pizza hut喔,所以咪嚟試吓囉.
地方細細,晏咗嚟有可能要等位喔.
我開頭以為芝士條會好似薯條咁樣添,點知原來係好似一只個人裝嘅pizza咁,好香芝士味,個底好脆,好味.
老實講,我覺得pizza整得唔夠pizza hut好食囉,啲馅好湿,好似烤嘅時間唔夠咁.
雞翼嘅味道同pizza hut好似呀,都好好食,唔知係咪同一個師傅呢,哈哈.
總括嘅講,唔錯啦.

推荐菜: 芝士條

标签: 朋友聚餐  情侣约会

• 07-08-19 19:16
• |
• 回应
• |
• 送鲜花(1)