劉興記生煎包專門店
今次應該唔洗我介紹，今期最火熱嘅餐廳 劉興記生煎包專門店 ，連發哥都有幫襯，仲知道佢哋之前喺一個月內連開五間分店，依家暫時總共有六間分店，無論咩時段都好多人排隊，餐廳內充滿咗 嘩嘩嘩 聲，連門口等緊位嘅我都聽到，生煎包入面d湯汁多到噴出嚟，價錢又唔算貴，值得一試！
琴日落雨天，咁啱經開旺角見到無人排隊，一於入去一試爆汁生煎包，佢哋門口都有一級，不過今次我上唔到，落雨天搞到我車軚好濕，一上到斜板車軚不停空轉，結果放棄咗堂食，好彩店員阿姐好好人，幫我轉做外賣，留返兩款生煎包放喺餐廳枱面做 爆汁測試 ，因為我驚拎走行去附近公園食時，好怕生煎包入面d湯會被包皮吸乾咗，感謝店員阿姐嘅配合，之後我哋火速趕去附近嘅公園，趕住食生煎包，點知有意外驚喜，十分鐘路程不但d湯汁無少到，反而仲好熱，真係好好食！
1.招牌生煎包（6隻）$45（10/10）
我嚟劉興記重點就係食招牌生煎包，食呢個招牌生煎包記得放入口時，唔好講野，唔好張開口，一次過放生煎包入口，一咬時會感受到微暖嘅湯汁喺你口腔入面，生煎包個皮又好薄，包皮底又好脆口，食完6隻生煎包之後非常大滿足！
2.蟹黃生煎包（1隻）$18（10/10）
呢個蟹黃生煎包叫咗兩隻，入面餡料滿滿，大約七成係蟹肉蟹黃，三成新鮮豬肉，都係會爆汁，記得放入口時，唔好講野，唔好張開口，一次過放蟹黃生煎包入口，一咬時會感受到微暖嘅湯汁喺你口腔入面，生煎包個皮又好薄，包皮底又好脆口，同其他餐廳價錢比較，呢度嘅蟹黃生煎包非常抵食！
3.生炸雞扒湯麵$42（9.5/10）
呢個生炸雞扒湯麵個麵係烏冬，烏冬咬落非常彈牙，生炸雞扒好脆，份量都好多，仲幫食客切開成大約6條雞扒，令到食果時更加方便，好細心！
4.生炸雞扒蔥油拌麵$42（9.5/10）
呢個生炸雞扒蔥油拌麵嘅蔥油夠香，生炸雞扒好脆，個拌麵似炸過嘅豉油麵，幾香又有少少脆，份量都好多，仲幫食客切開成大約6條雞扒，令到食果時更加方便，好細心！
5.低糖豆漿（凍）$8一杯
呢杯低糖豆漿叫咗兩杯，唔會好甜，唔似其他餐廳加好多水，呢杯豆漿個黃豆味好出好濃，好好飲！
2人總共價錢$181
個人口味總評分：9.75/10
@lauhingkee @take_turn_to_do_kol
地址：旺角通菜街1M-1T號華發大廈地下D號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！![[双手合十]](https://img.meituan.net/ugcpic/56e0069bd137c9fcc4b5a8efbcb7513e2392.png)
🏻🙇🏻♂️
#劉興記生煎包專門店 #生煎包 #蟹黃生煎包 #生炸雞扒 #旺角好去處 #旺角美食 #香港美食
