贡献值:175
社区级别:学龄前
点评:96
商户:0
图片:9
用户信息:20
其他:50
0
19
2
同FF們去歎下午茶。呢度環境好舒服，啱晒hea同埋傾計。而且下午茶唔算貴，一杯嘢飲加一件cake，都係二十幾，OK囉。得閑會再嚟。
推荐菜: 吞拿魚法包 凍鸳鸯
标签: 咖啡厅
4图片
想嚟呢度好耐架喇，不過呢邊實在唔就腳，又唔近地鐵，今晚終於專登同F行過嚟試吓喇。比想象中大間，卡座都坐得幾舒服。葡撻好好味，香噴噴，唔會好甜，正！咖喱牛腩面。啲牛腩好淋，好入味，不過個湯太油腻，啲面煮得太耐，淋得滯。炒烏冬勁大碟，一個人食唔曬，不過一樣都系勁油腻。奶茶好滑，而且裝奶茶個樽好Q。如果唔係太遠，應該會經常幫襯嘅。
推荐菜: 咖喱牛腩 葡挞 冻奶茶
标签: 朋友聚餐 茶餐厅
喺屋企附近，有事冇事都成日去，去到老板娘們都認得我喇。典型西關大屋，家庭式粵菜，勁有家常味。花雕雞。每次必點菜，因為中意花雕酒嘅緣故，啲雞好嫩，酒味好重，加埋啲藥材，而且唔會好燥。蝦膠釀炸面。出邊好少見到嘅菜式。好香口，但好熱氣，不宜多食。鱸魚球。魚整得好嫩，加埋絲瓜仲有腰果，正！鴨脯。個汁好濃，好入味，送飯一流。去之前一定要訂位，否則walk in通常只會白行。老板娘們同啲夥記講嘢都好串，但習慣咗亦覺得係呢間鋪一大特色呀。
推荐菜: 花雕鸡 虾胶酿炸面 骨香鲈鱼球
标签: 粤菜
2图片
同老細打賭，結果老細輸咗，請我同姐姐嚟花開園食飯。不過冇諗過係一間咁貴價嘅嘢囉，一入門口睇個裝修就知喇。居然八點去到都仲要等位。啲前菜一上就擺滿成張台喇，個泡白菜非常好味，唔會太辣，好入味。呢度主要食燒烤，所以老細點咗牛舌、五花肉仲有牛肉。牛舌俾個服務員姐姐燒到老晒，牛肉好食好多，又薄又香口。泡菜炒年糕。可能因為落order果陣話唔好咁辣，整到出嚟，變晒味，完全食唔出泡菜嘅味，而且顔色居然系黃黃哋，而唔係紅色喔。人參雞湯。俾大病初愈嘅老細補補，一人分到勁大碗，雞入邊有糯米飯，吃完呢碗嘢都飽喇。另外，熱咗壺清酒，酒精度數唔算高，熱辣辣，好好飲。雖然係貴嘢，但味道唔及市橋某家庭式韓國菜喔。
推荐菜: 人参鸡汤 烤牛肉
标签: 商务宴请 韩国料理
講真唔多中意食呢啲外國菜，上菜又慢，啲嘢份量又細，不過老板請食飯就嚟試吓喇。啲菜式麻麻哋，冇邊個特別好食，而且都唔記得啲名，哈哈。但最深印象就係個提拉米蘇。只能用兩個字形容：“垃圾”。可以算係食過最難食嘅提拉米蘇喇，連街邊餅鋪整嘅都比唔上。唔知係個師傅失手定係正宗意大利口味喇，成個餅濕立立，一入口直頭想吐返出嚟。但因為係老板請食飯，唔好意思當時就講自己嘅感受，只好快快手食完算數。點知老板食完問我好唔好味（因為得我同佢兩個人點咗提拉米蘇），我好婉轉咁話：麻麻。老板死笑，話自己覺得個餅好似跌咗落坑渠再執番上嚟，濕到離晒譜，哈哈。證明唔係得我一個人咁認為囉，真係差到冇人有果只。除非再有人請，否則唔會自己出錢去食囉。