前排老公在銅鑼灣地鐵站看到一間名為 Mega Stages 十八夢 嘅沉浸式餐廳嘅宣傳廣告，知道我從來未試過邊享用美食邊欣賞歌舞劇表演後，就特意帶我去到呢間餐廳體驗下，順便過一個難忘嘅情人節🙈
呢個劇場 異世界 - 捕夢之旅 由詹瑞文擔任藝術總監及導演，係香港首個5D夢幻沉浸式美食劇場，並以 夢與夢想 為主題，藉着故事來喚起觀眾對夢想嘅追求，2月14號起正式公演。
我地一步入餐廳，目光就比周圍環境吸引住，寬敞冇柱嘅環境、華麗嘅裝潢佈置、巨大嘅屏幕，配合背景音樂、燈光效果，令人置身於夢幻嘅仙境中，別具情調。演員、舞蹈員會喺觀眾席間表演及互動，務求令每一位客人感受到非一般嘅美食劇場體驗。
餐廳為客人準備咗四道料理，每道菜式都與 夢 有關，亦配合故事發展安排上菜。
第一道菜 - 夢海浮沉
餐湯係羅馬蕃茄羅勒湯，以小巧精美嘅杯子盛載。蕃茄湯味道濃郁又帶點酸甜，好開胃，配埋蒜蓉包粒食能增添口感
第二道菜 - 舊歡魚夢
前菜係時令刺身拼盤，包括有口感爽彈嘅鹿兒島野生鰤魚、厚身鮮甜嘅北海道帆立貝、啖啖肉嘅牡丹蝦、鮮甜肥美嘅岩手縣津田宇生蠔同埋口感綿滑嘅北海道馬糞赤上海膽。另外，喺打開透明盒嘅時候會有個小驚喜，記得準備手機打卡![[悠闲]](https://img.meituan.net/ugcpic/691d1af52e3b4e7022e75ca36f97b53a2171.png)
第三道菜 - 夢朱豬
主菜採用了西班牙伊比利亞豬鞍，慢煮4小時至肉質呈粉紅色，大約六成熟就上碟。咬落肉味濃郁多汁，點上以蘋果蓉及無花果果醬調製成嘅醬汁可減油膩感。配菜有蔬菜及薯蓉，係健康、飽肚嘅配搭
第四道菜 - 甜椰椰夢歌
甜品係椰子芒果朱古力，賣相精緻可愛，椰子慕絲以雲朵☁️嘅造型，並用上琴鍵朱古力作裝飾。切開雲朵，裡面加入了芒果醬同果肉，整體味道甜而不膩
整個歌舞劇演出連用餐大約兩個小時，一次過獲得 味、嗅、視、觸、聽、本體 六感享受，第一次體驗已令我留下深刻嘅印象~
#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk
#銅鑼灣 #西餐#劇情
