今日同朋友去咗「黑牛の店·和牛燒肉·夜食」食燒肉，真係好耐冇食過咁正嘅和牛燒肉啦！餐廳位置超方便，由蓮塘口岸/羅湖口岸搭幾個站就到大劇院站，勁就腳！
呢間店主打黑毛和牛，全部係澳洲牧場谷飼嘅高質貨色，仲要用埋攞過世界和牛「奧斯卡」金獎嘅澳洲金鳳凰和牛，真係堅正！仲要係現點現切，保證新鮮到爆～
店內環境又大又舒服，服務員仲會幫手燒烤，精准掌握火候，完全唔使自己動手，可以專心同朋友吹水同享受美食！
生牛肉咖哩飯
師傅將牛肉整成波波，中間藏住隻溫泉蛋，熱辣辣嘅石碗將牛牛波波慢慢燙熟，撈埋流心溫泉蛋和秘製咖喱，咖哩香濃但唔會太辣，撈飯食一流！
山葵牛排
牛排軟腍，加入新鮮山葵，沒有印象中的攻鼻，反而帶出了牛肉的鮮甜味。
紅酒搖搖肋條
店員會即席用搖酒器將牛肋條同紅酒shake勻，等每塊肉都吸收晒酒香，燒完外脆內嫩，仲帶微微果香，好特別
和牛紅酒杯
賣相吸睛，牛上胸、牛舌、牛小排砌成一朵朵花，擺喺超大個紅酒杯入面，勁精緻，牛舌爽脆、牛小排油脂香濃、牛上胸嫩滑，三款肉類各有特色。
珍珠鵝肝
鵝肝整成一粒粒珍珠咁，未食已經覺得好奢華，鵝肝搓成圓碌碌嘅珍珠形狀，柔軟滑嫩，散發出油脂香氣。
三文魚沙拉
三文魚肥美，沙律菜新鮮，色彩繽紛，沙律可以中和油膩感。
希臘酸奶水果碗
希臘酸奶濃稠順滑，再加入蜜糖，蜜糖嘅天然甜味同酸奶好夾，再配上新鮮藍莓和提子，仲有啲脆脆穀物，口感豐富又不會甜
楊梅汁
酸甜清爽
柚香海底椰氣泡
柚子清香加上海底椰嘅微甜，夏天飲岩晒
#和牛烧肉#烧烤自由#上海烤肉#上海美食#上海必吃#美食推荐#上海旅游#旅游必吃#烧烤#烤肉
